ក្រោយពេលប្រកាសចេញកាលពីថ្ងៃទី ១៦ ខែសីហា ឆ្នាំ២០២១ កន្លងទៅទូរសព្ទ Gaming ម៉ូដែលថ្មី ROG Phone 5sនិង 5s Pro មានហ្វេនជាច្រើនបានដេញដោលសួរពីតម្លៃស្មាតហ្វូនកម្លាំងខ្លាំងនេះពេលមកដល់ទីផ្សារស្រុកខ្មែរ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ASUS ROG Phone 5s និង 5s Pro ដែលទើបបានប្រកាសចេញកាលពីពេលថ្មីៗ ដែលវាគឺជាស្មាតហ្វូនបំពាក់ RAM រហូតដល់ 18GB និងមានបន្ថែមថាមពលពិសេសៗជាច្រើន និងកាន់តែខ្លាំងជាងមុន។

ROG Phone 5s មានបំពាក់អេក្រង់ទំហំ 6.78 អ៊ិញ ប្រភេទ AMOLED មានកម្រិតបង្ហាញ 1080p+ និងមានល្បឿនប៉ះបញ្ជារ touch sampling rate អាចឡើងដល់ 300 Hz។ តាមប្រភពពីហាង សុខ លី ស្មាតហ្វូនកម្លាំងខ្លាំង ROG Phone 5s និង 5s Pro ថ្មីដាក់លក់ក្នុងតម្លៃ៖

• ROG Phone 5s មាន RAM16GB ទំហំផ្ទុក 256GB មានតម្លៃខ្ទង់ ១ ០៩៩ដុល្លារ។
• ROG Phone 5s មាន RAM18GB ទំហំផ្ទុក 512GB មានតម្លៃខ្ទង់ ១ ២៥៩ដុល្លារ។
• ROG Phone 5s Pro មាន RAM18GB ទំហំផ្ទុក 512GB មានតម្លៃខ្ទង់ ១ ៤៥៩ដុល្លារ។

ស្មាតហ្វូនហ្គេម ROG Phone 5s និង 5s Pro ប្រើប្រាស់ប្រព័ន្ធប្រតិបត្តិការ Android 11, ROG UI និងប្រើប្រាស់បន្ទះឈីប Snapdragon 888+ 5G។ វាមាន refresh rate 144Hz និងមានល្បឿនប៉ះបញ្ជារ touch sampling rate អាចឡើងដល់ 300 Hz។ ថាមពលថ្មីរហូតដល់ 6000mAh និងមានល្បឿងសាក់ថ្មីរហូតដល់ 65W៕

បញ្ជាក់៖ តម្លៃអាចប្រែប្រួលបន្ទាប់ពីចុះផ្សាយ។