រូបចាក់ដោត តើជីវិតមនុស្សសព្វថ្ងៃរស់បានដោយរបស់ ៣ យ៉ាងនេះពិតមែនទេ?

2021-12-23 03:54:09
ចំណេះដឹង

2021-12-23 03:54:09
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពមួយសន្លឹកដែលបានបង្ហោះដោយគេហទំព័របច្ចេកវិទ្យា Beeboom ថ្មីៗនេះមានការចែកចាយនិងជជែកវែកញែកតគ្នាពេញបណ្ដាញសង្គម Facebook។

ដូចអ្នកទាំងអស់គ្នាបានឃើញអីចឹង រូបមួយសន្លឹកនេះមានដាក់រូបបណ្ដាញសង្គមចំនួន ៣ គឺ Facebook, Instagram និង What Apps ហើយសរសេរពីខាងក្នុងថា វដ្ដជីវិតរបស់មនុស្ស(Cycle Of Life) ក្នុងន័យធៀបថា ជីវិតមនុស្សសព្វថ្ងៃរស់បានដោយរបស់ ៣ យ៉ាងនេះ?

រូបដែលកំពុងអង្រួញចិត្តអ្នកលេងអ៊ីនធើណិតមួយសន្លឹក ត្រូវបានអ្នកខ្លះយល់ស្រប ថាពិតជាបែបនេះមែន ដោយឡែកអ្នកខ្លះបានសរសេរជាយោបល់លេងសើច នៅមានច្រើនទៀតដូចជា Snapchat, Twitter និង Line អីទៀតជាដើម។

យោងតាមរបាយការណ៍ដែលបានចេញផ្សាយដោយ Facebook បានឲ្យដឹងថា កំណើនអ្នកប្រើប្រាស់បណ្ដាញសង្គមមួយនេះទូទាំងពិភពលោកឡើងដល់ទៅ ២.០៧ ប៊ីលានក្នុងឆ្នាំ ២០១៧ និងបន្តកើនឡើងជារៀងរាល់ថ្ងៃ។ ចំណែកឯ Instagram កាលដំណាច់ឆ្នាំ ២០១៧ មានអ្នកប្រើដល់ ៨០០ លានគណនីបន្តកើនឡើងជារៀងរាល់ថ្ងៃ រីឯ What Apps កើនឡើងដល់ ១.៣ ប៊ីលានចាប់ពីពាក់កណ្ដាលឆ្នាំ ២០១៧ នឹងបន្តកើនឡើងនៅចុងឆ្នាំ។ ទាំងនេះបញ្ជាក់ថា ជីវិតមនុស្សសព្វថ្ងៃពិតជាប្រាស្រ័យទាក់ទងគ្នាតាមរបស់ ៣ យ៉ាងប្រាកដណាស់។

បើចោទសំណួរថា គ្មានរបស់ ៣ យ៉ាងនេះ? ចម្លើយគឺថា បាន។ គ្រាន់តែពេលខ្លះមានអារម្មណ៍ថា ដូចខ្វះអ្វីម្យ៉ាង ឬខ្វះព័ត៌មាន មិនទទួលបានព័ត៌មានថ្មីៗដូចអ្នកប្រើរបស់ទាំងបីខាងលើនោះ៕

អត្ថបទ៖ រក្សា