រាល់ការបង្ហោះរបស់អ្នក គឺអាចលាក់មិនឱ្យអ្នកដទៃមើលឃើញចំនួន Like ឬ Reactions ផ្សេងៗ ហើយអ្នកក៏អាចបិទ មិនចង់មើលឃើញចំនួន Like ឬ Reactions ផ្សេងៗ ដែលអ្នកដទៃបានបង្ហោះដូចគ្នាផងដែរ ដោយបើកនូវមុខងារថ្មីចំនួនពីរដូចមានខាងក្រោមនេះ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

វិធីបិទចំនួន Like ឬ Reactions ផ្សេងៗ៖

• បើកកម្មវិធី Facebook > Menu > Settings & Privacy > Settings
• នៅម្ដុំ Preferences > ជ្រើសយក Reaction Preferences

នៅក្នុងមុខងារ Reaction Preferences មានពីរចំណុចសម្រាប់ជ្រើសរើស៖

• បើកមុខងារ On posts from others មានន័យថា បិទចំនួន Like ឬ Reactions ផ្សេងៗដែលអ្នកមិនចង់មើលឃើញលើ Post ដែលអ្នកដទៃបានបង្ហោះ
• បើកមុខងារ On your posts មានន័យថា បិទចំនួន Like ឬ Reactions ផ្សេងៗលើ Post ដែលខ្លួនអ្នកបានបង្ហោះ មិនឱ្យអ្នកដទៃឃើញ

ជាលទ្ធផល ចំនួន Like ឬ Reactions នឹងឃើញខាងក្រោមនេះ ដោយការបង្ហោះទាំងរបស់អ្នកដទៃ និងរបស់អ្នក មើលឃើញត្រឹមឈ្មោះពីរបីដំបូងតែប៉ុណ្ណោះ ដែលបាន reacts ប៉ុន្ដែអ្នកនៅតែចុចមើលដឹង បើចុចលើមនុស្សដែល reacts គ្រាន់តែមិនឃើញចំនួនតែប៉ុណ្ណោះ។

មួយវិញទៀត អ្វីដែលអ្នកបានបង្ហោះ អ្នកអាចមើលឃើញចំនួន Reacts ព្រោះអ្នកជាម្ចាស់បង្ហោះ ប៉ុន្ដែការបង្ហោះនោះ អ្នកដទៃនឹងមើលមិនឃើញចំនួន Reacts នោះឡើយ៕