ស្រ្គីនបិទការពារអេក្រង់ទូរសព្ទ ប្រើប៉ុន្មានឆ្នាំ គួរប្តូរថ្មី?

2018-08-14 01:39:48
ចំណេះដឹង

2018-08-14 01:39:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូន ជាពិសេស iPhone មិនថោកនោះទេ ការធ្លាក់ ឬប៉ះទង្គិចវត្ថុរឹង តិចឬច្រើនអាចធ្វើឲ្យអេក្រង់ឆ្កូតបាន។ ជាធម្មតាគេតែងតែប្រើកញ្ចក់ការពារ (Screen Protector) ជាចាំបាច់។

ប្លាស្ទិកស្ដើងបិទពីលើអេក្រង់ អាចជួយធានាថាអេក្រង់ស្មាតហ្វូនមិនបែកងាយៗ។ រយៈពេលប្រើប្រាស់ អាចខុសគ្នា ទៅតាមសមាសធាតុប្រើប្រាស់នៃផលិតផលនីមួយៗ។

ស្រទាប់ប្លាស្ទិកស្តើង (Film Protectors)

បង្កើតពីស្រទាប់ប្លាស្ទិកដ៏ស្ដើង ដាក់លើអេក្រង់ ងាយស្រួលប្រើប្រាស់ ប៉ុន្តែស្នាមម្រាមដៃ ធូលី និងធាតុដទៃទៀត អាចបន្ថយគុណភាពប្លាស្ទិកបាន។ មួយវិញទៀត ការប្រើស្រោមទូរសព្ទណែនពេក អាចបង្កបញ្ហារបកប្លាស្ទិកនៅគែមៗ កំឡុងពេលប្រើប្រាស់។ ការផ្លាស់ប្ដូរប្លាស្ទិកថ្មី អាចក្បែរមួយឆ្នាំ បើមិនមានរបកឆ្កូតនោះទេ។ គួរដឹងផងដែរ ពេលរបក មិនអាចបិទវិញបានទេ។

ស្រទាប់ប្លាស្ទិកក្រាស់ (Plastic Protectors)

ជាទម្រង់ស្រទាប់ការពារថ្មី ងាយស្រួលបិទ អាចដោះ ប្ដូរបានច្រើនដង បើបិទបានត្រឹមត្រូវ។ ស្រទាប់ការពារមានភាពស្រអាប់ អាចកាត់បន្ថយចំណាំងពន្លឺ ពេលប្រើចំថ្ងៃបាន។ Plastic Protectors មានសភាពក្រាស់ជាង ដែលទទួលរងការរិះគន់ពីសំណាក់អ្នកប្រើប្រាស់មួយចំនួន។ ស្រទាប់ការពារនេះ អាចប្រើបានយូរជាង Film Protector ហើយអាចបក លាងសម្អាត និងបិទប្រើបានវិញពីរឬបីឆ្នាំ បើមានការថែទាំបានល្អ។ ប៉ុន្តែយល់ល្អគួរប្តូរថ្មី ដើម្បីមានទំនុកចិត្តខ្ពស់លើគុណភាព៕