- 2020-12-29 01:26:35
- ចំណេះដឹង
មានអ្នកកាន់ iPhone ប៉ុន្មាននាក់ ដឹងមុខងារពិសេស៤នេះ?
- 2020-12-29 01:26:35
- ចំនួនមតិ 0 | ចំនួនចែករំលែក 0
មានអ្នកកាន់ iPhone ប៉ុន្មាននាក់ ដឹងមុខងារពិសេស៤នេះ?
ចន្លោះមិនឃើញ
iOS ជាប្រព័ន្ធប្រតិបត្តិការមានស្ថិរភាពល្អមួយ សុវត្ថិភាពខ្ពស់ និងងាយស្រួលប្រើប្រាស់។ ប៉ុន្ដែក្នុងនោះផងដែរ Apple ក៏បានបង្កប់នូវមុខងារជាច្រើន ហើយបើអ្នកចូលចិត្តរុករកផងនោះ អ្នកនឹងភ្ញាក់ផ្អើលពីវា។ តួយ៉ាងដូចជាមុខងារទាំង៤ នៅខាងក្រោមនេះអ៊ីចឹងដែរ ដោយមានភាគតិចណាស់ដែលបានដឹង និងប្រើប្រាស់វា ៖
១. មុខងារ Security Recommendations
ជាមុខងារជួយរំឭកដល់អ្នកប្រើប្រាស់ឱ្យដឹងថា លេខសម្ងាត់គណនីរបស់អ្នកមួយណាងាយស្រួលគេស្មានត្រូវ ឬការប្រើលេខសម្ងាត់ដូចគ្នាៗលើគណនីជាច្រើន ដែលអាចបង្កជាហានិភ័យ ពេលលេខសម្ងាត់របស់អ្នកលេចធ្លាយ នឹងត្រូវគេយកបានគណនីទាំងអស់តែម្ដង។
ដើម្បីបើកមុខងារនេះសូមចូលទៅកាន់ Setting > Passwords > Security Recommendations > ចុចបើក Detect Compromised Passwords ជាការស្រេច។
២. មុខងារស្គេនក្នុងកម្មវិធី Notes
iOS បានផ្ទុកមុខងារស្គេនមួយនៅក្នុងកម្មវិធី Notes ដោយវាងាយស្រួលចាប់យកឯកសារ ទាំងទម្រង់ឯកសារដែលចង់ស្គេន នឹងដំណើរដោយស្វ័យប្រវតិ្ត។ របៀបប្រើមុខងារនេះ គ្រាន់តែចូលតាមវិធីខាងក្រោម៖
បើកកម្មវិធី Notes > បង្កើតផ្ទាំងឯកសារថ្មីមួយ
ចុចលើរូបកាមេរ៉ា ដូចក្នុងរូបភាព > Scan Documents ជាការស្រេច
មុខងារនេះអាចដំណើរការបានចាប់ពី iOS 13 ឡើងទៅ។
៣. កម្មវិធីគិតលេខ
iOS ផ្ទុកចំណុចសម្ងាត់មួយដើម្បីឱ្យអ្នកលុបលេខដែលអ្នកចុចខុសកាន់តែងាយ ដោយមិនបាច់ចុចប៊ូតុចអក្សរ C នោះទេ។ របៀបលុបគឺអ្នកគ្រាន់ឆូតលើលេខនោះពីឆ្វេងទៅស្ដាំ ឬពីស្ដាំទៅឆ្វេង បន្ទាប់មកវានឹងលុបម្ដងមួយតួៗ។
មួយទៀតអ្នកអាចដំណើរការកម្មវិធីគិតលេខមានមុខងារជាច្រើន ដោយគ្រាន់តែផ្ដេកទូរសព្ទរបស់អ្នក នោះវានឹងប្ដូរទម្រង់កម្មវិធីគិតលេខរបស់អ្នកភ្លាម។
៤. មុខងារតាមដានដំណេករបស់អ្នក
iOS មានមុខងារអចឱ្យអ្នកប្រើប្រាស់តាមដានដំណេករបស់ខ្លួន ប្រចាំថ្ងៃ អាទិត្យ និងខែ ដោយដឹងថាការគេងរបស់គ្រប់ម៉ោង ឬខ្វះជាដើម។
សម្រាប់ប្រព័ន្ធប្រតិបត្តិការ iOS 14៖
សូមចូលទៅកាន់កម្មវិធី Health > Browse > Sleep
ចុចលើ Get Started
បំពេញចំនួនម៉ោងដែលអ្នកចង់គេងក្នុង១ថ្ងៃ បន្ទាប់មកចុច Next
រើសថ្ងៃដែលអ្នកចង់ឱ្យមានការតាមដាន កំណត់ម៉ោងគេង និងម៉ោងភ្ញាក់ បន្ទាប់មកចុច Add
ជ្រើសរើសម៉ោងរោទ៍ ប្រភេទនៃការរោទ៍ និងបទភ្លេងជាដើម ត្រង់នេះអ្នកមិនចង់ឱ្យស្មាតហ្វូនរបស់អ្នករោទ៍ក៏បាន ដោយគ្រាន់ចុចបិទប៊ូតុង Wake Up Alarm ។
បន្ទាប់ពីកំណត់ចប់ អ្នកអាចចូលទៅផ្លាស់ប្ដូរ ឬកំណត់មុខងារជាច្រើនបន្ថែមក្នុងមុខងារ Sleep ដដែល រួចចូលទៅ Full Schedule & Option ដើម្បីកំណត់។
សម្រាប់ប្រព័ន្ធប្រតិបត្តិការ iOS 13៖
ដើម្បីបើកមុខងារនេះ សូមចូលទៅកាន់កម្មវិធី Clock
ជ្រើសយក Bedtime > ចុចយក Get Started
បន្ទាប់មកឆ្លើយ៣សំនួរអំពី ថ្ងៃនិងម៉ោង ដែលអ្នកចង់កំណត់ឱ្យតាមដានពេលអ្នកគេង
ចុចជ្រើសរើសម៉ោងភ្ញាក់ពីគេង ជ្រើសរើសថ្ងៃដែលត្រូវដាក់ម៉ោងរោទ៍ ចំនួនម៉ោងដែលអ្នកចង់គេងក្នុង១ថ្ងៃ កំណត់ពេលគេង និងម៉ោងរោទ៍
ចំពោះទិន្នន័យគេងរបស់អ្នក គឺវានឹងត្រូវរក្សាទុកនៅក្នុងកម្មវិធី Health ដោយអ្នកអាចចូលទៅកាន់៖ បើកម្មវិធី Health > Health Category > Sleep > Sleep Analysis។
គួរបញ្ជាក់បន្ថែមថា មុខងារតាមដានដំណេករបស់អ្នកនេះ គឺវាដំណើរការទៅតាមការប្រើស្មាតហ្វូនរបស់អ្នក បើសិនជាដល់ម៉ោងគេង កម្មវិធីរំឭកអ្នកឱ្យគេង ហើយអ្នកមិនបានគេងនោះ វានឹងយល់ថាអ្នកខកម៉ោងចូលគេង ហើយបើសិនជាអ្នកទាញទូរសព្ទយកមកចុចកណ្ដាលយប់នោះ វានឹងដឹងថាអ្នកភ្ញាក់កណ្ដាលយប់ជាដើម។