វិធីចូលប្រើប្រាស់ External Drive ដែលមិនបង្ហាញលើ Mac

2017-10-25 03:10:26
គន្លឹះ

2017-10-25 03:10:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតា ពេលភ្ជាប់ Drive ទៅនឹង Mac វានឹងបង្ហាញ Drive នោះលើ Desktop ឬ Finder សម្រាប់ការប្រើប្រាស់ ប៉ុន្តែករណីខ្លះ វាមិនបង្ហាញអ្វីទាំងអស់។ អ្នកអាចពិនិត្យមើលចំណុចខាងក្រោមជាយោបល់សម្រាប់ដំណោះស្រាយពេល Drive មិនបង្ហាញលើ Mac។

ដំណោះស្រាយពេល External Drive មិនបង្ហាញលើ Mac

ប្រាកដថា Mac បានកំណត់នូវការបង្ហាញ Drive ដែលភ្ជាប់លើ Desktop។ ចូល Finder > Preferences > General ហើយប្រាកដថាបានចុចយកលើ External disks និង CDs, DVDs, and iPod។

ត្រួតពិនិត្យមើលខ្សែ USB របស់ External Drive ភ្ជាប់ទៅនឹង Mac ព្រោះពេលខ្លះ Drive មិនបានទទួលថាមពលគ្រប់គ្រាន់។ ប្រសិនបើ Drive អ្នកមានខ្សែបំបែកពីរ ដែលមួយតូចនោះជា ខ្សែ USB power អ្នកគួរភ្ជាប់ទៅនឹងម៉ាស៊ីន Mac ទាំងពីរ។

អាចព្យាយាមផ្លាស់ប្ដូរខ្សែ USB ភ្ជាប់ពី Drive ទៅ Mac
អាចព្យាយាមផ្លាស់ប្ដូរ USB port លើ Mac សម្រាប់ការភ្ជាប់ខ្សែ USB របស់ Drive
អាចព្យាយាមសាកល្បងភ្ជាប់លើម៉ាស៊ីន Mac ផ្សេង
អាចព្យាយាមសាកល្បងភ្ជាប់លើ PC ដោយសារ Drive ប្រហែលជាត្រូវបាន Format (លុបទិន្នន័យទាំងស្រុង ដោយមានទម្រង់ File system ថ្មី) សម្រាប់ PCs និងមិនអាច Read (អានតម្លៃទិន្នន័យ) បានលើ Mac

បើកនូវកម្មវិធី Disk Utility របស់ Apple ដើម្បីពិនិត្យមើល បើសិនជា Mac អាចឃើញ Drive នៅទីនោះ។ បើកនូវ Spotlight (Cmd + Space) ហើយវាយ Disk Utility បន្ទាប់មកចុច Enter ដើម្បីបើកកម្មវិធី រួចអ្នកអាចមើលលើបញ្ជីនៅខាងឆ្វេង ប្រសិនបើមាន Hard drive នៅទីនោះ។
ប្រសិនបើអ្នកឃើញ Hard drive ក្នុង Disk Utility ចុចលើវា ហើយជ្រើសរើស Mount (ភ្ជាប់ការប្រើប្រាស់)។ ប្រសិនបើ Mac បានភ្ជាប់ Drive រួច វានឹងបង្ហាញពាក្យ Unmount (បិទការភ្ជាប់ប្រើប្រាស់)។
ក្នុងករណី Mac មិនអាចចូលប្រើ Drive បាន ជម្រើស Mount នឹងបិទ។
ជម្រើសមួយទៀតប្រើប្រាស់នូវ First Aid ដែលវានឹងធ្វើការត្រួតពិនិត្យមើល Disk សម្រាប់ភាពមិនប្រក្រតី ហើយបន្ទាប់មកជួសជុល ប្រសិនបើចាំបាច់។ អ្នកគួរតែធ្វើការ Backup ទុកនូវទិន្នន័យ មុនពេលប្រើនូវជម្រើសនេះ ជាការល្អប្រសើរ។

អាចសាកល្បងនូវ First Aid ដោយចុចលើ Tab ឈ្មោះ First Aid ហើយជ្រើសរើស Run។ ក្រោយពេល First Aid ដំណើរការចប់ Mac នឹងឃើញពីបញ្ហា ដែលអ្នកមានជម្រើស Repair Disk។
ប្រសិនបើ Mac មិនអាច Repair disk បានទេ មានន័យថា Drive ត្រូវបាន Format ដោយប្រើប្រាស់ File system ដែល Mac មិនអាច Read បាន ឬពិតជាខូចមែន។
Windows PCs ប្រើប្រាស់ទម្រង់ File format ជា NTFS ខណៈ Mac ប្រើទម្រង់ File format ជា HFS+។ ក្រុមហ៊ុន Appleបានណែនាំនូវ File system ថ្មីគឺ Apple File System (APFS)។ ចំពោះទម្រង់ File format ដែលទាំង Window និង Mac អាចប្រើបានគឺ exFAT ឬ FAT32។ ប្រសិនបើអ្នកគិតថា Drive ប្រើទម្រង់ File format ផ្សេង អ្នកគួរភ្ជាប់ Drive ទៅនឹងកុំព្យូទ័រដែលស្គាល់ រួចចម្លងឯកសារទុកទាំងអស់ មុនពេលទៅជំហានបន្ទាប់។
ប្រសិនបើអ្នកមិនត្រូវការទិន្នន័យលើ Hard drive ទេចុចលើ Erase ហើយ Mac នឹង Format នូវ Hard drive នោះ។

ប្រការគួរអនុវត្តដើម្បីជៀសវាងបញ្ហាលើ External drive ពេលក្រោយ ដោយ Unmount Disk ឲ្យបានត្រឹមត្រូវក្រោយប្រើប្រាស់ ដោយកុំគ្រាន់តែដកខ្សែ USB ចេញ ព្រោះបញ្ហាភាគច្រើនមកពី Disk ដកចេញដោយមិនត្រឹមត្រូវ។ ដើម្បី Unmount Drive អ្នកអាចចុច Right-click លើ icon Drive លើ Desktop ឬ ក្នុង Finder ហើយជ្រើសរើស Eject៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Macworld ប្រែសម្រួល៖ ប៊ុន ធឿន