គន្លឹះល្អៗជួយឲ្យថ្ម Drone របស់អ្នកប្រើបានយូរ

2021-03-04 06:28:03
គន្លឹះ

2021-03-04 06:28:03
ចំនួនមតិ 0 | ចំនួនចែករំលែក 0

ចន្លោះមិនឃើញ

Drone មានការនិយមប្រើប្រាស់ច្រើន សម្រាប់ផ្ដិតយករូបភាពពីលើអាកាស ដែលពីមុនពិបាកក្នុងការថត។ ថាមពលថ្មក្នុងការហោះហើរជាបញ្ហាចម្បង ដែលពេលខ្លះការធ្លាក់ Drone ឬ បាត់បង់ការបញ្ជាពាក់កណ្ដាលទីមានការកើតឡើង។ អ្នកក៏អាចពិនិត្យមើលនូវចំណុចខាងក្រោមនេះជា ទុកជាចំណេះដឹងដើម្បីថែរក្សា និងប្រើថាមពលថ្ម តាមសមត្ថភាពរបស់វា៖

១) កុំបង្ហោះវា ទាល់តែលោតសញ្ញាអស់ ថ្ម

ប្រសិនបើអ្នកទទួលបានសញ្ញាដំណឹងពី ថ្ម អ្នកគួរតែចុះចតភ្លាម។ បើកាលណាអ្នកបង្ខំប្រើវា ទាល់តែថ្មលោតបែបនេះញឹក ជាកត្តាជំរុញឲ្យឆាប់ខូច ថ្ម។

២) សាកថ្ម មុនពេលហោះហើរ

Drone ភាគច្រើនមានមុខងារ Auto discharge (ផ្ដាច់ចរន្តដោយស្វ័យប្រវត្តិ) ដែលមុខងារនោះអាចស៊ីថាមពលថ្ម រយៈពេលពីរ បីថ្ងៃក្រោយពេលសាកថ្ម។ មានន័យថា រយៈពេល Drone រង់ចាំហោះហើរប៉ុណ្ណា ថាមពលថ្មបាត់បង់ច្រើនតាមនោះដែរ។ ដូច្នេះដើម្បីទទួលបានលទ្ធផលល្អ អ្នកគួរធ្វើការហោះហើរ Drone ក្រោយថ្មសាកបាន ពីរឬបីម៉ោង។

៣) ទីតាំងរក្សាទុក ថ្ម

ថ្មលើ Drone ភាគច្រើនជាប្រភេទ Lithium polymer ឬ LiPo អាចមានបញ្ហាពេលឡើងកម្ដៅ។ ការសាកថ្មពេលសីតុណ្ហភាពក្ដៅ អាចបន្ថយសមត្ថភាពរបស់ថ្មបាន។ ដូច្នេះអ្នកគួរជៀសវាងសាកថ្មក្រោយប្រើប្រាស់ ពេល Drone នៅក្ដៅនៅឡើយហើយពេលសាកគួរស្ថិតនៅទីតាំងមានសីតុណ្ហភាពល្មម។ ម្យ៉ាងវិញទៀត អ្នកគួររក្សាទុកនូវ Drone នៅទីតាំងស្ងួត និងមានសីតុណ្ហភាពល្មម ជៀសវាងដាក់ក្នុងកៅអីក្រោយរថយន្ត។

៤) ជៀសវាងការសាកថ្ម ចោលច្រើនម៉ោងពេក

អ្នកគួរផ្ដាច់ការសាកថ្មដោយផ្ទាល់ដៃពេលណាវាសាកពេញ។ ថ្មមួយចំនួនមានមុខងារនេះរួចហើយគឺ Auto discharge (ផ្ដាច់ចរន្តដោយស្វ័យប្រវត្តិ) អ្នកមិនគួរសាកទុកចោលច្រើនម៉ោងពេកនោះទេ។

៥) មុនហោះ គួរត្រួតពិនិត្យមើលអាកាសធាតុ

អ្នកគួរហោះហើរ Drone ពេលមានអាកាសធាតុស្រលះល្អ។ អ្នកមិនគួរហោះហើរ ពេលជិះទូកមានភ្លៀង ឬ ខ្យល់ខ្លាំងនោះទេ ព្រោះថាមពលថ្មកាន់តែច្រើននឹងប្រើក្នុងការទប់លំនឹងការហោះហើរ ហើយ ថ្ម អាចអស់ពាក់កណ្ដាលទី។ ម្យ៉ាងទៀត សំណើមអាចបន្ថែមទម្ងន់លើ Drone ដែលប៉ះពាល់ដល់ថាមពលថ្មដែរ។

៦) បន្ថយទម្ងន់លើ Drone

ប្រសិនបើអ្នកមិនត្រូវការ អ្នកគួរដោះចោលនូវសម្ភារៈដូចជា Lens filter, Propeller guards (រនាំងដែកការពារស្លាប) និងកាមេរ៉ាពេលអ្នកមិនថត ដែលវាបន្ថែមទម្ងន់លើ Drone ហើយថាមពលថ្មក៏ប្រើច្រើនផងដែរ។