- 2019-03-12 08:43:20
- ចំណេះដឹង
អាចកើតរឿង ៥ នេះ បើសិនសុខៗគ្មានព្រះចន្ទ
- 2019-03-12 08:43:20
- ចំនួនមតិ 0 | ចំនួនចែករំលែក 0
អាចកើតរឿង ៥ នេះ បើសិនសុខៗគ្មានព្រះចន្ទ
ចន្លោះមិនឃើញ
ព្រះចន្ទពេលខ្លះអាចបង្ហាញខ្លួនពេញវង់ភ្លឺចិញ្ចែងចិញ្ចាច ហើយក៏អាចបង្ហាញខ្លួនជាចំណិតៗបញ្ចេញពន្លឺព្រាកៗដែរ ដោយមិនចេះបាត់ទៅណាទេនៅតែមួយកន្លែងហ្នឹង។ ចុះប្រសិនបើសុខស្រាប់ៗតែលែងមានព្រះចន្ទ តើនឹងមានផលប៉ះពាល់អ្វីដល់ភពផែនដីដែរឬទេ?
ប្រសិនបើមិនមានព្រះចន្ទអាចនឹងកើតមានហេតុភេទចម្លែកទាំង ៥ ខាងក្រោម ៖
១. ពេលយប់នឹងមានភាពងងឹតខ្លាំង ខ្លាំងដល់ថ្នាក់មើលស្អីក៏មិនឃើញ។ វត្ថុដែលមានពន្លឺភ្លឺលើផ្ទៃមេឃបន្ទាប់ពីព្រះចន្ទគឺភពសុក្រ។ ប៉ុន្តែវានឹងមិនមានពន្លឺភ្លឺគ្រប់គ្រាន់សម្រាប់បំភ្លឺផ្ទៃមេឃនោះទេ។ ព្រះចន្ទពេញវង់មួយមានពន្លឺភ្លឺជាងភពសុក្រជិត ២ ពាន់ដង។
២. បើគ្មានព្រះចន្ទ មួយថ្ងៃលើភពផែនដីនឹងមានរយៈពេលប្រហែល ៦ ទៅ ១២ ម៉ោងប៉ុណ្ណោះ ហើយមួយឆ្នាំអាចមានដល់លើស ១ ០០០ ថ្ងៃឯណោះ។ នេះក៏ព្រោះតែល្បឿនរង្វិលរបស់ផែនដីអាចថយចុះដោយសារតែកម្លាំងទំនាញរបស់ព្រះចន្ទ ហើយបើគ្មានព្រះចន្ទ មួយថ្ងៃដូចមួយប៉ប្រិចភ្នែកអ៊ីចឹង។
៣. ផែនដីដែលគ្មានព្រះចន្ទក៏នឹងមានការប្រែប្រួលនៃទំហំទឹកនាច និង ទឹកជោរនៃសមុទ្រដែរ ដោយកម្ពស់អាចឡើងខ្ពស់ជាងមុន ១ ភាគ ៣។
៤. មិនបាច់ចាំមើលសូរ្យគ្រាស ឬ ចន្ទគ្រាស អីនោះទេ ព្រោះបើគ្មានព្រះចន្ទក៏មិនមានអ្វីមកបាំងព្រះអាទិត្យដែរ។
៥. មិនមានព្រះចន្ទ កម្រិតលំអៀងនៃអ័ក្សរបស់ភពផែនដីនឹងប្រែប្រួលជានិច្ច ដែលនាំឲ្យកើតមានអាកាសធាតុប្លែកៗ។ បច្ចុប្បន្នដោយសារព្រះចន្ទកម្រិតលំអៀងនៃអ័ក្សរបស់ភពផែនដីស្ថិតនៅកម្រិតថេរ ២៣,៥ ដឺក្រេ។ ប៉ុន្តែបើមិនមានព្រះចន្ទទេផែនដីអាចនឹងមានកម្រិតលំអៀងខ្លាំង ឬ មិនមានទាល់តែសោះ ដែលនាំឲ្យមិនមានរដូវ ឬ មានរដូវច្រើន៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអាន៖