កម្មវិធីលើ iPhone មួយនេះ កូនកាត់ IDM ទាញវីដេអូអីបានម៉ាស្រឡាញ់ លឿនដូចព្យុះ

2017-03-14 03:16:45
គន្លឹះ

2017-03-14 03:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អាចថាលំបាកដែរសម្រាប់ប្រិយមិត្ត ប្រើ iPhone ហើយចង់បានវីដេអូនិង MP3 ដាក់ចូលទូរសព្ទ ព្រោះអីកម្មវិធីលើ iPhone ដូចមិនសូវជាទូលំទូលាយដូចពពួក Android ដោយហេតុ Apple គិតពីសុវត្ថិភាពខ្លាំង។ យ៉ាងណានៅតែមានកម្មវិធី ដែលមិនត្រឹមតែអាចឲ្យប្រិយមិត្តទាញយកវីដេអូលើអ៊ីនធឺណិតប៉ុណ្ណោះទេ ថែមទាំងអាច Convert វាទៅជា MP3 បានងាយដូចបកចេកអ៊ីចឹងហើយល្បឿនលឿនដូចព្យុះ។

អ្នកអាចចូលទៅ App Store ហើយវាយ Turbodl រួចទាញកម្មវិធីដែលមានសញ្ញាព្រួញខៀវបាញ់ចុះក្រោម (ដូចរូប)។ កម្មវិធី TurboDL បើគិតទៅស្ទើរតែអាចចាត់ទុកថាជា IDM លើ iPhone ទៅហើយ ព្រោះវាអាចទាញយកវីដេអូណាដែលកំពុងចាក់លើទូរសព្ទបានលឿនលែងនិយាយ។ កាន់តែពិសេស វាមានមុខងារដែលអាចផ្ទុកវីដេអូដោនឡូតរួច ដាក់ចូលក្នុង Library លើ iPhone ឬ Convert វាទៅជា MP3 បានម៉ាឆ្ងាញ់។

ក្រោយទាញយករួច ចូលទៅកាន់កម្មវិធី TurboDL នោះអ្នកនឹងឃើញ Browser, Downloads, Files, Search និង Player ជាដើម។

Browse៖ អ្នកអាចវាយអាសយដ្ឋានវិបសាយណាក៏បាន មិនថា Facebook, YouTube និងច្រើនផ្សេងទៀត ហើយរកមើលវីដេអូដែលចង់បាន រួចចាក់ (Play) វា បន្ទាប់មកនឹងលោតផ្ទាំងមួយចេញមក ដែលអាចឲ្យអ្នក Download វីដេអូនោះបាន ឬចុចលើសញ្ញារន្ទះ នៅខាងលើជ្រុងខាងស្តាំក៏បាន។

ក្រោយដោនឡូតវីដេអូនោះរួច បើអ្នកចង់ផ្ទុកវាលើ Library គ្រាន់តែចូលទៅ Downloads រួចចុចលើវីដេអូទាញយករួច បន្ទាប់មក ចុចលើសញ្ញាមូលតូចៗបីនៅខាងស្តាំនៃវីដេអូនោះ អ្នកនឹងឃើញ៖

Play៖ អាចចាក់វីដេអូ ចម្រៀងនោះតែភ្លាមតែម្តង។ Compress ៖ ត្រង់នេះគឺ Zip (ដាក់ជាបណ្តុំ) វីដេអូនោះតែម្តង។ Share ៖ ចុចត្រង់នេះ អ្នកនឹងឃើញ Save Video។ ចុចត្រង់ Save Video នេះ វានឹងផ្ទេរវីដេអូទៅ Library តែម្តង។

Convert to Audio ៖ អាច Convert វីដេអូចម្រៀងដោនឡូតរួច ទៅជា MP3។ គួរឲ្យស្តាយ MP3 លើ TurboDL មិនអាចផ្ទេរទៅ Music បាន តែដូចមិនជាបញ្ហាទេ ព្រោះអ្នកអាចចាក់ចម្រៀង ឬ វីដេអូនោះដោយប្រើ Player មានស្រាប់លើ TurboDL តែម្តង។ ទោះអ្នក Lock ទូរសព្ទ ក៏វីដេអូនិង MP3 ទាំងនោះនៅតែចាក់ដដែល។