ហេតុផលទាំងនេះ! អាចធ្វើឲ្យអ្នកមិនស្ទាក់ស្ទើរចិត្តចាប់ផ្ដើមរៀនបើកឡាន

2022-01-17 03:58:42
ចំណេះដឹង

2022-01-17 03:58:42
ចំនួនមតិ 0 | ចំនួនចែករំលែក 0

ចន្លោះមិនឃើញ

មាន ឬគ្មានរថយន្តផ្ទាល់ខ្លួន គួរចំណាយពេលវេលា និងថវិកាមួយចំនួន ក្នុងការរៀនបើកបរ ជាប្រយោជន៍ ជួយបង្កើនចំណេះដឹងមួយផ្នែក ព្រមទាំងធ្វើឲ្យជីវិតងាយស្រួលផងដែរ។ ទោះនៅក្មេង ឲ្យតែគ្រប់អាយុ បើអាចគួរវិនិយោគលើចំណេះដឹងមួយនេះ។

រូបតំណាង

មកដឹងហេតុផលមួយចំនួនខាងក្រោមដែលធ្វើអ្នកមិនស្ទាក់ស្ទើរចិត្តចាប់ផ្ដើមរៀនបើកបរឡាន៖

ពេលមានការបន្ទាន់ បើចេះបើកបរ អាចងាយស្រួលទាញរថយន្តភ្លាមៗរបស់ឪពុកម្ដាយ ឬខ្ចីពីមិត្តភក្ដិ ធ្វើដំណើរទាន់ពេលវេលា។
អាចជួយបំពេញការងារផ្ទាល់ខ្លួន ក្រុមគ្រួសារ ឬមិត្តភក្ដិ ក្នុងការបម្លាស់ទីសម្ភារៈធំៗ ដល់គោលដៅបានងាយស្រួល។
មានសេរីភាព គ្រប់គ្រាន់ មិនបាច់ត្រូវរង់ចាំនរណាម្នាក់ បើកបរនាំដើរលេង ម្ចាស់ការលើខ្លួនឯងចំពោះទីកន្លែងចង់ទៅ។
មានប័ណ្ណបើកបរ រួមជាមួយបទពិសោធន៍កាន់ចង្កូតរថយន្ត អាចបំពេញការងាររកចំណូលបាន ធ្វើជាអ្នកបើកបរដឹកឥវ៉ាន់នានា។ ហើយបើមានរថយន្តផ្ទាល់ខ្លួន អាចរត់តាក់ស៊ី ពេញម៉ោង ឬក្រៅម៉ោងក៏បាន ព្រោះបច្ចុប្បន្ន មិនតិចនាក់ទេ ធ្វើបែបនេះ។
សន្សំសំចៃពេលវេលា និងថវិកា ពីការជួលអ្នកបើកបរ ពេលធ្វើដំណើរកម្សាន្ត។ បើមានរថយន្ត អំឡុងពេលធ្វើដំណើរទៅធ្វើការ អាចបន្ធូរអារម្មណ៍នឹងតន្រ្តី មិនត្រូវភ្លៀង ឬកម្ដៅថ្ងៃខ្លាំង។
ចេះបើកបរ និងមានរថយន្តផ្ទាល់ខ្លួន អាចធ្វើឲ្យអ្នកមានអារម្មណ៍កាន់តែមានតម្លៃ ដោយអាចជួយមិត្តភក្ដិដោះស្រាយបញ្ហាធ្វើដំណើរបាន។
ពេលធ្វើដំណើរទៅផ្លូវឆ្ងាយចូលរួមពិធីជប់លៀង ឬមង្គលការ ប្រហែលជៀសមិនរួចក្នុងការទទួលទានជាតិស្រវឹង។ ករណីអ្នកបើកបរស្រវឹង ពេលត្រលប់ទៅវិញ បើអ្នកចេះអាចប្តូរវេណបើកបរបាន កុំឲ្យគ្រោះថ្នាក់។
ការបើកបរ មានសកម្មភាពច្រើនចូលរួម ដើម្បីគ្រប់គ្រងរថយន្តទំហំធំបែបនេះ ដៃ ជើង ភ្នែក ឬអារម្មណ៍ ត្រូវមានសកម្មភាព អាចថាព្រមគ្នា។ នេះមួយផ្នែកអាចជួយហ្វឹកហាត់ដល់ការសម្រេចចិត្ត ឆ្លើយតបនឹងឧបសគ្គខាងមុខ៕

ប្រភព៖ torah-academy