មើល World Cup កុំចេះតែប្រើ Wi-Fi សាធារណៈ ប្រយ័ត្នជួបរឿងស៊យធំ

2018-06-29 01:55:12
ចំណេះដឹង

2018-06-29 01:55:12
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សរាប់លាននាក់ជុំវិញពិភពលោក បានប្រមូលផ្តុំគ្នាទៅគាំទ្រក្រុមជម្រើសជាតិរបស់ខ្លួនក្នុងប្រទេសរុស្ស៊ី ដែលជាម្ចាស់ផ្ទះសម្រាប់ព្រឹត្តិការណ៍ World Cup 2018។ សហព័ន្ធ FIFA បានខិតខំរៀបចំដំណើរការអ៊ីនធឺណិតនៅតំបន់នោះ ឲ្យងាយស្រួលប្រើប្រាស់ដល់អ្នកទស្សនា តាមរយៈការដំឡើងប្រព័ន្ធ Wi-Fi សាធារណៈប្រចាំតំបន់នីមួយៗ។

ប៉ុន្តែផ្អែកតាម Kasrpersky Lab បានប៉ាន់ប្រមាណថាមាន ២០ ភាគរយ នៃ Router ដែលបានដំឡើងនៅបរិវេណប្រកួតពុំមានសុវត្ថិភាពទាំងស្រុងឡើយ ពោលគឺប្រមាណ ៧ ១៧៦ នៃ ៣២ ០០០ គ្រឿង អាចបង្កផលប៉ះពាល់ ហើយដាស់តឿនឲ្យក្រុមអ្នកគាំទ្រប្រុងប្រយ័ត្នការបាត់បង់ទិន្នន័យក្នុងស្មាតហ្វូនអំឡុងពេលទស្សនា។

ប្រភពបន្តថា មាន ១១ ទីក្រុងដែលធ្វើជាម្ចាស់ផ្ទះសម្រាប់ការប្រកួត រួមមាន Saransk, Samara, Nizhny Novgorod, Kazan, Volgograd, Moscow, Ekaterinburg, Sochi, Rostov, Kaliningrad និង Saint Petersburg។ ប្រសិនបើអ្នកស្ថិតនៅតំបន់ទាំនោះ សូមអនុវត្តវិធីខាងក្រោមដើម្បីការពារឯកជនភាព:

ត្រូវភ្ជាប់ប្រើប្រាស់តាមរយៈ Virtual Private Network (VPN)
កុំទុកចិត្តលើប្រព័ន្ធ Wi-Fi ណាដែលពុំកំណត់ Password ឬងាយស្រួលក្នុងការទស្សន៍ទាយ
ជឿជាក់តែលើប្រព័ន្ធណា ដែលណែនាំពីបណ្តាបុគ្គលិកនៅតំបន់នោះ
កាត់បន្ថយផលប៉ះពាល់ សូមបិទ Wi-Fi អំឡុងពេលអ្នកមិនប្រើប្រាស់
ដាក់កំហិតលើការប្រើ ជៀសវាង Login ចូលបណ្តាញសង្គម ឬ Mail និងមិនត្រូវធ្វើប្រតិបត្តិការទូទាត់- ទំនិញតាម Online ណាមួយឡើយ
រមែងប្រើប្រាស់ប្រព័ន្ធតភ្ជាប់សុវត្ថិភាព HTTPS ដែលមានក្នុង Settings នៃឧបករណ៍

ប្រភព: https://www.thequint.com/tech-and-auto/tech-news/wifi-networks-at-fifa-world-cup-2018-potentially-unsafe