- 2020-03-02 01:08:52
- គន្លឹះ
អ្នកជួបបញ្ហា Messenger អត់ដើរ! នេះជាមូលហេតុ និងដំណោះស្រាយ
- 2020-03-02 01:08:52
- ចំនួនមតិ 0 | ចំនួនចែករំលែក 0
អ្នកជួបបញ្ហា Messenger អត់ដើរ! នេះជាមូលហេតុ និងដំណោះស្រាយ
ចន្លោះមិនឃើញ
ការប្រើប្រាស់ប្រព័ន្ធបណ្តាញសង្គមដូចជា Facebook និង Messenger មានភាពទូលំទូលាយណាស់នាពេលបច្ចុប្បន្ន ដូច្នេះលោកអ្នកប្រើប្រាស់ខ្លះប្រហែលជាបានដឹងហើយថា ប្រព័ន្ធបណ្តាញសង្គមទាំងពីរនេះ ជាពិសេសប្រព័ន្ធបណ្តាញសង្គម Messenger មានភាពរអាក់រអួលខ្លះៗ ក្នុងពេលប៉ុន្មានថ្ងៃចុងក្រោយនេះ ដូចជា ការផ្ញើសារមិនចូល ឬកម្មវិធីត្រូវបានបិទដោយស្វ័យប្រវត្តិជាដើម។
ដើម្បីដោះស្រាយបញ្ហានេះ លោកអ្នកគ្រាន់តែលុបកម្មវិធីចាស់ចោល ហើយដំឡើងកម្មវិធីនោះឡើងវិញជាការស្រេច ប៉ុន្តែមានអ្នកខ្លះប្រហែលជាពុំបានដឹងទេ ពីបញ្ហាដែលនាំឲ្យមានភាពរអាក់រអួលនេះផងដែរ។
ភាពរអាក់រអួលជាមួយកម្មវិធីទាំងពីរនេះ គឺដោយសារក្រុមហ៊ុនហ្វេសប៊ុកបានកំពុងធ្វើបច្ចុប្បន្នភាព (Update System) លើកម្មវិធីនេះមានដូចជា៖
កម្មវិធី Facebook៖ ការបង្កើតរូបភាព 3D មិនចាំបាច់ប្រើរូបភាពប្រភេទ Portrait ទៀតទេ ដោយក្រុមហ៊ុនបានប្រើបច្ចេកវិទ្យា Artificial Intelligent (AI) ដើម្បីទាញយកផ្ទៃខាងមុខ និងផ្ទៃខាងក្រោយរបស់រូបភាពក្នុងការបង្កើតរូបភាព 3D វិញ។
កម្មវិធី Messenger៖ ដើម្បីធ្វើឲ្យកម្មវិធីប្រើបានកាន់តែលឿន ហើយថែមទាំងមានភាពងាយស្រួល ក្នុងការប្រើកម្មវិធីទៀតនោះ ក្រុមហ៊ុនបានលុបចោលមុខងារ Discover ប៉ុន្តែប្រសិនបើលោកអ្នកចង់ប្រើមុខងារផ្សេងទៀត ដូចជា Bots និង Games លោកអ្នកអាចប្រើបានតាមរយៈមុខងារស្វែងរក (Search) វិញ៕
ប្រភព ៖ នាយកដ្ឋានប្រឆាំងបទល្មើសបច្ចេកវិទ្យា