កាមេរ៉ា​ប្រភេទ​ ​DSLR​ ​និង​ ​Mirrorless​ ​បាន​ទទួល​ការ​និយម​ប្រើប្រាស់​ច្រើន​សម្រាប់​បុគ្គល​ចូល​ចិត្ត​គ្រឿង​បច្ចេកវិទ្យា​ ​ព្រោះ​គុណភាព​ផលិត​រូបភាព​ ​វីដេអូ​ ​និង​តម្លៃ​របស់​ពួកវា។ ដោយ​ឡែក​សម្រាប់​គន្លឹះ​ដើម្បី​ទិញ​ ​DSLR​ ​ឬ​ ​Mirrorless​ ​ឲ្យ​ត្រូវ​តាម​តម្រូវ​ការ​ប្រើប្រាស់​ ​និង​មិន​ចង់​ចំណាយ​ច្រើន​ហួសហេតុ​នោះ​ ​គឺ​គួរ​ដឹង​ពី​ចំណុច​ខាង​ក្រោម​នេះ ៖

១)​ ​តម្លៃ

អ្នក​គួរ​រៀបចំ​នូវ​ថវិកា​ដែល​អ្នក​អាច​ទិញ​បាន​ ​ប៉ុន្តែ​អ្នក​ក៏​គួរ​តែ​រៀបចំ​នូវ​ថវិកា​សម្រាប់​ឧបករណ៍​ជំនួយ​មួយ​ចំនួន​ផង​ដែរ​ ​រួមមាន Lens, ថ្ម, មេម៉ូរីកាត, កាបូប​ដាក់​កាមេរ៉ា, Filters, និង​រយៈ​ពេល​ធានា​ជា​ដើម។ ជា​ទូទៅ​ទាំង​ ​DSLR​ ​និង​ ​Mirroless​ ​កម្រិត​ដំបូង​តម្លៃ​ចាប់​ពី​ ​៤០០​ ​ដុល្លារ​​ឡើង​ ​ឬ​អាច​ទាប​នេះ​អាស្រ័យ​លើ​ម៉ូដែល​។

២)​ ​តើ​អ្នក​ប្រើប្រាស់​វា​សម្រាប់​ថត​អ្វី​?

អ្នក​គួរ​តែ​ ​ដឹង​ជា​មុន​លើ​ប្រភេទ​រូបភាព​ដែល​អ្នក​ចង់​ថត​ ​ដើម្បី​មាន​ភាព​ងាយស្រួល​សម្រាប់​អ្នក​ ​និង​អ្នក​លក់​ ​ក្នុង​​ការ​ជួយ​ស្វែង​រក​កាមេរ៉ា​ដែល​មាន​មុខងារ​ត្រូវ​នឹង​ប្រភេទ​រូបភាព​ដែល​អ្នក​ចង់​ផ្ដិត​យក​។ ឧទាហរណ៍ ៖ ប្រភេទ​មាន​ ​Frame Rate​ ​ខ្ពស់​ដែល​ប្រើ​សម្រាប់​ថត​សត្វ​ ​ឬ​កីឡា​ ​និង​ប្រភេទ​ ​Full Frame​ ​ដែល​ល្អ​សម្រាប់​ថត​វីដេអូ​ ​ឬ​ទេសភាព​ ​ជា​ពិសេស​កន្លែង​មាន​ពន្លឺ​តិច។

៣)​ ​ទំហំ​កាមេរ៉ា

ប្រសិនបើ​អ្នក​ប្រើប្រាស់​តាម​ខ្លួន​ពេល​ដើរ​កម្សាន្ត​ ​អ្នក​គួរ​ជ្រើសរើស​កាមេរ៉ា​ទំហំ​តូច​ ​និង​ស្រាល​ ​ដែល​ងាយស្រួល​ដាក់​តាម​ខ្លួន។ ឧទាហរណ៍ ៖ ប្រភេទ​ ​Mirrorless​ ​ឬ​ ​DSLR​ ​ប្រភេទ​លេខ​ ​៣​ ​ខ្ទង់​សម្រាប់​ ​Canon (700D)​ ​ឬ​លេខ​ ​៤​ ​ខ្ទង់​សម្រាប់​ ​Nikon (D5200)។

