- 2021-10-01 09:07:38
- ចំណេះដឹង
ពិសេសយ៉ាងណាទៅ! ពេលដឹងពីការវិវត្តបច្ចេកវិទ្យាស្កេនម្រាមដៃក្រោមអេក្រង់ទូរសព្ទ
- 2021-10-01 09:07:38
- ចំនួនមតិ 0 | ចំនួនចែករំលែក 0
ពិសេសយ៉ាងណាទៅ! ពេលដឹងពីការវិវត្តបច្ចេកវិទ្យាស្កេនម្រាមដៃក្រោមអេក្រង់ទូរសព្ទ
ចន្លោះមិនឃើញ
បច្ចេកវិទ្យាបំពាក់លើស្មាតហ្វូន មានការវិវត្តឥតឈប់ឈរជាពិសេសមុខងារការពារសុវត្ថិភាពទូរសព្ទ តាំងពីមុខងារស្កេនម្រាមដៃធម្មតា មុខងារសម្គាល់មុខ ឥលូវឈានដល់ដំណាក់កាលថ្មីមួយទៀត គឺការបង្កប់មុខងារស្កេនម្រាមដៃក្រោមអេក្រង់តែម្តង។
ស្មាតហ្វូនបំពាក់បច្ចេកវិទ្យាបង្កប់ Sensor ស្កេនម្រាមដៃមុនគេគឺ Vivo X21 ក្រោយមកទើបមាន Huawei Porsche Design Mate RS និង Xiaomi Mi 8 ហើយក៏ទំនងមានច្រើនទៀតជាបន្តបន្ទាប់។
ចុះ Sensor ស្កេនម្រាមដៃបង្កប់ក្នុងអេក្រង់ មានដំណើរការបែបណា?
Sensor ស្កេនម្រាមដៃនេះ ប្រើ Optical Fingerprint Sensor ដើម្បីចាប់យកទិន្នន័យស្នាមម្រាមដៃ ដែលបំពាក់ក្រោមអេក្រង់ទូរសព្ទ។ Vivo X21 និង Xiaomi Mi 8 ប្រើ Sensor Clear ID របស់ Synaptics សម្រាប់ស្កេនស្នាមម្រាមដៃមានកម្រិត Resolution ខ្ពស់។ Sensor Clear ID ដែលជា Chip CMOS មានឈ្មោះថា Clear ID FS9500 អាចប្រើបានតែសម្រាប់អេក្រង់ OLED និង AMOLED ប៉ុណ្ណោះ។
ប្រព័ន្ធដំណើរការដោយចាប់យកពន្លឺចំណាំងនៃម្រាមដៃតាមរយៈ Pixels របស់ OLED។ ដូចនេះ ពេលអ្នកប៉ះនឹងអេក្រង់ទូរសព្ទ អេក្រង់នឹងបំភ្លឺម្រាមដៃ។ បន្ទាប់មក Sensor ចាប់យកទិន្នន័យស្កេននៅកម្រិត Resolution ខ្ពស់តាមរយៈពន្លឺចំណាំង ពីគម្លាតនៅចន្លោះ Pixels។
ដើម្បីធានាដល់ទិន្នន័យម្រាមដៃ ស្កេនមានភាពត្រឹមត្រូវដោយ Sensor អ្នកត្រូវការចុចសង្កត់លើអេក្រង់ស្រាលៗ។ Sensor អាចកំណត់ភាពខុសគ្នានៃក្រយៅដៃបាន។
យ៉ាងណាមិញ ប្រព័ន្ធនេះនៅមានល្បឿនយឺតនៅឡើយ បើប្រៀបនឹងមុខងារស្កេនម្រាមដៃពីមុន ហើយបើតាមវេបសាយ GuidingTech មុខងារស្កេនម្រាមដៃក្រោមអេក្រង់នេះ ពេលខ្លះមិនសូវជាមានភាពត្រឹមត្រូវនោះទេ។ ប៉ុន្តែអនាគត អាចល្អប្រសើរជាងនេះ៕