មានអាជ្ញាកណ្តាលដ៏សំខាន់មួយទៀត លើទីលានបាល់ទាត់ World Cup 2018

2018-06-15 02:57:17
ចំណេះដឹង

2018-06-15 02:57:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធបច្ចេកវិទ្យា VAR (Video Assistant Referee system) ត្រូវបានប្រើប្រាស់ជាលើកដំបូងសម្រាប់ព្រឹត្តិការណ៍ ប្រកួតបាល់ទាត់ពិភពលោក World Cup 2018 ជាជំនួយការអាជ្ញាកណ្តាលកាត់សេចក្តីលើទីលានប្រកួត។

VAR នឹងឃ្លាំមើលការប្រកួតនីមួយៗពេញលេញ ហើយបើឃើញមានអ្វីខុសប្រក្រតី នឹងឲ្យសញ្ញាទៅកាន់អាជ្ញាកណ្ដាលភ្លាមៗ។ មែនទែនទៅប្រព័ន្ធ VAR ត្រឹមជាអ្នកផ្ដល់ប្រឹក្សាយោបល់ រីឯការសម្រេចចិត្ត ស្ថិតលើអាជ្ញាកណ្ដាលលើទីលាន។

ពួកគេនឹងទទួលបានវីដេអូបន្តផ្ទាល់ពីទីលាន ដែលចាប់ប្លង់ទិដ្ឋភាពបញ្ជូនពីកាមេរ៉ា ក្នុងល្បឿនធម្មតា និង យឺតៗ ងាយស្រួលតាមដាន។

ការប្រើប្រាស់បច្ចេកវិទ្យា VAR មាន ៤ ករណី៖

ការកំណត់គ្រាប់បាល់៖ VAR នឹងពិិនិត្យបាល់ចេញឬចូល និងកំហុសឆ្គងដែលនាំឲ្យមានការស៊ុតបាល់បញ្ចូលទី។
ការផ្តល់បាល់ពិន័យ ១១ ម៉ែត្រ៖ ការផ្តល់បាល់ពិន័យ ១១ ម៉ែត្រ ត្រូវបានផ្តល់ដោយមិនលម្អៀង និងមិនមានកំហុសដោយចេតនា។
ការផ្តល់កាតក្រហម៖ នៅពេលអាជ្ញាកណ្តាលសម្រេចពិន័យកីឡាករណាមួយ VAR ត្រូវបានដើម្បីសម្រេច បើផ្អែកលើហេតុផលសមស្រប។
ការចាប់កំហុសច្រឡំ៖ VAR ក៏ប្រើឆែកមើលអ្នកបង្កកំហុសពិតប្រាកដ ក្រែងលោមានការចាប់ច្រឡំ។

ពេលណាបញ្ជាក់ថាអាជ្ញាកណ្ដាលកំពុងប្រើជំនួយពីប្រព័ន្ធ VAR អាជ្ញាកណ្ដាលទទួលបានសារមួយតាមរយៈកាសពាក់នឹងត្រចៀក បង្ហាញពីការសម្រេចចិត្តខ្លួន ត្រូវពិនិត្យឡើងវិញ ឬយ៉ាងណាពីប្រព័ន្ធ VAR។ ទស្សនិកជនប្រហែលមិនដឹងនោះទេពីដំណើរការនេះ ឬត្រឹមឃើញអាជ្ញាកណ្ដាលយកដៃប៉ះនឹងត្រចៀក។

មួយវិញទៀត ពេលអាជ្ញាកណ្ដាលប្រើដៃគូសជាសញ្ញាចតុកោណ បង្ហាញពីគំរូទូរទស្សន៍ បង្ហាញសញ្ញាទៅកាន់ក្រុមការងារ VAR ផ្ដល់ព័ត៌មានបន្ថែម។

កាន់តែច្បាស់មួយទៀត អាជ្ញាកណ្ដាលនឹងចេញក្រៅទីលាន ធ្វើជាសញ្ញាទូរទស្សន៍ ហើយនឹងអាចមើលវីដេអូសារឡើងវិញ ដែលបានបង្ហាញទៅកាន់ក្រុមការងារ VAR រួចធ្វើការពិភាក្សា និងធ្វើសេចក្ដីសម្រេចចិត្ត។

ប្រព័ន្ធនេះជួយកាត់បន្ថយការប្រកែកយកតែឈ្នះរបស់កីឡាករ និងបង្ការហានិភ័យ ក្រែងអាជ្ញាកណ្ដាល មានការស៊ីសំណូក ឈរលើក្រុមម្ខាងៗ៕