- 2021-04-14 04:40:00
- ចំណេះដឹង
មកស្គាល់បុរសដែលដើរតួក្នុងហ្គេម Red Alert និង Yuri
- 2021-04-14 04:40:00
- ចំនួនមតិ 0 | ចំនួនចែករំលែក 0
មកស្គាល់បុរសដែលដើរតួក្នុងហ្គេម Red Alert និង Yuri
ចន្លោះមិនឃើញ
និយាយដល់ Red Alert និង Yuri មានមនុស្សជាច្រើនច្បាស់ជាស្គាល់ថាវាជាហ្គេមដែលពេញនិយមខ្លាំងកាលពីជាង ២០ ឆ្នាំមុន។ ហ្គេមនេះគឺជាវគ្គនៃស៊េរីហ្គេម Command & Conquer បង្កើតឡើងដំបូងដោយ Westwood Studios ចាប់ពីឆ្នាំ ១៩៩៥ មក។
ក្នុងស៊េរីហ្គេម Command & Conquer គេតែងឃើញមានតួអង្គ Kane ដែលមានបង្ហាញមុខក្នុងវគ្គជាច្រើននៃស៊េរីហ្គេម។ តួអង្គ Kane នេះគឺសម្ដែងដោយលោក Joseph David Kucan ជនជាតិអាមេរិក ដែលលោកគឺជាអ្នកបង្កើតវីដេអូហ្គេម, អ្នកដឹកនាំការផលិតហ្គេម, តារាសម្ដែង, អ្នកសរសេរសេនារីយ៉ោសម្រាប់ក្រុមហ៊ុនហ្គេម និងផលិតកម្មភាពយន្តជាច្រើន។
លោក Kucan ចាប់ផ្ដើមធ្វើការជាមួយ Westwood Studios នាឆ្នាំ ១៩៩២ ដែលដើមឡើយលោកមានតួនាទីជាអ្នកដឹកនាំការបញ្ចូលសំឡេង។ នៅក្នុងវគ្គដំបូងនៃហ្គេម Command & Conquer លោកបានដើរតួជាតួអង្គល្បីមួយគឺ Kane ដែលជាមេដឹកនាំនៃចលនាសាសនាដ៏ធំមួយឈ្មោះថា Brotherhood of Nod។
បុរសវ័យ ៥៥ឆ្នាំរូបនេះ បានបន្តដើរតួជា Kane ក្នុងវគ្គជាច្រើនទៀតរួមមាន ៖
Command & Conquer: Red Alert (ឆ្នាំ ១៩៩៦)
Command & Conquer: Tiberian Sun (ឆ្នាំ ១៩៩៩)
Command & Conquer: Firestorm (ឆ្នាំ ២០០០)
Command & Conquer: Yuri's Revenge (ឆ្នាំ ២០០១)
Command & Conquer: Renegade (ឆ្នាំ ២០០២)
Command & Conquer 3: Tiberium Wars (ឆ្នាំ ២០០៧)
Command & Conquer 3: Kane's Wrath (ឆ្នាំ ២០០៨)
Command & Conquer 4: Tiberian Twilight (ឆ្នាំ ២០១០)
នៅឆ្នាំ ២០០៨ ឈ្មោះរបស់លោក Kucan ត្រូវបានដាក់បញ្ចូលក្នុងសៀវភៅកំណត់ត្រាពិភពលោក Guinness World Record Gamer's Edtion ឆ្នាំ ២០០៨ ក្នុងនាមជាអ្នកដើរតួអង្គដដែលក្នុងស៊េរីវីដេអូហ្គេមបានយូរឆ្នាំជាងគេ ជាមួយការដើរតួជា Kane៕