វិធីសាស្ត្រ ផ្គុំអត្ថបទ រូបភាព ឬឯកសារទៅជា PDF ដោយប្រើប្រាស់កម្មវិធី Telegram ដែលជាកម្មវិធីបណ្តាញទំនាក់ទំនងសង្គមកំពុងពេញនិយម ប្រើប្រាស់យ៉ាងច្រើននៅទូទាំងពិភពលោក រួមទាំងកម្ពុជាផងដែរ។

ដើម្បីផ្គុំអត្ថបទ រូបភាព ឫឯកសារទៅជាប្រភេទឯកសារ PDF តាមរយៈកម្មវិធីTelegramទូរស័ព្ទដៃ ឬម៉ាស៊ីនកុំព្យូទ័របាន លោកអ្នកអាចអនុវត្តតាមវិធីសាស្ត្រដូចខាងក្រោម ៖

ជំហានទី១ ៖ នៅក្នុងប្រអប់ Search របស់កម្មវិធី Telegram លោកអ្នកវាយពាក្យថា “office2pdf” បន្ទាប់មកសូមចុចប៊ូតុង start នៅខាងក្រោម ជំហានទី២ ៖ លោកអ្នកអាចបញ្ជូនរូបភាព អត្ថបទ ឬឯកសារផ្សេងៗតាមរយៈទូរស័ព្ទដៃ ឬម៉ាស៊ីនកំព្យូទ័ររបស់លោកអ្នក រួចចុចបញ្ជូន ជំហានទី៣ ៖ សូមចុចប៊ូតុង /ready2conv នៅខាងក្រោម ជំហានទី៤ ៖ ចុចពាក្យ Yes ដើម្បីដាក់ឈ្មោះឯកសារ PDF របស់អ្នក (ឧទាហរណ៍ : Testing ) ជាការស្រេច ។

បន្ទាប់មកលោកអ្នកនឹងទទួលបានការផ្គុំឯកសារជាប្រភេទ PDF និងអាចបញ្ជូនបន្តទៅអ្នកដទៃបាន ដោយចុចប៊ូតុងពាក្យ Share ។ ប៉ុន្តែទោះបីជាយ៉ាងណា អ្នកប្រើគួរ​មាន​ការថែរក្សាឯកសារសំខាន់ៗនៅលើកម្មវិធីបណ្តាញទំនាក់ទំនងសង្គមទាំងឡាយនៅតែមិនអាចធានាបានសុវត្ថិភាព១០០%នោះទេ។ ដូច​នេះ​​អ្នក​ប្រើប្រាស់​គួរ​ធ្វើ​វា​ប្រកប​ដោយភាពទទួលខុសត្រូវ និងប្រុងប្រយ័ត្នជានិច្ច៕

ទស្សនាវីដេអូបង្ហាញលម្អិតខាងក្រោម៖