- 2019-11-14 09:36:08
- គន្លឹះ
មុខងារលើ Facebook ចំនួន ៧ អ្នកប្រើប្រាស់យូរឆ្នាំក៏អាចមិនដឹងអស់
- 2019-11-14 09:36:08
- ចំនួនមតិ 0 | ចំនួនចែករំលែក 0
មុខងារលើ Facebook ចំនួន ៧ អ្នកប្រើប្រាស់យូរឆ្នាំក៏អាចមិនដឹងអស់
ចន្លោះមិនឃើញ
នៅលើ Facebook មានមុខងារពិសេសជាច្រើន ហើយអ្នកប្រើប្រាស់យូរឆ្នាំក៏មិនប្រាកដថាដឹងសព្វដែរ។ កុំរង់ចាំយូរ តាមដានដូចតទៅនេះ អំពីមុខងារបង្កប់ពិសេសៗមួយចំនួនលើ Facebook ៖
១. ប្រអប់ Inbox ដែលអ្នកមិនដឹងថា
ប្រសិនបើអ្នកលេង Facebook យូរឆ្នាំដែរហើយនោះ អ្នកប្រហែលជាមានទីតាំងមួយពោរពេញដោយសារដែលអ្នកមិនបានអាន ដែលអ្នកមិនទាំងដឹងថាមានវា នោះគឺ "Message Requests”។ វាជាទីតាំងដែល Facebook រក្សាទុកសារដែលអ្នកដទៃ (មិនមែនជា Friends នឹងគ្នា) ផ្ញើមកកាន់អ្នក។
ដើម្បីពិនិត្យសារទាំងនេះ ចុចនៅលើសញ្ញា "Messenger” នៅលើ Home Screen នោលើ Browser។ នោះអ្នកនឹងឃើញ "Message Requests” នៅខាងស្ដាំ "Recent” ក្រោយមកចុចលើ "see filtered messages” ដើម្បីមើលសារទាំងនោះ។
ចំណែកនៅលើទូរសព្ទវិញ ចូលទៅកម្មវិធី Messenger រួចចុចលើ Tab កណ្ដាលគេដែលមានឈ្មោះថា "People” ។ បន្ទាប់មកនៅផ្នែកលើខាងស្ដាំ ចុចលើសញ្ញាសារ ដើម្បីពិនិត្យមើល "Message Requests”។
២.មើលនូវ Friends Request ដែលអ្នកបានផ្ញើចេញ
នៅលើ Browser អ្នកអាចចុចលើសញ្ញា "Friend Requests” ដែលនៅក្បែរសញ្ញា "Messenger”។ ពេលចុចរួច នៅផ្នែកក្រោមគេមានពាក្យថា "See All” ចុចលើពាក្យនេះ។ បន្ទាប់មកចុចលើពាក្យថា "View Sent Requests” នៅពីក្រោមពាក្យ "Respond to Your...Friend Requests” ដើម្បីពិនិត្យមើលគណនីដែលអ្នកបាន Add Friend ទៅ ប៉ុន្តែមិនទាន់ Confirm។
៣. ដាក់មិត្តភក្តិចូលក្នុងបញ្ជី Restrict
ពេលអ្នកបង្ហោះអ្វីមួយនៅលើគណនី មិត្ត (Friends) សុទ្ធតែអាចមើលឃើញ ប៉ុន្តែបើសិនជាចង់មិនឲ្យ មិត្តណាម្នាក់ឃើញការបង្ហោះរបស់អ្នក អ្នកអាចបញ្ចូលគេទៅក្នុង Restrict List។ ដំបូងគឺចូលទៅគណនីមិត្តដែលអ្នកចង់ Restrict។ រួចចុចលើពាក្យ “Friends” និងចុចយក "Add to Another List” បន្ទាប់មកស្វែងរកពាក្យ "Restricted” ។ នៅពេលចុចលើ Restricted អ្នកនឹងឃើញលោតសារថា មិត្តម្នាក់នោះនឹងលែងឃើញអ្វីដែលអ្នកបង្ហោះ លុះត្រាតែអ្នកកំណត់ការបង្ហោះជា Public។
៤. ទាញយកព័ត៌មានលើ Facebook របស់អ្នកទាំងអស់
ក្នុងករណីដែលចង់លុបគណនី Facebook ប៉ុន្តែចង់រក្សាទុកទិន្នន័យគ្រប់យ៉ាងអំពីគណនីរបស់អ្នក អ្នកអាចទាញយកវាមករក្សាទុកបាន ដោយចូលទៅ Settings → Your Facebook Information រួចចុចលើ "Download Your Information” ។
៥. បិទមុខងារ Autoplay ដែលចាក់វីដេអូដោយស្វ័យប្រវត្តិ
ចង់បិទកុំឲ្យវីដេអូចាក់ដោយស្វ័យប្រវត្តិនៅពេលអូសលើ News Feed អ្នកអាចចូលទៅ Settings → Videos និងកំណត់ Off នៅត្រង់ “Auto-Play Videos” ។ ចំពោះលើទូរសព្ទចូលទៅកាន់ Settings រួចអូសចុះក្រោមស្វែងរកទីតាំង "Media and Contacts” រួចចុចលើ “Videos and Photos” ហើយរើសយក "Never Autoplay Videos” ។
៦. បិទកុំឲ្យលោត Notification នាថ្ងៃកំណើត
Facebook នឹងលោតសាររៀងរាល់ពេលដែលដល់ថ្ងៃកំណើតមិត្តក្នុង Facebook របស់អ្នក។ ប្រសិនមិនចូលចិត្តអ្នកអាចបិទវា ដោយចូលទៅ Settings → Notification → Notification Settings → Birthdays រួចកំណត់តាមការចង់បានរបស់អ្នក៕
ចុចអាន ៖ ស្រាយចម្ងល់! ហេតុអ្វីប៊ូតុងចុចលេខទូរសព្ទ បញ្ច្រាសពីម៉ាស៊ីនគិតលេខ?