- 2019-04-21 02:25:08
- គន្លឹះ
បញ្ហាសាមញ្ញ ៣ លើ iPhone អាចជួសជុលខ្លួនឯងបានមិនបាច់អស់លុយ
- 2019-04-21 02:25:08
- ចំនួនមតិ 0 | ចំនួនចែករំលែក 0
បញ្ហាសាមញ្ញ ៣ លើ iPhone អាចជួសជុលខ្លួនឯងបានមិនបាច់អស់លុយ
ចន្លោះមិនឃើញ
នៅពេលទូរសព្ទ iPhone ជួបបញ្ហាអ្នកប្រើប្រាស់ច្រើនតែយកទៅហាងជួសជុល ដែលនេះគឺត្រូវចំណាយលុយ។ ប៉ុន្តែមិនមែនគ្រប់បញ្ហាទាំងអស់សុទ្ធតែត្រូវទៅរកជាងនោះឡើយ ពោលមានបញ្ហាមួយចំនួនដែលអាចដោះស្រាយបានដោយខ្លួនឯង មិនចំណាយថវិកាសូម្បីមួយរៀល។
១. Touch ID
ប្រសិនបើ iPhone អ្នកមានបញ្ហាលើប៊ូតុង Home ដូចជារាងស្អិត ឬដំណើរការខុសប្រក្រតី អ្នកមិនចាំបាច់យកទៅជាងឡើយ។ ផ្ទុយទៅវិញគ្រាន់តែប្រើប្រាស់សំឡីត្បាល់ត្រចៀករួមជាមួយនឹងទឹកអាកុលបន្តិច នោះបញ្ហានឹងអាចដោះស្រាយបាន។ ចង់ដឹងច្បាស់ទស្សនាវីដេអូខាងក្រោម៖
២. សាកថ្មយឺត
ប្រសិនបើទូរសព្ទសាកថ្មយឺតកម្រពេញ អាចបណ្ដាលមកពីកម្ទេចដែលជាប់នៅផ្នែកកៀននៃរន្ធសាកថ្ម។ ចូរសាកល្បងប្រើប្រាស់របស់តូចស្រួចៗ ដូចជាឈើចាក់ធ្មេញដើម្បីឆ្កឹះកម្ទេចទាំងនោះចេញ។ រូបខាងក្រោមនេះជាកម្ទេចដែលឆ្កឹះចេញពីទូរសព្ទ iPhone។
៣. រន្ធបញ្ចេញសំឡេងពេលនិយាយទូរសព្ទស្ដាប់លឺសូរខ្សោយ វាអាចបណ្ដាលមកពីកម្ទេចដែលមានក្នុងរន្ធនោះដូចគ្នា។ អ្នកអាចសាកល្បងប្រើប្រាស់ជ័រលុបខ្មៅដៃអូសពីលើរន្ធបញ្ចេញសំឡេងនោះ ដើម្បីសម្អាតកម្ទេចកំទីចេញ៕
