រឿងពីរនេះ បង្ហាញលើ Facebook អាចនាំទុក្ខដាក់ខ្លួនបាន!

2021-04-12 09:50:24
ចំណេះដឹង

2021-04-12 09:50:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ Facebook ម្នាក់ៗតែងតែបង្ហាញព័ត៌មានផ្ទាល់ខ្លួនជាច្រើននៅលើ Profile របស់ខ្លួនដើម្បីឲ្យអ្នកដទៃដឹងពីខ្លួនកាន់តែច្បាស់។ តែពួកគេប្រហែលមិនដឹងទេថាការចែករំលែកព័ត៌មានផ្ទាល់ខ្លួននេះអាចនាំទុក្ខដោយមិនដឹងខ្លួនបាន។ តទៅនេះនឹងបង្ហាញពីព័ត៌មានសំខាន់ៗអ្នកគួរលុបចេញពី Facebook បើមិនចង់ស្ដាយក្រោយ៖

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

១. ថ្ងៃខែឆ្នាំកំណើត ៖

ការបង្ហាញថ្ងៃខែឆ្នាំកំណើតលើ Facebook បានក្លាយជាប្រពៃណីមួយ ដោយមួយភាគធំបង្ហាញវាឡើងដើម្បីទទួលការជូនពរថ្ងៃកំណើតពីបណ្ដាមិត្តភ័ក្ដិ។ តែការបង្ហាញនេះក៏ផ្ដល់ផលប៉ះពាល់ធ្ងន់ធ្ងរដែរ ព្រោះថាថ្ងៃខែឆ្នាំកំណើត អាចឲ្យជនខិលខូចងាយស្រួល Hack ចូលកុងធានា (តាមការស្មានលេខកូដដោយប្រើថ្ងៃខែឆ្នាំកំណើត) និង គណនីផ្ទាល់ខ្លួនដទៃទៀត។

យ៉ាងណាក្ដីគោលការណ៍របស់ Facebook មិនអាចឲ្យអ្នកមិនបញ្ចូលថ្ងៃខែឆ្នាំកំណើតបាននោះទេ ប៉ុន្តែអ្នកអាចប្រើថ្ងៃខែឆ្នាំកំណើតក្លែងក្លាយជំនួសព័ត៌មានពិតប្រាកដបាន។ មួយវិញទៀតអ្នកអាចបញ្ចូលថ្ងៃខែឆ្នាំកំណើតពិតបាន ប៉ុន្តែកុំបង្ហាញវាជាសាធារណៈដោយដាក់ជា "Only Me” បានហើយ។

២. អាសយដ្ឋានទីលំនៅ ៖

ប្រសិនបើចង់ប្រាប់អ្នកដទៃថាអ្នកនៅទីណានោះគួរកុំប្រកាសជាសាធារណៈដោយបង្ហាញលើ Profile ផ្ទុយទៅវិញគួរតែប្រាប់ជាសម្ងាត់តាមរយៈ Chat ជំនួសវិញ។ ប៉ុន្តែអ្នកក៏អាចបង្ហាញលើ Profile បានដោយប្រាប់តែតំបន់ ឬ ទីក្រុងដែលអ្នករស់នៅបានហើយ៕

ប្រភព៖ Independent ប្រែសម្រួល៖ សុខហេង