- 2019-06-05 08:53:41
- ចំណេះដឹង
តោះ! មកដឹងពីផ្លាកលេខយានយន្តដែលមានអក្សរ "CMD, CD, ONU, OI, ONG1 និង ONG2"
- 2019-06-05 08:53:41
- ចំនួនមតិ 0 | ចំនួនចែករំលែក 0
តោះ! មកដឹងពីផ្លាកលេខយានយន្តដែលមានអក្សរ "CMD, CD, ONU, OI, ONG1 និង ONG2"
ចន្លោះមិនឃើញ
Sabay សូមលើកយកមកបង្ហាញអំពីផ្លាកលេខសម្គាល់យានជំនិះប្រភេទទី៧ សម្រាប់យានជំនិះរបស់ស្ថានទូត អង្គការសហប្រជាជាតិ អង្គការអន្តរជាតិ និងអង្គការមិនមែនរដ្ឋាភិបាល ដែលដកស្រង់ចេញពីអនុក្រឹត្យរបស់រាជរដ្ឋាភិបាលកម្ពុជា ស្តីពី «ការចុះបញ្ជីផ្តល់បណ្ណសម្គាល់យានជំនិះ និងបំពាក់ផ្លាកលេខសម្គាល់យានជំនិះ» ចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី៣ ខែមិថុនា ឆ្នាំ២០១៩។
១. ស្ថានទូត
-ផ្លាកលេខសម្រាប់យានជំនិះដែលប្រើប្រាស់ដោយឯកអគ្គរាជទូត ឬឯកអគ្គរដ្ឋទូតដែលនៅចំកណ្តាលសរសេរអក្សរឡាតាំង «CMD» លេខ២ខ្ទង់បន្ទាប់សម្គាល់ស្ថានទូត ឬកុងស៊ុលនៃប្រទេសនីមួយៗ និងលេខ «1» សម្គាល់ឯកអគ្គរាជទូត ឬឯកអគ្គរដ្ឋទូត។
-ផ្លាកលេខសម្រាប់យានជំនិះដែលប្រើប្រាស់ដោយបុគ្គលិកការទូត ដែលផ្នែកខាងលើសរសេរអក្សរឡាតាំង «CD» និងលេខ២ខ្ទង់បន្ទាប់ សម្គាល់ស្ថានទូត ឬកុងស៊ុលនៃប្រទេសនីមួយៗ ផ្នែកខាងក្រោមជាលេខកូដយានជំនិះ និងលេខចុះបញ្ជីមានបីខ្ទង់។
២. អង្គការសហប្រជាជាតិ៖
-ផ្លាកលេខសម្រាប់យានជំនិះដែលប្រើប្រាស់ ដោយប្រធានបេសកកម្មអង្គការសហប្រជាជាតិ ដែលនៅចំកណ្តាលសរសេរអក្សរឡាតាំង «ONU» លេខពីរខ្ទង់បន្ទាប់ សម្គាល់ស្ថានតំណាងនៃសកម្មភាពការងារ និងលេខ «1» សម្គាល់ប្រធានបេសកកម្មអង្គការសហប្រជាជាតិ។
-ផ្លាកលេខសម្រាប់យានជំនិះដែលប្រើប្រាស់ដោយបុគ្គលិកអង្គការសហប្រជាជាតិ ដែលផ្នែកខាងលើសរសេរអក្សរឡាតាំង «ONU» និងលេខពីរខ្ទង់បន្ទាប់សម្គាល់ស្ថានតំណាងនៃសកម្មភាពការងារ ផ្នែកខាងក្រោមជាលេខកូដយានជំនិះ និងលេខចុះបញ្ជីមានបីខ្ទង់។
៣. អង្គការអន្តរជាតិ និងអង្គការមិនមែនរដ្ឋាភិបាល
-ផ្លាកលេខសម្រាប់យានជំនិះ ដែលប្រើប្រាស់ដោយអង្គការអន្តរជាតិ ដែលផ្នែកខាងលើសរសេរអក្សរឡាតាំង «OI» និងផ្នែកខាងក្រោមជាលេខកូដយានជំនិះ និងលេខចុះបញ្ជីមានបួនខ្ទង់។
-ផ្លាកលេខសម្រាប់យានជំនិះ ដែលប្រើប្រាស់ដោយអង្គការមិនមែនរដ្ឋាភិបាលបរទេសដែលផ្នែកខាងលើសរសេរអក្សរឡាតាំង «ONG1» និងផ្នែកខាងក្រោមជាលេខកូដយានជំនិះ និងលេខចុះបញ្ជីមានបួនខ្ទង់។
-ផ្លាកលេខសម្រាប់យានជំនិះ ដែលប្រើប្រាស់ដោយអង្គការមិនមែនរដ្ឋាភិបាលក្នុងស្រុក ដែលផ្នែកខាងលើសរសេរអក្សរឡាតាំង «ONG2» និងផ្នែកខាងក្រោមជាលេខកូដយានជំនិះ និងលេខចុះបញ្ជីមានបួនខ្ទង។
សូមបញ្ជាក់ថា ផ្លាកលេខសម្គាល់យានជំនិះប្រភេទនេះ ត្រូវបានចុះបញ្ជីផ្តល់បណ្ណ និងបំពាក់ផ្លាកលេខសម្គាល់យានជំនិះ ដោយមានលិខិតស្នើសុំពីក្រសួងការបរទេស និងសហប្រតិបត្តិការអន្តរជាតិ ឬពីក្រសួងមហាផ្ទៃ៕