មុខងារ DPOF លើកាមេរ៉ាជួយអ្វីបានខ្លះ ពេលផ្ដិតរូបភាព?

2018-01-26 04:41:21
គន្លឹះ

2018-01-26 04:41:21
ចំនួនមតិ 0 | ចំនួនចែករំលែក 0

ចន្លោះមិនឃើញ

DPOF (Digital Print Order Format) ជាមុខងារមានស្រាប់លើកាមេរ៉ាមួយចំនួន ប្រើដើម្បីមានភាពងាយស្រួលផ្ដិតរូបភាពចំនួនច្រើន។

អ្នកអាចប្រើមុខងារនេះលើកាមេរ៉ា ដើម្បីជ្រើសរើសរូបភាព អ្នកចង់ផ្ដិត និងចំនួនចម្លងនៃរូបភាពនីមួយៗ។ ព័ត៌មានអ្នកកំណត់លើ File រូបភាពនីមួយៗរក្សាទុកក្នុងមេម៉ូរីកាត។

ពេលអ្នកភ្ជាប់កាតទៅនឹងម៉ាស៊ីន Printer ឬយកទៅហាងផ្ដិតរូបដែលអាចប្រើមុខងារនេះ ព័ត៌មាននឹងត្រូវបានត្រួតពិនិត្យ ហើយរូបភាពអ្នកចង់បាននឹងផ្ដិតដោយស្វ័យប្រវត្តិ។

ហេតុអ្វីអ្នកគួរប្រើ DPOF?

មានភាពងាយស្រួលផ្ដិតរូបភាព បើអ្នកមិនមាន PC ឬ Macintosh
ចំណេញពេលវេលា
ល្បឿនផ្ដិតរូបភាពលឿន ជាមួយ Printer អាចសម្គាល់ DPOF បាន

របៀបប្រើប្រាស់

ជាធម្មតា កាមេរ៉ាមានជម្រើសនេះ លើ Menu អាចឲ្យអ្នកកំណត់រូបភាពភ្ជាប់នឹងព័ត៌មាន DPOF។ ទាំងនេះជាប្រភេទព័ត៌មានភ្ជាប់នឹង File រូបភាពអ្នក លើកាមេរ៉ាមានមុខងារ DPOF៖

Print Control Information DPOF អាចកំណត់ចំនួនផ្ដិតរូប ទំហំ កាលបរិច្ឆេទ ចំណងជើង បញ្ចូលអក្សរ និងការតម្រឹម។
Equipment ឬ User Information ព័ត៌មានទាក់ទងនឹង Equipment មានដូចជាកាមេរ៉ា និងកាលបរិច្ឆេទ ហើយព័ត៌មានអ្នកប្រើប្រាស់ មានដូចជា ឈ្មោះ អាសយដ្ឋាន លេខទូរសព្ទ ត្រូវបានរក្សាទុក។

ដើម្បីផ្ដិតរូបភាពលើម៉ាស៊ីន HiTi Photo Printer ក្រោយអ្នកកំណត់ព័ត៌មានលើរូបភាព អ្នកចង់ផ្ដិត អ្នកអាចដោះកាតពីកាមេរ៉ា > ដាក់ចូលមេម៉ូរីកាត Slot នៅខាងមុខ Printer និងប្រើ Controller ជ្រើសរើស DPOF ពីជម្រើសទី ៨។

Controller នឹងប្រាប់អ្នកចំនួនរូបភាពបានកំណត់ជា DPOF > អ្នកចុចលើប៊ូតុង Print លើ Controller ហើយរូបភាពអ្នកនឹងផ្ដិតដោយស្វ័យប្រវត្តិ៕