YouTube ទើបបញ្ចេញមុខងារសម្បូរបែបបន្ថែម ដើម្បីកំណត់កម្រិតគុណភាពពេលចាក់វីដេអូ (video resolution settings) ទាំងកម្មវិធីនៅលើ Android និង iOS។ មាន​ន័យ​ថា ​បើ​អ៉ឺនធើណិតទូរសព្ទ​ល្បឿន​យឺត ពេល​កំណត់​មុខងារ​ខាង​លើ​ នោះ​​វា​ចឹង​ចង​ចាំ​ទុក​ពេល​បើក​លើក​ក្រោយ​ទៀត​។ ឧទាហរណ៍៖ កម្រិត 360p ជាដើម។ ចំណុច​នេះល្អ​សម្រាប់ ​អ្នក​ប្តូរ​លុយ​លេង​អ៊ឺនធើណិតលើ​ស៊ីម​ អាច​ថា​សន្សំ​សំ​ចៃ​បាន​មួយ​ផ្នែក ព្រោះ​ថា​បើ​យើង​ទម្លាប់​បើក​ HD រហូត​ នោះវា​​ក៏​ឆាប់​អស់​លុយ​ទៅ​តាម​ហ្នឹង​ដែរ​។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

មុខងារថ្មីនេះផ្ដល់ជម្រើសគុណភាពវីដេអូជា ៥ប្រភេទ ដូចជា៖

• Auto (recommended) គុណភាពវីដេអូច្បាស់ឬអត់ កម្មវិធីនឹងដំណើរជ្រើសរើសដោយស្វ័យប្រវត្តិ ទៅតាមល្បឿនអ៊ីនធឺណិតដែលអ្នកកំពុងប្រើ
• Higher picture quality គុណភាពវីដេអូកម្រិតខ្ពស់ តាមបទពិសោធន៍អ្នកប្រើ វាដំណើរការក្នុងកម្រិត 720p
• Data Saver គុណភាពវីដេអូក្នុងកម្រិតមធ្យម តាមបទពិសោធន៍អ្នកប្រើ វាដំណើរការក្នុងកម្រិត 480p
• Advanced ជ្រើសរើសកម្រិតគុណភាពវីដូអេ តាមការចង់បានរបស់អ្នក ដូចជា 720p, 1080p, 1440p (2k), 2160p (4k)

របៀប​នៃ​ការកំណត់ខាងលើ គឺបានតែវីដេអូដែលអ្នកកំពុងទស្សនាតែប៉ុណ្ណោះ ចំពោះការកំណត់តែម្ដងបានលើវីដេអូទាំងអស់ សូមជ្រើសយក Video Quality Preferences នៅខាងក្រោមគេបង្អស់។ ប៉ុន្ដែគួរឱ្យស្ដាយ នៅក្នុងមុខងារនេះ អ្នកប្រើនៅតែមិនអាចជ្រើសរើសកម្រិត 1080p ឬ 2k បានដដែល គឺរើសបានដូចការកំណត់ខាងលើដដែល។

ទោះយ៉ាងណាមុខងារនេះ YouTube ទំនងជាដាក់ឱ្យអ្នកប្រើប្រាស់ ដើម្បីកុំឱ្យពួកគេខ្វល់ខ្វាយ ឬពិបាកយល់ពីកម្រិត 480p, 1080p ឬ 2k តែប៉ុណ្ណោះ ដោយគ្រាន់តែជ្រើសរើសកម្រិតវីដេអូជាអក្សរជាការស្រេច បន្ទាប់មក YouTube នឹងដំណើរការរើសកម្រិតវីដេអូទៅតាមកម្លាំងអ៊ីនធឺណិត និងអ្វីដែលអ្នកចង់បានយ៉ាងងាយស្រួល៕