- 2022-04-20 03:36:07
- ចំណេះដឹង
Andorid TV និង Smart TV ខុសគ្នាបែបណា ហើយគួររើសមួយណា? នេះជាអ្វីដែលអ្នកគួរដឹង
- 2022-04-20 03:36:07
- ចំនួនមតិ 0 | ចំនួនចែករំលែក 0
Andorid TV និង Smart TV ខុសគ្នាបែបណា ហើយគួររើសមួយណា? នេះជាអ្វីដែលអ្នកគួរដឹង
ចន្លោះមិនឃើញ
និយាយពីការទិញទូរទស្សន៍ដាក់ក្នុងផ្ទះ ហាក់នៅមានការលំបាកក្នុងការសម្រេចចិត្ត ព្រោះមានម៉ាកសញ្ញាច្រើនកំពុងដាក់លក់លើទីផ្សារ។ ទោះបីជារើសបានម៉ាកដែលស្រឡាញ់ហើយនោះ អ្នកត្រូវខ្វល់ខ្វាយរឿងប្រព័ន្ធប្រតិ្តបត្តិការរបស់វាទៀត ដោយមិនដឹងថាត្រូវរើសមួយណា រវាង Smart TV និង Android TV។
តាមពិតទូរទស្សន៍ទាំងពីរនេះមានភាពស្រដៀងគ្នាច្រើន អ្នកអាចហៅ Andorid TV ថាជា Smart TV បានដូចគ្នា។ អញ្ចឹងដើម្បីបកស្រាយបានច្បាស់ និងងាយយល់ Sabay នឹងធ្វើការប្រៀបធៀបពីសមត្ថភាព គុណសម្បត្តិ និងគុណវិបត្តិរបស់វាទាំងពីរឲ្យប្រិយមិត្តបានដឹង។
១.ទូរទស្សន៍ឆ្លាត ឬ Smart TV
Smart TV និយាយឲ្យចំតែម្តងគឺជាទូរទស្សន៍ដែលមានសមត្ថភាពអាចប្រើប្រាស់ Internet បាន អ្នកអាចប្រើវាដើម្បីមើល Youtube ឬអានព័ត៌មានលើវែបសាយ Sabay ជាដើម ប្រៀបដូចជាអ្នកយកកុំព្យូទ័រមកដាក់ក្នុងទូរទស្សន៍ដូច្នេះដែរ។ ហើយនៅក្នុងនោះផងដែរ វាក៏មានតម្លើងមកស្រាប់នូវកម្មវិធីកំសាន្តមួយចំនួនដូចជា Netflix, Youtube, Facebook និងផ្សេងៗទៀតទៅតាមក្រុមហ៊ុនទូរទស្សន៍នីមួយៗ។ ផ្ទុយទៅវិញ ទូរទស្សន៍ឆ្លាត ឬ Smart TV គឺមិនអាចធ្វើកំណែអាប់ឌែត ឬតម្លើងកម្មវិធីថ្មីបាននោះទេ ឧបមាថាអ្នកទិញទូរទស្សន៍ក្នុងសម័យដែលមិនទាន់មាន TikTok ហើយស្រាប់តែឆ្នាំក្រោយ TikTok ចេញនៅលើ Smart TV នោះអ្នកត្រូវលក់ទូរទស្សន៍ចាស់ចោល ទិញទូរទស្សន៍ថ្មីដែលមានកម្មវិធី TikTok តម្លើងមកស្រាប់។
គុណសម្បត្តិ
គុណវិបត្តិ
២.Android TV
Android TV ក៏ដូចគ្នាដែរវាជាទូរទស្សន៍ដែលអាចប្រើ Internet និងមានកម្មវិធីមកស្រាប់ដូច Smart TV ផងដែរ។ ចំណុចដូចគ្នាគឺមានប៉ុននឹង អញ្ចឹងយើងមកនិយាយពីចំណុចដែលលើសគ្នាម្តង។ Android TV មានកម្មវិធី Playstore ដូច្នេះអ្នកអាចទាញយកកម្មវិធីបានតាមចិត្តទៅតាមតម្រូវការ។ ចំណែកភាពងាយស្រួលមួយវិញទៀតគឺវាមានភ្ជាប់មកដោយ Microphone ដែលអាចឲ្យអ្នកប្រើប្រាស់អាចបញ្ជាទូរទស្សន៍ដោយប្រើសំឡេងបាន ឬអាចស្វែងរកអ្វីៗដោយងាយស្រួលតាមរយៈកម្មវិធី Google Assistance។
គុណសម្បត្តិ
គុណវិបត្តិ
សរុបមកវិញ តើមួយណានឹងក្លាយជាជម្រើសរបស់អ្នក?
ប្រសិនបើអ្នកជាមនុស្សដែលមិនចូលចិត្តភាពសាំញ៉ាំ និងមិនជំនាញខាងបច្ចេកវិទ្យា ប៉ុន្តែចង់បានទូរទស្សន៍មួយសម្រាប់មើលរឿងតាម Netflix ឬ ស្តាប់ចំរៀងតាម Youtube នោះ Smart TV គឺជាជម្រើសដ៏ល្អ ព្រោះវាមានតម្លៃធូរជាង និងងាយស្រួលប្រើប្រាស់។ ផ្ទុយទៅវិញ បើអ្នកជាមនុស្សដែលនិយមខាងបច្ចេកវិទ្យា និងចូលចិត្តអ្វីដែលថ្មី អ្នកគួររើសយក Android TV ដោយសារវានឹងធ្វើកំណែអាប់ឌែតថ្មីៗរហូត មិនធ្វើឲ្យអ្នកធុញទ្រាន់៕
បន្ទាប់ពីអានរួច តើប្រិយមិត្តនឹងជ្រើសរើសយកមួយណា? កុំភ្លេចប្រាប់ពួកយើងឲ្យបានដឹងផង!