- 2019-04-29 03:33:20
- ព័ត៌មាន
នេះអាចជាមូលហេតុ Huawei មានគំនិតច្នៃប្រឌិតខ្លាំង
- 2019-04-29 03:33:20
- ចំនួនមតិ 0 | ចំនួនចែករំលែក 0
នេះអាចជាមូលហេតុ Huawei មានគំនិតច្នៃប្រឌិតខ្លាំង
ចន្លោះមិនឃើញ
តួលេខរបស់ Bloomberg បានបង្ហាញថា នៅក្នុងឆ្នាំ ២០១៨ ក្រុមហ៊ុន Huawei បានចំណាយទឹកប្រាក់រហូតដល់ ១៥,៣ ពាន់លានដុល្លារលើផ្នែកស្រាវជ្រាវ និងអភិវឌ្ឍន៍ (R&D)។
ការចំណាយរបស់ Huawei គឺឈរនៅលំដាប់លេខ ៤ ក្នុងចំណោមក្រុមហ៊ុនបច្ចេកវិទ្យាធំៗដទៃ។ ក្រុមហ៊ុន Amazon ចំណាយ ២៨,៨ ពាន់លានដុល្លារ, ក្រុមហ៊ុន Alphabet ចំណាយ ២១,៤ ពាន់លានដុល្លារ, Samsung ចំណាយ ១៦,៧ ពាន់លានដុល្លារ ហើយ Apple ឈរនៅលេខ ៧ ចំណាយ ១៤,២ ពាន់លានដុល្លារ។
មើលពីជ្រុងមួយទៀតឃើញថា Huawei បានចំណាយចំនួន ១៤% នៃចំណូលសរុបប្រចាំឆ្នាំ ២០១៨ របស់ខ្លួនលើការស្រាវជ្រាវ នៅពីក្រោយតែក្រុមហ៊ុន Alphabet ដែលចំណាយ ១៦% នៃចំណូលរបស់ខ្លួន។ ចំណែក Samsung ចំណាយ ៨% ហើយ Apple ចំណាយ ៥% នៃចំណូលសរុបប្រចាំឆ្នាំ ២០១៨។
ជាងនេះទៅទៀតនោះ ការចំណាយលើផ្នែក R&D របស់ Huawei គឺមានការកើនឡើង ១៤៩% បើធៀបនឹងរយៈពេល ៥ ឆ្នាំមុន នៅពីក្រោយ Amazon ដែលការចំណាយមានការកើនឡើងដល់ ២១០%។ សម្រាប់ Apple មានការកើនឡើង ១៣៧% និង Samsung កើនឡើងត្រឹម ២៨% ប៉ុណ្ណោះ។
តួលេខមួយចំនួននេះ អាចជាការបកស្រាយថាហេតុអ្វីបានជា Huawei រំពឹងថាខ្លួននឹងក្លាយជាក្រុមហ៊ុនស្មាតហ្វូនធំជាងគេលើពិភពលោក នៅឆ្នាំ ២០២០ ខាងមុខនេះ។ កាលពីឆ្នាំ ២០១៨ ក្រុមហ៊ុននេះអាចបញ្ចេញលក់ស្មាតហ្វូនបានជាង ២០០ លានគ្រឿង ឈរនៅលំដាប់លេខ ៣ ពីក្រោយ Samsung និង Apple។
ការចំណាយទឹកប្រាក់មហាសាលលើការស្រាវជ្រាវនេះដែរ បានជួយឲ្យ Huawei មានបច្ចេកវិទ្យាច្នៃប្រឌិតប្លែកៗ រហូតធ្វើឲ្យក្រុមហ៊ុនដទៃធ្វើតាមទៀតផង។ ជាក់ស្ដែង P20 Pro គឺជាស្មាតហ្វូនដំបូងដែលមានកាមេរ៉ារហូតដល់ ៣ គ្រាប់ ហើយ Mate 20 Pro មានមុខងារ Reverse Wireless Charging ដែលអាចសាកថ្មឲ្យស្មាតហ្វូនដទៃបាន។ លើសពីនេះ Huawei ក៏បានណែនាំពណ៌ប្រភេទថ្មីលើស្មាតហ្វូន P20 កាលពីឆ្នាំមុន ដែលក្រោយមកមានក្រុមហ៊ុនជាច្រើនបានធ្វើតាម៕
ចុចអាន៖