ចំណេះដឹងបន្ថែមលើ Lens FE 50mm f/1.8 របស់ក្រុមហ៊ុន Sony

2018-01-28 03:30:00
គន្លឹះ

2018-01-28 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្តាលកាមេរ៉ាស៊េរី Alpha 7 ប្រភេទ Full-frame CSC (Compact System Camera) មានភាពជោគជ័យច្រើនសម្រាប់ក្រុមហ៊ុន Sony។ កាមេរ៉ាប្រភេទនេះផលិតគុណភាពល្អ ទំហំតូចល្មម ងាយស្រួលយកតាមខ្លួន បើប្រៀបនឹងកាមេរ៉ា DSLR ប្រភេទ Full-frame។

ក្រុមហ៊ុន Sony បានបន្តខិតខំប្រឹងប្រែងដោយផ្ដោតលើ Lens FE ប្រភេទ Full-frame ពីរឆ្នាំកន្លងមក ហើយពង្រឹងសមត្ថភាពទាំងប្រព័ន្ធ APS-C E-mount និង Alpha-mount។

វត្តមាន Lens ប្រភេទ Full-frame FE 50mm f/1.8 របស់ក្រុមហ៊ុនមានតម្លៃសមរម្យ ហើយ Focal length មានលក្ខណៈស្រដៀងនឹងជំនាន់អ្នកប្រើប្រាស់សម្រាប់ថតភាពយន្ត។ អស់ពេលជាច្រើនឆ្នាំ Lens 50mm f/1.8 ប្រើជាមួយ SLR ស្តង់ដារ 35mm ដោយផលិតបានរូបភាពមានគុណភាពល្អ និងអាចប្រើ Aperture ធំ ងាយស្រួលថតពេលយប់។

បច្ចុប្បន្ន មុខងារពង្រីកទិដ្ឋភាពគុណភាពខ្ពស់, ទប់លំនឹងលើតួកាមេរ៉ាពេលថត និង ISO ជាក្តីស្រមៃរបស់អ្នកថតវីដេអូ ដូច្នេះការទាក់ទាញពី Prime Lens 50mm មិនសូវជាមើលឃើញច្បាស់នោះទេ។ យ៉ាងណាមិញ មិនមានន័យថាគ្មានគុណសម្បត្តិសោះនោះដែរ។

មុខងារ

Lens FE 50mm f/1.8 មានចន្លោះទំនេរជាច្រើនរវាងផ្នែកភ្ជាប់ (Mount) និងផ្នែកខាងក្រោយ ដោយក្រុមហ៊ុន Sony បង្កើតជំនាន់នេះសម្របទៅនឹង Lens SLR។

Lens អាចប្រើលើកាមេរ៉ា E-mount APS-C របស់ Sony ដូចជា Alpha 6300 ដែលមានមុំទិដ្ឋភាពសមមូលនឹង 75mm សម្រាប់រូបភាពមនុស្ស។ យ៉ាងណាមិញ Lens APS-C E 50mm f/1.8 OSS របស់ Sony មិនមានមុខងារទប់លំនឹងកែវ Lens នោះទេ ដែលធ្វើឲ្យ FE lens លេចធ្លោបន្តិច។

ដូចដឹងស្រាប់ កាមេរ៉ាជំនាន់ទីពីរ Alpha 7 មានមុខងារទប់លំនឹងស្រាប់លើតួកាមេរ៉ាតែម្តង។

ការរចនា

Lens មានទម្ងន់ ១៨៦ក្រាម ដោយផលិតពីប្លាស្ទិក ឬជ័រភាគច្រើន។ នៅរង្វង់កន្លែងប្តូរ Focus មានប្រើនូវប្លាស្ទិកពីលើ ខណៈកន្លែងភ្ជាប់នឹងតួជាលោហៈ។

Lens មានទំហំតូចជាង Lens FE zooms របស់ Sony ហើយពេលប្រើលើតួ Alpha 7 មើលទៅសាមញ្ញ។ យ៉ាងណាមិញ ក៏មិនតូចដល់ Lens FE 35mm f/2.8 និង FE 28mm f/2 Prime របស់ Sony ដែរ ដោយប្រើកែវរចនាសម្រាប់ចម្ងាយរង្វង់ខ្លីនៃ E-mount។

សមត្ថភាពFocus

Lens ប្រភេទនេះមានចម្ងាយ Focus ជិត ឬតិចបំផុត ០.៤៥ម៉ែត្រ ហើយនៅពីមុខ Lens ពង្រីកថែមស្ទើរតែ ១សង់ទីម៉ែត្រ ពីទីតាំងណាមួយ។ លក្ខណៈបែបនេះ មិនជាបញ្ហាសម្រាប់មុខងារ Manual Focus នោះទេ តែ Autofocus (AF) អាចមានបញ្ហា។

សូម្បីតែពេលប្រើលើ Alpha 7R II ដោយមានមុខងារចាប់ផ្ទៃមុខ Autofocus នៅតែដំណើរការយឺត។ Lens មានការកំណត់ Focus យឺតយ៉ាវ ដោយសារ Focus motor (បង្វែរចាប់អ្វីមួយ) ត្រូវធ្វើចលនាកែវច្រើនជុំវិញ យ៉ាងហោចណាស់ក៏រង់ចាំ ២ វិនាទីទម្រាំ Focus ត្រឹមត្រូវ ពេលបែរចេញ។

ពេលអ្នកថតរូប Subject នៅស្ងៀម មិនបង្កផលប៉ះពាល់ដល់រូបភាពខ្លាំងនោះទេ ហើយការ Focus ក៏មានភាពត្រឹមត្រូវខ្ពស់ដែរ ពេលប្រើ AF ដោយដាក់លើទិដ្ឋភាពមានធាតុខុសគ្នាខ្លាំង។ ថ្មីៗ Lens EF 50mm f/1.8 STM របស់ Canon ក៏ប្រើបច្ចេកវិទ្យាស្រដៀងគ្នាដែរ តែមានលក្ខណៈលឿនជាងបន្តិច។

អ្នកអាចធ្វើការ Focus លើ Subject ខ្លួនឯងដោយបង្វិលរង្វង់លើ Lens កំណត់ភាពត្រឹមត្រូវមួយ នោះលទ្ធផលអាចប្រសើរច្រើន។

គុណភាពរូបភាព

សមត្ថភាព Focus របស់ Lens FE 50mm f/1.8 ប្រហែលជាធ្វើអ្នកខកបំណង តែគុណភាពកែវជារឿងផ្សេង។ រូបភាពបង្កើតមកមានគុណភាពល្អ សមនឹងតម្លៃ។

ពេលអ្នកថតប្រើ Aperture ធំ អាចកើតមានតំបន់ក្រៅ Focus ក្នុង Frame អាចធ្វើឲ្យខូចរូបភាព ហើយពិបាកក្នុងការលុប និងកែតម្រូវពេលកាត់ត។

ជារួម Lens FE 50mm f/1.8 អាចផ្តល់នូវរូបភាពល្អ អាចប្រើសម្រាប់ថតរូបលក្ខណៈ Portrait និង Street (រូបភាពតាមដងផ្លូវ)។ យ៉ាងណាមិញ Lens ទំនើបផ្សេងទៀតដូចជា Sony FE Planar T* 50mm f/1.4 ZA អាចផ្តល់លទ្ធផលកាន់តែប្រសើរ តែតម្លៃក៏ខ្ពស់ជាងដែរ។

វីដេអូណែនាំបន្ថែម៖