Mark Zuckerberg ជាសេដ្ឋីពិតមែន តែកុំគិតថាជីវិតលោកហ៊ឺហាដូចអ្នកគិតឲ្យសោះ

2020-06-04 08:16:38
ចំណេះដឹង

2020-06-04 08:16:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបវ័យ ៣៦ ឆ្នាំ Mark Zuckerberg ជាស្ថាបនិកជោគជ័យមួយរូប ក្នុងការបង្កើតបណ្ដាញសង្គមយក្ស Facebook។ បើនិយាយពីទម្លាប់រស់នៅប្រចាំថ្ងៃបុរសសេដ្ឋីសញ្ជាតិអាមេរិករូបនេះ ក៏មិនខុសមនុស្សសាមញ្ញឯទៀតដែរ។

ថ្លែងក្នុងកម្មវិធី Facebook Live Q&A លោក Mark ប្រាប់ថា លោករមែងងើបម៉ោង ៨ ព្រឹក ហើយឆ្លៀតឆែកមើល Facebook, Messenger និង WhatsApp លើទូរសព្ទជាទៀងទាត់។

ក្រោយឆែករឿងរ៉ាវមួយចំនួនចប់រួចរាល់ លោកឆ្លៀតចេញទៅខាងក្រៅហាត់ប្រាណយ៉ាងតិច ៣ ដងក្នុងមួយសប្តាហ៍។

ពេលខ្លះលោកច្រើនយកកូនឆ្កែ Beast ទៅជាមួយ ដោយមេធំខាងបច្ចេកវិទ្យាគិតថាការធ្វើបែបនេះ ជំរុញឲ្យមានអារម្មណ៍សប្បាយរីករាយបំផុត។

ក្រោយហាត់ប្រាណចប់ Mark មិនខ្វល់ច្រើនទេរឿងអាហារពេលព្រឹក មានអីហូបហ្នឹងតែម្តង (ទម្លាប់មិនចូលចិត្តចំណាយពេលច្រើន លើការសម្រេចចិត្តតូចតាច)។

Mark មានទម្លាប់ប្រើសំលៀកបំពាក់ដដែលរាល់ថ្ងៃ ដោយឈុតធ្វើការរបស់ Zuckerberg មានខោខោវប៊យ, ស្បែកជើងប៉ាតា អមអាវដៃខ្លីពណ៌ប្រផេះ។ ឆ្លើយឆ្លងជុំវិញរឿងនេះកាលឆ្នាំ ២០១៤ Zuckerberg ប្រាប់ទៅមហាជន "ខ្ញុំចង់ឲ្យជីវិតមួយនេះមានការសម្រេចចិត្តតិចបំផុត តាមដែលអាចធ្វើទៅបាន"។

Mark ធ្វើការប្រហែល ៥០ ទៅ ៦០ ម៉ោងក្នុងមួយសប្តាហ៍នៅ Facebook។ លោកថ្លែងយ៉ាងដូច្នេះ “ខ្ញុំចំណាយពេលច្រើនបំផុតដើម្បីរកមធ្យោបាយភ្ជាប់ពិភពលោក ឲ្យមានទំនាក់ទំនងកាន់តែប្រសើរឡើង ប៉ុន្តែភាគច្រើនមិនស្ថិតក្នុងពេលបម្រើការនៅការិយាល័យ ឬអង្គប្រជុំនោះទេ"។