- 2020-09-03 08:42:23
- ចំណេះដឹង
មកដឹងពីភាពខុសគ្នារវាងរថយន្តម៉ាស៊ីនស៊ីឡាំង៤ និង៦ ដើម្បីងាយស្រួលក្នុងការជ្រើសរើស
- 2020-09-03 08:42:23
- ចំនួនមតិ 0 | ចំនួនចែករំលែក 0
មកដឹងពីភាពខុសគ្នារវាងរថយន្តម៉ាស៊ីនស៊ីឡាំង៤ និង៦ ដើម្បីងាយស្រួលក្នុងការជ្រើសរើស
ចន្លោះមិនឃើញ
ភាពខុសគ្នារវាងចំនួនស៊ីឡាំងនៃម៉ាស៊ីនរបស់រថយន្តនៅតែជាចម្ងល់ដ៏ចាក់ស្រេះមួយរបស់អ្នកដែលមានបំណងចង់ទិញរថយន្តមួយចំនួន ដែលនេះហើយធ្វើឲ្យគេពិបាកក្នុងការសម្រេចចិត្តជ្រើសរើសរថយន្ត។
ដើម្បីដឹងច្បាស់ពីភាពខុសគ្នាមកស្វែងយល់អំពីម៉ាស៊ីនឲ្យច្បាស់ជាមុនសិន។ រថយន្តនីមួយៗមានផ្ទុកនូវម៉ាស៊ីនដែលមានចំនួនស៊ីឡាំងខុសៗគ្នា ដោយស៊ីឡាំងនីមួយៗមានផ្ទុកនូវពិស្តុងចំនួនមួយធ្វើចលនាចុះឡើង។ ចំនួនពិស្តុងកាន់តែច្រើនធ្វើចលនា មានន័យថាវានឹងអាចបង្កើតកម្លាំងបានកាន់តែច្រើនក្នុងពេលខ្លី។
ម៉ាស៊ីនត្រង់ (straight) ឬ ម៉ាស៊ីនជាជួរ (inline)
ជាទូទៅម៉ាស៊ីនស៊ីឡាំង៤ គឺជាប្រភេទម៉ាស៊ីនត្រង់ (straight) ឬម៉ាស៊ីនជាជួរ (inline) ចំណែកឯម៉ាស៊ីនស៊ីឡាំង៦វិញជាប្រភេទម៉ាស៊ីនរាងអក្សរ V ដែលភាគច្រើនគេសម្គាល់ដោយពាក្យ V6។ ម៉ាស៊ីន ស៊ីឡាំង៦បានក្លាយជាជម្រើសទីមួយសម្រាប់ក្រុមហ៊ុនផលិតយានយន្តនៅសហរដ្ឋអាមេរិក ព្រោះថាវាមានកម្លាំងខ្លាំង និងសំឡេងស្ងាត់ល្អ ប៉ុន្តែមានទំហំស្រាលនិងមាឌតូច។ម៉ាស៊ីនរាងអក្សរ V
កាលពីជំនាន់មុនសមត្ថភាពរបស់ម៉ាស៊ីនស៊ីឡាំង៤ និង ៦មានភាពខុសគ្នាច្រើន ពោលគឺម៉ាស៊ីនស៊ីឡាំង៦មានកម្លាំងខ្លាំងជាង ស៊ីប្រេងច្រើនជាង និងបញ្ចេញសារធាតុពុលច្រើនជាង ប៉ុន្តែក្រុមហ៊ុនផលិតយានយន្តជាច្រើនបានខិតខំរិះរកវិធីដើម្បីកែខៃចំណុចអវិជ្ជមានរបស់ម៉ាស៊ីនស៊ីឡាំង៦នេះ។ ជាក់ស្ដែងរថយន្តម៉ាស៊ីនស៊ីឡាំង៦ដែលចេញលក់លើទីផ្សារបច្ចុប្បន្ន ភាគច្រើនស៊ីប្រេងតិចជាងពីមុន និងមិនបញ្ចេញសារធាតុពុលច្រើនដូចពីមុនឡើយ។យ៉ាងណាក្ដីម៉ាស៊ីនស៊ីឡាំង៦នៅតែស៊ីប្រេងច្រើនជាងម៉ាស៊ីនស៊ីឡាំង៤ ប៉ុន្តែវាមានកម្លាំងខ្លាំងជាងម៉ាស៊ីនស៊ីឡាំង៤។ ដូចនេះភាពខុសគ្នារវាងម៉ាស៊ីនទាំងពីរប្រភេទនេះមានមិនច្រើនប៉ុន្មានឡើយ ដែលចំណុចនេះធ្វើឲ្យគេងាកទៅពិចារណាលើភាពខុសគ្នារវាងតម្លៃនៃម៉ាស៊ីនទាំងពីរនេះវិញម្ដង។ ចំពោះរថយន្តដែលមានបំពាក់ម៉ាស៊ីនស៊ីឡាំង៤ មានតម្លៃថោកជាងម៉ាស៊ីនស៊ីឡាំង៦ ពោលគឺដល់ទៅរាប់ពាន់ដុល្លារឯណោះ។
វិបសាយ HowStuffWorks បានណែនាំថាប្រសិនបើចង់ទិញរថយន្តដែលមានតម្លៃទាបនិងស៊ីប្រេងតិចគួរតែជ្រើសរើសម៉ាស៊ីនស៊ីឡាំង៤ ប៉ុន្តែបើចង់បានរថយន្តដែលមានកម្លាំងខ្លាំងគួរតែបន្ថែមប៉ុន្មានពាន់ដុល្លារទៀតដោយជ្រើសយកម៉ាស៊ីនស៊ីឡាំង៦៕
ប្រភព៖ HowStuffWorks ប្រែសម្រួល៖ ហៃ សុខហេង