ចង់ឡើងស៊េរីទូរសព្ទ មើល ៤ ចំណុចនេះ អស់ចង់ភ្លាមហ្មង

2018-08-15 02:26:14
ចំណេះដឹង

2018-08-15 02:26:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ ធ្លាក់ គាំង មិនដំណើរការ ម្ចាស់ទូរសព្ទភាគច្រើន សុទ្ធតែបានជួប អ្នកខ្លះប្រហែលគិតគូរប្ដូរម៉ូដែលថ្មី ពេលជួបបញ្ហាទាំងនេះ ដោយមានអារម្មណ៍លែងស្រលាញ់។

នេះហេតុផល អ្នកគួរយកទូរសព្ទទៅសួរនាំអ្នកជំនាញ ជៀសជាងប្ដូរថ្មី។

បែកអេក្រង់៖ បើទូរសព្ទបែកអេក្រង់ មិនគួរលក់ចោល ថែមលុយទិញរបស់ថ្មីភ្លាមៗនោះទេ។ អេក្រង់ភាគច្រើនអាចជួសជុលបាន ដោយអ៊ុត ឬផ្លាស់ប្ដូរ ត្រឹមអេក្រង់ថ្មី។
Storage ទាប៖ បើទូរសព្ទដំណើរការយឺត ហើយបង្ហាញសារថាទំហំ Space នៅសល់ទាបពេក កុំទាន់គិតពីម៉ូដែលថ្មីមានទំហំធំជាងនេះ។ គួរយកទៅជួបជាង អាចសាកសួរពីរបៀបសម្អាត File និងកម្មវិធីមិនចាំបាច់លេងប្រើចេញ ឬទិញមេម៉ូរីកាតទំហំធំបន្ថែម (បើទូរសព្ទផ្ដល់ជម្រើសនេះ)។
មានអារម្មណ៍ចង់បានម៉ូដែលថ្មី៖ រាល់ពេលស្មាតហ្វូនទាំង iPhone ឬ Android ចេញម៉ូដែលថ្មីៗរាល់ឆ្នាំ មិនមានហេតុផលគួរប្រៀបធៀបនឹងទូរសព្ទខ្លួនប្រើនោះឡើយ ជាពិសេសបើមានថវិកាស្ដួចស្ដើង។ អ្វីដែលអ្នកចង់បានគួរជាកំណែទម្រង់ប្រព័ន្ធថ្មី។
ចង់បានរូបរាងថ្មី៖ បើអ្នកចង់បានទូរសព្ទមើលទៅថ្មី អាចប្ដូរសម្បក តាមចំណូលចិត្តបាន។ ឧទាហរណ៍ មាន iPhone 5S អាចប្ដូរសម្បកថ្មី ឬប្រែក្លាយទៅជា iPhone 6 Mini បាន៕