កុំទាន់សម្រេចចិត្តទាំងប្រថុយ មុនទិញរថយន្ត SUV ដឹងពីចំណុចខ្លាំង ចំណុចខ្សោយវាសិន

2018-05-10 03:31:38
ចំណេះដឹង

2018-05-10 03:31:38
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រភេទ Sport Utility Vehicle ដែលគេហៅកាត់ខ្លីថា SUV ជាប្រភេទរថយន្តដែលមានតួធំ ងើបខ្ពស់ផុតពីដី បើប្រៀបទៅនឹងរថយន្តតូចប្រភេទ Sedan ធម្មតា ឧទាហរណ៍ដូចជារថយន្តម៉ាក Range Rover និងរថយន្ត Lexus ស៊េរី LX និង RX ជាដើម។

SUV ជាប្រភេទរថយន្តដែលមានភាពល្បីល្បាញជុំវិញ ពិភពលោកដោយសារតែវាមានភាពងាយស្រួលក្នុងការបើកបរព្រោះតួវាខ្ពស់អាចមើលវត្ថុនានានៅជុំវិញខ្លួនបានងាយស្រួល និងអានុភាពម៉ាស៊ីនដ៏ខ្លាំងក្លា អមជាមួយជម្រើសក្នុងការបើកបរដោយប្រើកង់ទាំង ៤ទៀតធ្វើឲ្យរថយន្តនេះ មានលទ្ធភាពក្នុងការបើកបរក្នុងស្ថានភាពលំបាក (Off-road) បានយ៉ាងងាយ។

ប៉ុន្តែ ក្រៅពីគុណសម្បត្តិ និងភាពងាយស្រួលដែលរថយន្ត SUV ផ្ដល់ឲ្យអ្នកបើកបរ វាក៏មានចំណុចអវិជ្ជមានមួយចំនួនដែរ ដែលអ្នកប្រុងនឹងទិញរថយន្តប្រភេទនេះទៅប្រើប្រាស់ គួរគិតពិចារណាឲ្យបានល្អមុននឹងសម្រេចចិត្តទិញ។

ខាងក្រោមនេះជាគុណសម្បត្តិ និងគុណវិបត្តិរបស់រថយន្តប្រភេទ SUV៖

គុណសម្បត្តិ ៖

មានតួគ្រោងធំ មានអំណាច រឹងមាំល្អ
មានផ្ទៃខាងក្នុងធំទូលាយ សម្រាប់អ្នកបើកបរទាំងកន្លែងដាក់ជើង និងចន្លោះរវាងក្បាលនិងដំបូល
មានកន្លែងដាក់សម្ភារៈធំទូលាយ
អាចមានជម្រើសជាកៅអី ៣ ជួរ ៧កៅអី
ម៉ាស៊ីនមានកម្លាំងសេះខ្លាំង និងភាគច្រើនប្រើប៉ុងពីរ
ងាយស្រួលមើលវត្ថុនានា នៅជុំវិញរថយន្តពេលបើកបរ
អាចសណ្ដោងវត្ថុនានាបានងាយស្រួល
អាចបើកបរបានសឹងគ្រប់ស្ថានភាពផ្លូវ
អាចស៊ូបើកកាត់ទឹកមានជម្រៅជ្រៅជាង បើប្រៀបធៀបនឹងរថយន្តទាបប្រភេទ Sedan
មានសុវត្ថិភាពជាង បើប្រៀបធៀបនឹងរថយន្តទាបប្រភេទ Sedan
អាចបើកបរបានល្អ ក្នុងអាកាសធាតុអាក្រក់ដូចជាធ្លាក់ភ្លៀងខ្លាំងជាដើម

គុណវិបត្តិ ៖

ស៊ីសាំងច្រើន
ដោយសារតួគ្រោងវារាងធំ អាចបង្កជាឧបសគ្គក្នុងការជែង ឬបត់
តួឡានមានទម្ងន់ធ្ងន់ នាំឲ្យម៉ាស៊ីនត្រូវដំណើរការខ្លាំងជាធម្មតា
តួឡានធំច្រងាង ធ្វើឲ្យការបើកបរមិនសូវឈ្នះខ្យល់
សំបកកង់វាធំ នាំឲ្យការផ្លាស់ប្ដូរម្ដងៗត្រូវចំណាយច្រើន
ដោយសារ កាប៊ីនឡានមានទំហំធំ ដូចនេះម៉ាស៊ីនត្រជាក់ក៏មានច្រើនកន្លែងដែរ នាំឲ្យការប្រើប្រាស់សាំងកាន់តែចុះខ្លាំង
ការគ្រប់គ្រងលំនឹង មានកម្រិតទាបជាងរថយន្តប្រភេទ Sedan ជាពិសេសការបើកបរនៅផ្លូវកោងក្នុងល្បឿនលឿន
មានតម្លៃថ្លៃជាងច្រើន បើប្រៀបទៅនឹងរថយន្តទាបប្រភេទ Sedan

ចុចអាន៖

អត្ថបទ៖ ផាត សុវត្ថិ