- 2020-06-25 07:36:04
- ចំណេះដឹង
តារា TikTok ល្បីៗ មានរកលុយពី TikTok បានអត់?
- 2020-06-25 07:36:04
- ចំនួនមតិ 0 | ចំនួនចែករំលែក 0
តារា TikTok ល្បីៗ មានរកលុយពី TikTok បានអត់?
ចន្លោះមិនឃើញ
បណ្ដាញសង្គមបែបវីដេអូ TikTok កំពុងទទួលបានការពេញនិយមខ្លាំងក្នុងបណ្ដាប្រទេសជាច្រើនលើពិភពលោក។ មានគណនី TikTok ខ្លះមានអ្នកចុច Follow ដល់រាប់សិបលាននាក់ ដែលនាំឲ្យកើតមានជាសំនួរចោទសួរថា គណនីល្បីៗទាំងនោះអាចរកចំណូលពី TikTok ដូចជា YouTube ដែរឬយ៉ាងណា?
តាមពិតមិនដូច្នោះឡើយ។ នាពេលបច្ចុប្បន្ននេះមិនទាន់មានវិធីក្នុងការស្វែងរកប្រាក់កម្រៃពី TikTok ផ្ទាល់នៅឡើយទេ ដោយសារកម្មវិធី TikTok មិនបានផ្ដល់ប្រាក់កម្រៃ ឬ ភាគលាភដល់គណនីល្បីៗនោះទេ។
បុគ្គលល្បីៗភាគច្រើនលើ TikTok បានប្រើប្រាស់នូវចំនួនអ្នកគាំទ្រច្រើនសន្ធឹករបស់ខ្លួន និងបានអូសទាញពួកគេទៅកាន់ទំព័រ YouTube, Instagram, Snapchat ឬ Twitter របស់ខ្លួន។ នៅពេលដែលអ្នកគាំទ្រលើ TikTok ចាប់ផ្ដើមតាមដានទំព័របណ្ដាញសង្គមផ្សេងទៀតរបស់តារា TikTok នោះកាន់តែច្រើន នោះឱកាសដែលគេទទួលបានការ Sponsor (ការឧបត្ថម្ភ) មានកាន់តែខ្ពស់ ដោយសារកេរ្តិ៍ឈ្មោះកាន់តែល្បីល្បាញ។
កាលពីឆ្នាំ ២០១៩ Loren Gray ដែលជាបុគ្គលល្បីម្នាក់លើ TikTok ត្រូវបានគេប៉ាន់ស្មានថាមានទ្រព្យសម្បត្តិប្រមាណ ៣០ម៉ឺនដុល្លារ ដែលបានពីការជួលឲ្យផ្សព្វផ្សាយលើ Instagram និងគណនី YouTube របស់នាង ពេលដែលនាងមានវ័យត្រឹម ១៧ឆ្នាំប៉ុណ្ណោះ។ បច្ចុប្បន្ននេះគណនី TikTok របស់នាងមានអ្នកចុច Follow ជាង ៤០លាននាក់, គណនី Instagram មាន ១៩លាននាក់ និង YouTube មានជាង ៣ លាន Subscriber ហើយគិតត្រឹមខែមិថុនានេះនាងមានទ្រព្យសម្បត្តិប៉ាន់ស្មានប្រមាណ ៣លានដុល្លារ៕