- 2020-08-19 00:20:00
- ចំណេះដឹង
អ្នកមានជាងគេក្នុងលោកទាំង៣ សុទ្ធតែជាបិតាក្រុមហ៊ុនបច្ចេកវិទ្យា
- 2020-08-19 00:20:00
- ចំនួនមតិ 0 | ចំនួនចែករំលែក 0
អ្នកមានជាងគេក្នុងលោកទាំង៣ សុទ្ធតែជាបិតាក្រុមហ៊ុនបច្ចេកវិទ្យា
ចន្លោះមិនឃើញ
កាលពីថ្មីៗកន្លងទៅនេះលោក Mark Zuckerberg នាយកប្រតិបត្តិការក្រុមហ៊ុន Facebook បានក្លាយជាបុគ្គលមានជាងគេក្នុងលោកលំដាប់ទីបី ដែលឡើងវ៉ាដាច់លោក Bernard Arnault និងលោក Warren Buffett។ ហេតុនេះហើយនៅលើបញ្ជីមហាសេដ្ឋីរបស់ Bloomberg នាពេលនេះ បុគ្គលមានជាងគេក្នុងលោកកំពូលទាំងបី គឺសុទ្ធសឹងតែជាអ្នកបង្កើតក្រុមហ៊ុនបច្ចេកវិទ្យា។
១. លោក Jeff Bezos មានទ្រព្យសម្បត្តិ ១៨៧ពាន់លានដុល្លារ
លោក Jeff Bezos វ័យ ៥៦ឆ្នាំ គឺជាអ្នកបង្កើតក្រុមហ៊ុនលក់ទំនិញអនឡាញ Amazon កាលពីឆ្នាំ ១៩៩៤ ដែលបច្ចុប្បន្នលោកមានតំណែងជានាយកប្រតិបត្តិប្រចាំក្រុមហ៊ុនផ្ទាល់។ ក្រៅពី Amazon លោកក៏បានបង្កើតក្រុមហ៊ុនអវកាសឈ្មោះថា Blue Origin កាលពីឆ្នាំ ២០០០ ផងដែរ ដែលបន្តដំណើរការទល់បច្ចុប្បន្ននេះ។
២. លោក Bill Gates មានទ្រព្យសម្បត្តិ ១២១ពាន់លានដុល្លារ
កាលពីឆ្នាំ ១៩៧៥ លោក Bill Gates សហការជាមួយលោក Paul Allen បង្កើតនូវក្រុមហ៊ុន Microsoft ដែលនៅឈរជើងមកដល់បច្ចុប្បន្ន។ អំឡុងពេលនៅ Microsoft លោក Bill Gates ធ្លាប់កាន់កាប់តួនាទីជាប្រធាន នាយកប្រតិបត្តិការ និងប្រធានផ្នែកស្ថាបត្យកម្ម Software ផងដែរ។ នៅខែមីនាឆ្នាំ ២០២០ លោក Bill Gates បានចុះចេញពីតំណែងជាសមាជិកក្រុមប្រឹក្សាភិបាលនៃក្រុមហ៊ុន Microsoft ប៉ុន្តែនៅបន្តធ្វើជាអ្នកប្រឹក្សាយោបល់ដល់ Microsoft។
៣. Mark Zuckerberg មានទ្រព្យសម្បត្តិ ៩៩ពាន់លានដុល្លារ
មនុស្សភាគច្រើនសុទ្ធតែបានដឹងហើយថាលោក Mark Zuckerberg ជាសហស្ថាបនិក Facebook ដែលលោកបានរួមបង្កើតវាជាមួយមិត្តវិទ្យាល័យកាលពីឆ្នាំ ២០០៤។ បច្ចុប្បន្នបុរសវ័យ ៣៦ឆ្នាំរូបនេះកាន់តំណែងជានាយកប្រតិបត្តិ Facebook៕
