អាចសាកមើលបាន ៤ តិចនិកកម្រមានអ្នកដឹងក្នុងកម្មវិធី Contact នៅលើ iPhone

2018-11-29 13:52:04
គន្លឹះ

2018-11-29 13:52:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Contact ក្រៅពីមានមុខងាររក្សាទុកបញ្ជីឈ្មោះលេខទូរសព្ទរបស់អ្នកប្រើប្រាស់ ទៀតសោតក៏ប្រមូលផ្តុំទៅដោយការប្រើប្រាស់ធំទូលាយច្រើនទៀត។ Sabay បង្ហាញតិចនិកសម្ងាត់ ៤ ក្បាច់អ្នកអាចទទួលប្រយោជន៍បានកាន់តែលើសលប់ពីកម្មវិធី Contact នៅលើទូរសព្ទ iPhone។

៤.ការបន្ថែម Nickname:

ឈ្មោះមិត្តភ័ក្ដិឬសាច់ញាតិខ្លះវែង អ្នកអាចបន្ថែមឈ្មោះហៅក្រៅបាននៅខាងក្រោម ដោយរក្សាឈ្មោះពេញដើមដដែល។

ចូលទៅកាន់ Contact > រើសយកបញ្ជីឈ្មោះណាមួយអ្នកចង់បន្ថែមឈ្មោះហៅក្រៅ
ចុចលើពាក្យ Edit
អូសមកក្រោមចុចលើ Add Field
រើសយក Nickname ណាមួយ ដែលលោតបង្ហាញជាការស្រេច។

៣.កំណត់ការបង្ហាញឈ្មោះវែងឬខ្លី:

ជួនកាលឈ្មោះនរណាម្នាក់វែងជ្រុល អ្នកអាចបង្ហាញត្រឹមឈ្មោះត្រកូលបាន ជាជាងការបង្ហាញឈ្មោះពេញ។ ចំណុចនេះអាចធ្វើបានដោយចូល:

Settings > រើសយក Contacts
មើលត្រង់ទីតាំង Short Name > ធ្វើការ Turn On ឬ Turn Off ទៅតាមចិត្តរបស់អ្នក។

២.ការកំណត់ឲ្យឃើញ Nicknames:

ត្រង់ទីតាំង Prefer Nicknames បើអ្នក Turn On នោះតាមរយៈការបង្ហាញលើ App ភាគច្រើន ដោយចូលទៅ:

Settings > រើសយក Contacts
ត្រង់ Short Name > មើលត្រង់ Short Name
ត្រូវប្រាកដថា Prefer Nicknames អ្នកបាន Turn On

១.បន្ថែម Relationship ទៅលើ Contact:

អ្នកអាចកំណត់ថាបញ្ជីឈ្មោះណាមួយជា បង ប្អូន ប្តីឬប្រពន្ធរបស់អ្នកបាន ងាយស្រួលក្នុងការបញ្ជាតាមរយៈ Siri (ឧទាហរណ៍៖ Call my husband)។ សារនេះអាចធ្វើបានរហ័សនិងងាយបំផុត ដោយត្រឹមប្រើប្រាស់ Siri។

និយាយថា Hey Siri ដើម្បីដំណើរការមុខងារជំនួយឌីជីថល ឬអាចចុចប៊ូតុង Home ឬ Power ឲ្យជាប់
ប្រាប់ Siri ដោយនិយាយថាឧទាហរណ៍៖ "Tim Cook is my manager” ប្រាកដថាអ្នកនិយាយឈ្មោះពេញនៃ Contact នោះ
Siri នឹងសួរអ្នកបញ្ជាក់ឲ្យអ្នកឆ្លើយ Yes ឬចុចលើទីតាំង Yes។