៤)​ ​Resolution

អ្នក​គួរ​គិត​អំពី​ទំហំ​ ​Megapixels​ ​ដែល​អ្នក​ត្រូវ​ការ។ ប្រសិនបើ​អ្នក​ចង់​ផ្ដិត​រូប​ធំៗ អ្នក​គួរ​ជ្រើសរើស​កាមេរ៉ា​ដែល​មាន​ ​Megapixels​ ​ទំហំ​ធំ​ដូច​ជា​ប្រភេទ​ ​Canon 5DS​ ​ដែល​មាន​ ​៥០,៦​ ​MP​ ​តែ​តម្លៃ​ក៏​ថ្លៃ​ណាស់​ដែរ​ ​ឬ​ក៏​អាច​ប្រើ​ប្រភេទ​ ​Canon 80D​ ​មាន​ ​២៤,២MP​ ​តម្លៃ​ត្រឹម​ជាង​ ​១​ ​ពាន់​ដុល្លារ​ ​ឬ​អាច​ប្រើ​ម៉ាក​ផ្សេង​ៗ​ទៀត។

៥)​ ​មុខងារ​ផ្សេងៗ

ក្រៅពី​មុខងារ​បឋម​ដែល​មាន Aperture និង Shutter Priority, Auto ឬ​​​Manual Mode​ ​កាមេរ៉ា​ ​DSLR​ ​និង​ ​Mirroless​ ​ក៏​មាន​មុខងារ​មួយ​ចំនួន​ផ្សេង​ទៀត​ដូច​ជា​ ​៖

• Burst Mode​:​ ​អ្នក​អាច​ថត​រូប​តាម Burst Mode​ ​ដោយ​ចុច​ជាប់​នូវ​ប៊ូតុង​ ​Shutter​ ​ដែល​ល្អ​សម្រាប់​ថត​រូប​មាន​ចលនា។
• Maximum Shutter Speed​:​ ​កាមេរ៉ា​មាន​ ​Shutter Speed​ ​ច្រើន​គឺ​ងាយ​ស្រួល​ក្នុង​ការ​ថត​សកម្មភាព។
• ISO Ratings: អ្នក​អាច​កំណត់​ ​ISO​ ​នូវ​កម្រិត​ណា​មួយ​ដែល​ស្រប​តាម​ការ​ចង់​បាន​ ​ខណៈ​កាមេរ៉ា​ខ្លះ​អាច​ទម្លាក់​ ​ISO​ ​ដល់​ ​៥០។
• LCD Size: អ្នក​អាច​មើល​រូបភាព​ ​កំពុង​ថត​លើ​អេក្រង់​ ​LCD​ ដែល​បាន​បំពាក់​លើ​កាមេរ៉ា​ ​ហើយ​ម៉ូដែល​ខ្លះ​អាច​បត់​ ​និង​អាច​ចុច​លើ​អេក្រង់​ ​(Touch Screen)​ ​បាន​ទៀត​។
• Anti Shake: មុខងារ​ជួយ​ទប់​លំនឹង​ពេល​ថត​រូប​។
• Dust Protection: ជា​មុខងារ​ការពារ​មិន​ឲ្យ​ធូលី​ជាប់​លើ​ ​Sensor​ ​កាមេរ៉ា​។
• Connectivity: អ្នក​អាច​ ​Upload​ ​រូបភាព​ពី​កាមេរ៉ា​ចូល​ ​Laptop​ ​ឬ​ ​Print​ ​តាម​រយៈ​ ​Wireless ឬNFC​ ​និង​តាម​រយៈ​ ​USB។
• Semi-auto Modes: កាមេរ៉ា​មាន mode ដូចជា Portrait, Sport, Night ដែល​ងាយស្រួល​ក្នុង​ការ​ថត​។
• Flash: សម្រាប់​ម៉ូដែល​អាជីព​កាមេរ៉ា​មិន​មាន​បំពាក់​មក​ស្រាប់​ជា​មួយ​ ​Flash នោះ​ទេ​ ​ដូច​ជា​ ​ត្រកូល​ ​Canon 5D, Nikon D5​ ​និង​ ​Sony A9​ ​ជា​ដើម​ ​ខណៈ​ម៉ូដែល​កម្រិត​ដំបូង​ ​និង​មធ្យម​គឺ​មាន៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• ហេតុអ្វី​កាមេរ៉ា​ ​Mirrorless​ ​ល្អ​សម្រាប់​ការ​ថតរូប​ដំណើរ​កម្សាន្ត?
• ទិញ​ ​DSLR​ ​ថត​រូប​មិន​ឲ្យ​ងងឹត​ត្រូវ​ចេះ​ប្រើ​មុខងារ​នេះ