វិធីងាយៗ ថតបែបព្រាលផ្ទៃខាងក្រោយលើ iPhone X ស្អាតដូចកាមេរ៉ាធំតម្លៃរាប់ពាន់

2018-08-21 07:25:00
ចំណេះដឹង

2018-08-21 07:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមត្ថភាពកាមេរ៉ាលើ iPhone X មិនអាចបដិសេធបានទេ ផលិតរូបចេញមកស្អាត អាចទទួលយកប្រើប្រាស់បាន។ Apple ធ្វើការបានយ៉ាងល្អ ផ្ដាច់ Subject ពីផ្ទៃខាងក្រោយ និងធ្វើឲ្យផ្ទៃខាងក្រោយព្រាល ពិតៗ មើលទៅដូចថតចេញពីកាមេរ៉ា DSLR។

#Portrait Mode លើ iPhone X ល្អ តែអាចសាកល្បងវិធីទាំងនេះ ដើម្បីឡើងមួយកម្រិតទៀត។

១) ធ្វើឲ្យផ្ទៃខាងក្រោយព្រាលជាមួយ Portrait Mode

បើកកាមេរ៉ា អូសប្រើ Portrait Mode ប្រាកដថាពេលថតនៅចម្ងាយពី Subject ប្រហែល ២ ទៅ ៨ ហ្វីត ហើយដរាបណាឃើញប្រអប់ Natural Light នៅខាងក្រោមភ្លឺ អាចចុចថតបាន។

តែដំបូង មុនពេលចុចថត ចំណាយពេលបន្តិច ពិនិត្យមើល Subject ប្រាកដថាមានពន្លឺគ្រប់គ្រាន់ ចាប់ត្រូវប្លង់ចង់បាន រួចចុចប៊ូតុងថត។

២) ប្រើ Magic Wand និងបំភ្លឺរូបភាពខ្វះពន្លឺ

មានកម្មវិធីកាត់តច្រើនលើ Apple App Store តែវិធីងាយស្រួលបំផុត កែប្រែរូបភាពគឺប្រើ Magic Wand។ ដោយជ្រើសរើសរូបភាព ចុចប៊ូតុង Edit នៅជ្រុងខាងស្ដាំ ហើយចុចលើ Wand icon នៅជ្រុងខាងស្ដាំ។ នេះនឹងជួយសម្រួលពណ៌រូបភាពបានល្អ។

ជាយោបល់ល្អ គួរបំភ្លឺផ្ទៃមុខ និងផ្ទៃខាងក្រោយមានសភាពងងឹត។ ដោយចុចលើ Adjustment Knob icon ហើយចុច Menu Light អាចជ្រើសរើស Settings នានា។

៣) សាកល្បងពណ៌ស ខ្មៅ

ពេលមានពណ៌ចម្រុះច្រើនក្នុងទិដ្ឋភាព មើលទៅមិនសូវទាក់ភ្នែកពេលខ្លះ អាចសាកប្រើពណ៌ស ខ្មៅជំនួសបាន។ ដោយជ្រើសរើស រូបភាព ចុចលើ Edit និងចូលទៅកាន់ ផ្នែក Black & White ពីក្នុងជម្រើស Adjustment Knob។

បើចង់ថតរូបលក្ខណៈ Portrait បានល្អ គួរប្រើស្មាតហ្វូនមាន Lens ពីរគ្រាប់ ដូចជា iPhone X, iPhone 8 Plus និង iPhone 7 Plus៕