បើនិយាយពីការថែទាំម៉ាស៊ីនរថយន្ត​ គឺ​ជារឿង​ចាំបាច់មួយ​ដែល​មិនខ្វះបាន ប៉ុន្តែប្រអប់លេខ​ក៏មិនត្រូវព្រងើយ​កន្តើយដែរ ព្រោះ​វាដំណើរការ​រួមគ្នា​ជាមួយ​ម៉ាស៊ីនតែម្តង ទើបអាច​ឱ្យ​រថយន្តមានចលនាបាន។ ជាមួយគ្នានេះ​ បញ្ហា​នៃការ​ខូចប្រអប់​លេខ​ ក៏មានច្រើនករណីផងដែរ ហើយ​ក្នុងនោះ​ ការខូច​ប្រអប់លេខ​ក៏បណ្តាល​មកពី​ទម្លាប់​មិនល្អ ឬការមិនដឹងពីរបៀប​ប្រើ​ប្រាស់​ឱ្យបានត្រឹមត្រូវ​ពីសំណាក់​អ្នកបើកបរ។

ខាងក្រោមនេះ គឺជា​ទម្លាប់​អាក្រក់មួយចំនួនរបស់​អ្នកបើកបររថយន្ត ដែលអាច​បណ្តាល​ឱ្យ​ប៉ះពាល់ខ្លាំង​ដល់​ប្រអប់លេខ ដោយលើកលែងតែរថយន្តប្រអប់លេខអូតូប៉ុណ្ណោះ៖

• មិនប្តូរប្រេង​ប្រអប់លេខ៖ ប្រេងប្រអប់លេខ ក៏មានកាលកំណត់​ត្រូវផ្លាស់ប្តូរ​ដែរ ប៉ុន្តែបើមិនផ្លាស់ប្តូរសោះ ហើយ​ប្រេងអស់គុណភាព វានឹង​បង្កការខូចខាតដល់​គ្រឿងបង្គុំ។ ពេលប្តូរ​ប្រេង​ប្រអប់លេខ ក៏គួរ​ប្តូរតម្រងវាផងដែរ។

• កាច់ប្តូរចង្កឹះលេខចុះឡើង ទាំង​ដែល​កង់រថយន្ត​មិនទាន់បាន​ឈប់​វិល​ស្រួលបួល ធ្វើឱ្យប្រអប់លេខ​ធ្វើការ​ខុសប្រក្រតី។

• ចតរថយន្តលើចំណោត មិនព្រមដាក់ហ្វ្រាំងដៃ ដោយដាក់តែ P។ ធ្វើបែបនេះ នឹង​ធ្វើឱ្យប្រអប់លេខ ត្រូវធ្វើការធ្ងន់ថែមទៀតតែឯង។

• ឈប់ស្តុប ឬស្ទះចរាចរណ៍​តែមួយភ្លែតៗ មិនព្រមជាន់ហ្វ្រាំងសិន តែបើជាដូរចង្កឹះលេខដាក់អក្សរ P ឬ N ដែលនឹង​កាត់បន្ថយអាយុកាលប្រើប្រាស់​ប្រអប់លេខ។

• បើកឡើងចុះភ្នំដែលមានចំណោតខ្ពស់ មិនព្រមដាក់ចង្កឹះលេខទាបដូចជា 1, 2 ឬអក្សរ L។ បើបើកឡើងភ្នំផ្លូវចោត ដាក់តែអក្សរ D នឹង​ធ្វើឱ្យម៉ាស៊ីន និង​ប្រអប់លេខ​ធ្វើការខ្លាំង ហើយបើចុះចំណោតវិញ នឹង​ធ្វើឱ្យហ្វ្រាំង​ធ្វើការខ្លាំងនិងក្តៅ ឆាប់អស់ស្បែកហ្វ្រាំង៕

ប្រភព៖ Reliable-Auto