- 2020-08-17 00:55:00
- ចំណេះដឹង
ទូរសព្ទដែលមានកាមេរ៉ាខ្លាំងដាច់គេទាំង៥ គិតត្រឹមបច្ចុប្បន្ននេះ!
- 2020-08-17 00:55:00
- ចំនួនមតិ 0 | ចំនួនចែករំលែក 0
ទូរសព្ទដែលមានកាមេរ៉ាខ្លាំងដាច់គេទាំង៥ គិតត្រឹមបច្ចុប្បន្ននេះ!
ចន្លោះមិនឃើញ
គិតចាប់តាំងពីដើមឆ្នាំ ២០២០ មកទល់ពាក់កណ្ដាលខែសីហានេះ បញ្ជីរបស់ DxOMark ដែលចាត់ថ្នាក់កាមេរ៉ាស្មាតហ្វូនតាមលំដាប់ពិន្ទុ មានការផ្លាស់ប្ដូរជានិច្ច។ ដូចជាថ្មីៗកន្លងទៅនេះ ស្មាតហ្វូន Xiaomi Mi 10 Ultra បានក្លាយជាជើងឯកកាមេរ៉ាថ្មី ដែលមានលំដាប់ពិន្ទុសរុបរហូតដល់ ១៣០ពិន្ទុ ដណ្ដើមបានតំណែងកំពូលរបស់ Huawei P40 Pro។
ខាងក្រោមនេះជាស្មាតហ្វូន ៥ ដែលកាមេរ៉ារបស់វាទទួលបានពិន្ទុខ្ពស់ជាងគេពីការវាយតម្លៃរបស់ DxOMark ៖
១. Xiaomi Mi 10 Ultra
ស្មាតហ្វូនដែលមានបំពាក់កាមេរ៉ា ៤គ្រាប់នៅផ្នែកខាងក្រោយនេះទទួលបានពិន្ទុរហូតដល់ ១៤២ពិន្ទុ និងបាន ១០៦ពិន្ទុសម្រាប់ការថតរូប ដែលទទួលបានពិន្ទុសរុប ១៣០ពិន្ទុ។
២. Huawei P40 Pro
Huawei 40 Pro មានកាមេរ៉ា ៣គ្រាប់ អមដោយ Sensor វាស់ជម្រៅរូបភាពមួយ ដោយតាមការធ្វើតេស្តរបស់ DxOMark វាបាន ១៤០ពិន្ទុលើការថតរូបសន្លឹក និងចំនួន ១០៥ពិន្ទុសម្រាប់ការថតវីដេអូ ធ្វើឲ្យពិន្ទុសរុបមានចំនួន ១២៨ពិន្ទុ។
៣. Honor 30 Pro+
Honor 30 Pro+ មានបំពាក់ប្រព័ន្ធកាមេរ៉ា ៣គ្រាប់ស្រដៀងនឹង Huawei P40 Pro ប៉ុន្តែវាមិនមាន Sensor វាស់ជម្រៅនោះទេ។ កាមេរ៉ារបស់វាទទួលបាន ១៣៦ពិន្ទុលើការថតរូប និង ១០៤ពិន្ទុលើការថតវីដេអូ ហើយមានពិន្ទុសរុប ១២៥ពិន្ទុ។
៤. OPPO Find X2 Pro
កាមេរ៉ាក្រោយរបស់ OPPO Find X2 Pro ជាប្រព័ន្ធកាមេរ៉ាបីគ្រាប់ ដែលការថតរូបទទួលបាន ១៣៤ពិន្ទុ និងការថតវីដេអូទទួលបាន ១០៤ពិន្ទុ ហើយមានពិន្ទុសរុប ១២៤ពិន្ទុ។
៤. Xiaomi Mi 10 Pro
នៅក្រោយខ្នង Mi 10 Pro គេបានបំពាក់កាមេរ៉ារហូតដល់ ៤គ្រាប់ ដែលកាមេរ៉ាមេមានទំហំ ១០៨MP។ កាមេរ៉ានេះទទួលបាន ១៣៤ពិន្ទុលើការផលិតរូបភាព និងការផលិតវីដេអូទទួលបាន ១០៤ពិន្ទុ ហើយមានពិន្ទុសរុបចំនួន ១២៤៕