ទិញឡានមួយទឹកមកពីស្រុកគេ ត្រូវឆែកប្រវត្តិជាមុនសិន កុំឲ្យស៊យធំ

2020-07-31 02:46:19
ចំណេះដឹង

2020-07-31 02:46:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិយមប្រើប្រាស់ឡានមួយទឹកមុនពេលទិញតែងដើរជ្រែមើលតម្លៃ មើលគុណភាព ពិសេសពណ៌ពេញនិយម ដោយមិនបានដឹងពីស្ថានភាពឡានទាំងនោះមុនពេលនាំចូលមកទេ។

អ្នកប្រើប្រាស់មួយចំនួន អាចទៅមើលដល់កន្លែងទម្លាក់ពីកុងទ័នឺរផ្ទាល់ក៏មាន ដើម្បីអាចមើលស្ថានភាពឡាននេះបានច្បាស់។

លោក ឌី ពិសិទ្ធ ជាអ្នកជំនាញឆែកឡានមួយទឹកនៅ Autocheck Cambodia បានប្រាប់ Sabay ថា អ្នកដែលប្រើប្រាស់ឡានមួយទឹកដែលមិនបានឆែកប្រវត្តិ និងចង់ដឹងអាចឆែកបានតាមរយៈប្រព័ន្ធអ៊ីនធឺណិតដោយប្រើលេខ VIN ដែលជាលេខសម្គាល់ឡានទាំងនេះ។

នៅពេលឆែកតាមរយៈលេខ VIN វាអាចបង្ហាញពីប្រវត្តិឡានមួយទឹកដូចខាងក្រោម៖

បង្ហាញពីពិន្ទុវាយតម្លៃ និងចំនួនម្ចាស់ដើមដែលធ្លាប់ប្រើប្រាស់ឡានទាំងនេះ
ប្រាប់ប្រវត្តិឡានធ្លាប់ជួបគ្រោះថ្នាក់ និងបង្ហាញពីរូបភាពដើម
ដឹងពីប្រវត្តិឡានធ្លាប់ប្រើប្រាស់ រត់តាក់ស៊ី ដាក់ជួល និងរយៈចម្ងាយធ្លាប់ប្រើប្រាស់
ដឹងច្បាស់ពីប្រភពនាំចូល ប្រទេសធ្លាប់ប្រើប្រាស់ មើលគុណភាពឡានបាតក្រោម ច្រេះ ឬពុក
បង្ហាញពីប្រវត្តិឡានធ្លាប់លិចទឹក ឆេះ ឬមួយចោរលួច
បង្ហាញពីប្រវត្តិឡាននេះធ្លាប់រើម៉ាស៊ីន និងមានបញ្ហាផ្សេងៗ
អាចឆែកកូដពណ៌ឡាន ដើម្បីមើលដឹងថាត្រូវបានប្ដូរពណ៌ថ្មីឬអត់
ដឹងពីការបរិច្ឆេទនាំថ្ងៃដែលចូលមកកម្ពុជាដំបូង។

លោកបញ្ជាក់ថា ការឆែកនេះបាន ទាល់តែក្រុមហ៊ុនដែលទទួលសេវាឆែកឡានបានទិញសិទ្ធិពេញលេញ ទើបអាចទុកចិត្តបាន ដើម្បីទទួលបានព័ត៌មានត្រឹមត្រូវ។

ចំពោះតម្លៃសេវានៃការឆែក ម្ចាស់ឡានត្រូវចំណាយប្រមាណជា ៦ដុល្លារសម្រាប់របារាយណ៍ការ និង ៥ ដុល្លារ បន្ថែមទៀតសម្រាប់រូបភាពប្រវត្តិឡាន៕

អត្ថបទបន្ត៖

អត្ថបទ៖ ម៉េងងី