៣ ចំណុចនេះ គិតសិនក៏មិនទាន់ហួសពេល បើមិនចង់ចាយលុយលើទូរសព្ទថ្លៃ Spec កប់

2018-10-23 23:51:00
ចំណេះដឹង

2018-10-23 23:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូដែល iPhone មួយឆ្នាំចេញតែម្តងប៉ុណ្ណោះ ខណៈទូរសព្ទ Android ចេញច្រើនមិនថាក្រុមហ៊ុន Google, Samsung ឬ Huawei ជាមួយតម្លៃមានថោកមានថ្លៃ។

ចុះបើមិនចង់ចំណាយលុយក្បែរពាន់ ប៉ុន្មានចំណុចនេះអាចគិតពិចារណាសិនក៏មិនទាន់ហួសពេលដែរ។

ទំហំរក្សាទុកទិន្នន័យ

ស្មាតហ្វូនក្រោយៗនេះ មានជម្រើស Storage ច្រើនដូចជា 128GB, 256GB និង 512GB។ តើអ្នកពិតជាមានតម្រូវការទំហំធំដល់ថ្នាក់នឹងមែនទេ? ពីមុនត្រឹម 16GB ឬ 32GB ល្មមអាចប្រើប្រាស់ប្រចាំថ្ងៃបាន ដោយតន្ត្រីស្តាប់ពីអ៊ីនធឺណិត ឬមានជម្រើស Cloud អាចរក្សាទុកទិន្នន័យ ដូចជារូបភាពបាន។

ទូរសព្ទទំហំត្រឹម 64G សមល្មមសម្រាប់តម្រូវការចាំបាច់។

Chip Snapdragon 845 ផ្តល់សមត្ថភាពខ្ពស់ដល់ស្មាតហ្វូន រួមទាំង Kirin 980 ទាក់ទងនឹងល្បឿនដំណើរការប្រព័ន្ធ។ តើអ្នកពិតជាត្រូវការល្បឿនកប់បែបនេះមែនទេ? Chip ត្រឹម Snapdragon 660 អាចថាល្អបំផុតសម្រាប់ការប្រើប្រាស់ភាគច្រើន។

ទំហំអេក្រង់

ស្មាតហ្វូនក្រោយៗនេះបានបង្កើនទំហំអេក្រង់ធំៗពី ៥ ទៅ ៦.៥អ៊ីង ដូចជា Pixel 3 XL, Note 9 និង iPhone XS Max។ ទំហំបែបនេះ ប្រហែលពិបាកកាន់ប្រើ និងដាក់ក្នុងហោប៉ៅ។

Retina (ជាចំណុចដែលកម្រិត Pixel មិនអាចឃើញដោយភ្នែកមនុស្ស) មានត្រឹម 300ppi ប៉ុណ្ណោះ ដូចនេះ តើពិតជាមានតម្រូវការដល់ទៅជាង 500ppi ដែរឬទេ?

ចំណាយច្រើន បញ្ហាក៏ច្រើនដែរ

ពីមុនសមាសធាតុបំពាក់លើតួទូរសព្ទ មានប្លាស្ទិក ឬលោហៈ ដែលងាយស្រួលកាន់ប្រើ ឬធ្លាក់តិចតួចមិនសូវបារម្ភ នឹងចំណាយលើការជួសជុល ឬផ្លាស់ប្ដូរ។ បច្ចុប្បន្ន មានម៉ូដែលស្មាតហ្វូនមួយចំនួន បំពាក់កញ្ចក់នៅផ្នែកខាងក្រោយទូរសព្ទ មើលទៅទាន់សម័យស្អាត ព្រមជាមួយនឹងសមត្ថភាពសាកថ្មឥតខ្សែ ប៉ុន្តែក៏ងាយស្រួលនឹងប្រេះស្រាំផងដែរ៕

វីដេអូ៖