គណនី YouTube ល្បីៗ ដែលម្ចាស់លែងនៅលើលោកនេះ

2020-06-10 08:15:19
ចំណេះដឹង

2020-06-10 08:15:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាងក្រោមនេះគឺជាគណនី YouTube ល្បីៗចំនួន ១០ (រាប់បញ្ចូលតែគណនីដែលលែងមានបង្ហោះវីដេអូថ្មី) ដែលម្ចាស់គណនីបានលាចាកលោកទៅ បន្សល់ទុកនូវត្រឹមគណនី និងវីដេអូ ជាការចងចាំសម្រាប់អ្នកគាំទ្ររបស់ពួកគេ។

១. Talking Kitty Cat ៖ មាន ២,៥៥លាន Subscriber

គណនីនេះបង្កើតឡើងដោយ Steve Cash ដែលរូបគេជាតន្ត្រីករ និងជាអ្នកស្រឡាញ់សត្វម្នាក់។ គណនីនេះបានដំណើរការតាំងពីខែធ្នូ ឆ្នាំ ២០០៧ ដែលអាចរកចំនួនទស្សនាសរុបបាន ៨០៦លានដង។ ម្ចាស់គណនីបានបញ្ចប់ជីវិតនៅផ្ទះរបស់ខ្លួន នាថ្ងៃទី ១៦ ខែមេសា ក្នុងអាយុ ៤០ឆ្នាំ។

២. taliajoy18 ៖ មាន ១,៤៤លាន Subscriber

គណនីនេះគឺបង្កើតឡើងដោយក្មេងស្រីឈ្មោះ Talia Castellano ដែលភាគច្រើនមានបង្ហាញអំពីវិធីសាស្ត្រក្នុងការផាត់មុខ ដែលបានបង្កើតឡើងនាខែកក្កដា ឆ្នាំ ២០១១ និងមានចំនួនទស្សនាសរុប ៩៥លានដង។ ជំងឺមហារីកបានឆក់យកជីវិតក្មេងស្រីនេះ នៅខែកក្កដា ឆ្នាំ ២០១៣ ពេលមានវ័យទើប ១៣ឆ្នាំ។

៣. Verne Troyer ៖ មាន ១,១៥លាន Subscriber

វាគឺជាគណនីរបស់តារាសម្ដែង និងតារាកំប្លែងសញ្ជាតិអាមេរិក មានបង្ហាញអំពីវីដេអូ Vlog ជីវិតប្រចាំថ្ងៃ និងវីដេអូកម្សាន្តផ្សេងៗទៀតជាមួយ YouTuber ដទៃ។ គណនីនេះបង្កើតឡើងនាខែមេសា ឆ្នាំ ២០១៥ ដែលមានចំនួនទស្សនាសរុប ១៤៧លានដង។ នៅវ័យ ៤៩ឆ្នាំ លោក Verne Troyer បានសម្រេចចិត្តធ្វើអត្តឃាតដោយហូបស្រាពុល។

៤. hussen upsecale ៖ មាន ១,០៣ លាន Subscriber

គណនីនេះបង្កើតដោយបុរសឈ្មោះ Hussein Hamed កាលពីខែមេសា ឆ្នាំ ២០១៦ ដែលអាចប្រមូលចំនួនទស្សនាបានសរុប ១៥៩លានដង។ ផ្អែកតាមវិបសាយ Fandom បានឲ្យដឹងម្ចាស់គណនីបានបាត់បង់ជីវិតដោយសារគ្រោះថ្នាក់ចរាចរណ៍ ហើយមិនឃើញមានព័ត៌មានលម្អិតបន្ថែមលើសពីនេះឡើយ។

៥. Brian Rickard ៖ មាន ៨៨ម៉ឺន Subscriber

គណនីដែលបង្ហាញអំពីការលេងហ្គេមនេះបង្កើតឡើងដោយ Brian Rickard នាឆ្នាំ ២០០៧ ដែលពេលនេះមានចំនួនទស្សនាសរុប ២១៥លានដង។ ម្ចាស់គណនីបានបាត់ជីវិតពេលមានវ័យទើប ៣០ឆ្នាំ ដោយសារចង់រត់ឆ្លងកាត់ផ្លូវដែលរថភ្លើងបរសំដៅមក ប៉ុន្តែមិនបានសម្រេច៕

ប្រភព៖ Fandom ប្រែសម្រួល៖ សុខហេង