តិចនិក ៥ យ៉ាងថែម៉ូតូឲ្យនៅថ្មី ដឹងហើយនៅប្រហែស ច្បាស់ជាចូលជាងញឹកហើយ

2021-11-03 09:18:33
គន្លឹះ

2021-11-03 09:18:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថែទាំម៉ូតូដែលយើងបើកបររាល់ថ្ងៃ ជាទម្លាប់ល្អ និងងាយស្រួលបំផុតក្នុងការបញ្ចៀសរាល់បញ្ហានានាអាចកើតមានក្នុងថ្ងៃមុខរហូតត្រូវចំណាយថវិកាច្រើន។ Sabay បង្ហាញតិចនិក ៥ យ៉ាងក្នុងការថែទាំម៉ូតូឲ្យនៅស្អាតដូចថ្មីដែលម្ចាស់ទោចក្រយានយន្តទាំងអស់គប្បីអនុវត្តតាម។

១. ប្ដូរប្រេងម៉ាស៊ីនជាប្រចាំ:

ការដែលមិនទម្លាប់ប្ដូរប្រេងម៉ាស៊ីន ឬបើកបររាប់ឆ្នាំទើបប្ដូរម្ដង ទាំងនេះអាចបង្កឲ្យបង្គំគ្រឿងម៉ាស៊ីនឆាប់ជួបបញ្ហារហ័សបំផុត។ យល់ល្អអ្នកគួរឆែកមើលកាលវិភាគប្ដូរប្រេង តាមរយៈសៀវភៅណែនាំពេលទិញម៉ូតូថ្មីដែលគេរមែងប្រាប់ដូចជាពេលជិះបានចម្ងាយ ១ ពាន់គីឡូ ម៉ូតូថ្មីត្រូវប្ដូរម្ដងជាដើម។

២. ត្រួតពិនិត្យមើលប៊ូស៊ី:

ប៊ូស៊ីជាបង្គំម្យ៉ាង ដែលជួយបញ្ឆេះប្រេងសាំងឲ្យម៉ូតូធ្វើដំណើរទៅមុខបាន បើកាលណាប៊ូស៊ីខូច នៅពេលទៅរកជាង ប៉ះជាងមួយចំនួនខូច ច្រើនកុហកថាជួបបញ្ហានេះបញ្ហានោះ រហូតដល់ចំណាយលុយអស់ច្រើន។ ជាទម្លាប់ល្អ អ្នកគួរឧស្សាហ៍ពិនិត្យមើលប៊ូស៊ី ឬជិះបានជាង ១៦,០០០ គ.ម ទម្លាប់ប្ដូរម្ដង។

៣. ដាក់ប្រេងច្រវាក់:

ស្របពេលអ្នកធ្វើចម្ងាយផ្លូវឆ្ងាយ នៅតំបន់ដែលមានកម្ដៅកើនឡើងខ្លាំង ច្រវាក់ភ្ជាប់នូវកង់ម៉ូតូនឹងឆាប់ជួបបញ្ហាក្ដៅឬរងការខូចខាតបំផុត រហូតធ្វើឲ្យរង្វិលនៃច្រវាក់ម៉ូតូមានសភាពតឹង និងច្រើនឮសំឡេងរំខាននៅពេលធ្វើដំណើរ។ ម្ល៉ោះតាមការសង្កេតមើលរបស់អ្នកផ្ទាល់ បើគិតថាច្រវាក់ជួបបញ្ហា ឭសំឡេងរំខាន អ្នកអាចយកប្រេងម៉ាស៊ីនដែលនៅសល់ ទៅស្រោចលើវាដោយខ្លួនឯងបាន ដោយមិនបាច់ត្រូវការជំនាញអ្វីឡើយ។

៤. ការលាងសម្អាតជាប្រចាំ:

ទម្លាប់នៃការលាងសម្អាតម៉ូតូ ក្រៅពីទាក់ទាញអ្នកធ្វើដំណើរឯទៀត វាក៏អាចជួយថែរក្សាបង្គំគ្រឿងម៉ាស៊ីនឲ្យប្រើប្រាស់បានយូរផងដែរ។

៥. ឧស្សាហ៍ឆែកមើលសំបកកង់រាល់ ១ សប្ដាហ៍ម្ដង:

យ៉ាងតិច ១ សប្ដាហ៍ម្ដង ម្ចាស់ម៉ូតូគ្រប់រូបគួរពិនិត្យមើលសំបកកង់ឲ្យបានដិតដល់។ ក្រៅពីបញ្ហាគ្រឿងបន្លាស់ ទៀតសោតក៏ទាក់ទងនឹងសុវត្ថិភាពលើដងវិថីថែមទៀតផង បើកាលណាសំបកកង់ចាស់ ដាច់នៅផ្នែកណាមួយ ពេលធ្វើដំណើរផ្លូវឆ្ងាយ អាចបង្កបញ្ហាធ្ងន់ធ្ងរមកអ្នកវិញ៕