កាស Bluetooth ពេញនិយម ប៉ុន្តែអ្នកវិទ្យាសាស្ត្រថា គួរមានព្រំដែន

2021-10-01 09:08:47
ចំណេះដឹង

2021-10-01 09:08:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនកំពូលៗ ភាគច្រើន បានទម្លាក់ចោលរន្ធកាស បន្សល់ត្រឹមរន្ធ USB Type-C ប្រើទាំងភ្ជាប់កាស សាកថ្ម និងផ្លាស់ប្ដូរទិន្នន័យនានា ហើយបើចង់ភ្ជាប់កាសខ្សែធម្មតា ក៏តម្រូវមានដុយបំបែក ឬដុយក្បាល USB Type-C តែម្តង។ កាស Bluetooth មានភាពពេញនិយម ងាយស្រួលភ្ជាប់ប្រើ គ្រប់ទីកន្លែង អាចប្រើបានស្ទើរគ្រប់ស្មាតហ្វូន។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

សំឡេងតាម Bluetooth មានភ្ជាប់ជាមួយសំឡេងរំខាន ដែលនៅមិនទាន់អាចជំនួសរន្ធកាស Headphone Jack បានឡើយ។ អ្នកប្រើប្រាស់ភាគច្រើន មិនអាចលឺភាពខុសគ្នា បើមានអាយុចាស់ជាង ២៤ ឆ្នាំ។ កាស Bluetooth ល្អពេលនៅក្នុងស្ថានភាពមានសំឡេងរំខាន ឬទីប្រជុំជន។ បើចង់ស្តាំនៅទីតាំងស្ងប់ស្ងាត់ កាសខ្សែជាជម្រើសដ៏ល្អ។

១) រាល់ Bluetooth Codec មានបញ្ហាកំណត់ខ្នាតគុណភាព មិនសូវល្អនោះទេ។

២) មិនទាន់មាន Codec ឬ កាស Bluetooth ណាអាចប្រជែងនឹងគុណភាពរលកសញ្ញាខ្សែនោះទេ។

ដោយប្រើគំរូសិក្សាពីសំឡេង (Psychoacoustic) AAC កាត់បន្ថយទិន្នន័យតិចតួច ដែលធម្មតាមិនអាចសម្គាល់ដឹង។ AAC មានគុណសម្បត្តិខ្លះដែរ ប៉ុន្តែជាការណែនាំគួរជៀសវាងប្រើលើទូរសព្ទ Android បើបារម្ភពីគុណភាពសំឡេង។ វេបសាយ SoundGuys រកឃើញសំឡេងរំខានខ្ពស់ និងទាបជាងកម្រិតព្រំដែនកំណត់ប្រេកង់ជាមធ្យម ដែលក្មេងៗមិនគួរស្តាប់។ កាសប្រើ AAC ដូចជា AirPods របស់ Apple មិនល្អសម្រាប់ទូរសព្ទ Android ឡើយ។

មិនដូចនឹង Codec ដទៃទេ ការសាកល្បងរលកសញ្ញា AAC ពីទូរសព្ទ Android ដូចជា Huawei P20 Pro, LG V30 និង Samsung Galaxy Note 8 សុទ្ធតែមានភាពខុសគ្នា។ នេះទំនងដោយសារមុខងារសន្សំសំចៃថ្ម មានលើ Hardware ខុសៗគ្នារបស់ប្រព័ន្ធ Ecosystem Android មានឥទ្ធិពលលើសំឡេង។

LDAC ជា Codec តែមួយល្អ ប៉ុន្តែនៅមានបញ្ហាខ្លះ ជាមួយទូរសព្ទ។ ល្បឿន Bitrate ជា Default ខុសគ្នាពីម៉ូដែលមួយៗ។ Samsung Galaxy Note 8 និង LG V30 មានល្បឿន 660kbps ជា Default និង Galaxy Pixel 3 ជា Default តិចជាង 330kbps។

ទាំងកម្រិតភ្ជាប់ 660kbps និង 990kbps ផ្តល់គុណភាពសមរម្យ ប៉ុន្តែ 330kbps មានសំឡេងរំខានច្រើន ជាការណែនាំគួរប្រើ 660kbps ល្អស្ថិតនៅចំណុចកណ្តាលនៃគុណភាព។

យ៉ាងណាមិញ កម្មវិធីកាត់ត មិនអាចដោះស្រាយបញ្ហាសំឡេងរំខានត្រង់ Note ខ្ពស់នោះទេ។ ល្អបំផុត គួរស្តាប់ក្រោមសំឡេង 90dB។ កាសខ្សែផ្តល់គុណភាពសំឡេងបានល្អ ធូរថ្លៃជាង ជាពិសេសស្តាប់នៅស្ថានភាពស្ងប់ស្ងាត់៕

ប្រភព៖ Androidauthority ប្រែសម្រួល៖ ប៊ុនធឿន