ប្រព័ន្ធកាមេរ៉ាហូតឡើងគួរឲ្យចាប់អារម្មណ៍ ប៉ុន្តែមានមតិលើកឡើងមិនសូវល្អនោះទេ

2018-10-31 01:21:23
ចំណេះដឹង

2018-10-31 01:21:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ Android ចាប់ផ្តើមប្រើដំណោះស្រាយកាមេរ៉ាហូតឡើងលើ ដើម្បីឆ្លើយតបនឹងមតិរិះគន់ជាច្រើនពីចំណុចក្បាលឆក ដូចជា Find X របស់ Oppo ជាដើម។ ថ្មីៗនេះ Mi Mix 3 របស់ Xiaomi មានអេក្រង់លាតពេញ អាចហូតឡើង ចុះ បង្ហាញកាមេរ៉ាមុខបាន។

បច្ចេកវិទ្យានេះ បានធ្វើឲ្យអេក្រង់ស្មាតហ្វូន លាតពេញពិតប្រាកដ។ ប៉ុន្តែ ចុះបើប្រព័ន្ធម៉ាញេទិចនោះ គាំងមិនដំណើរការ ដោយបញ្ហា Hardware ឬ Software ប្រហែលជាត្រូវហូតឡើងរហូតហើយ។

ស្មាតហ្វូនទំនើបៗ ផ្តល់កម្រិតការពារជម្រាបទឹក ខុសៗគ្នា ប៉ុន្តែពេលហូតពីផ្នែកខាងក្នុងឡើងលើ ដូចករណី Find X អាចងាយនឹងបាត់បង់ទំនុកចិត្ត ខ្លាចទឹកចូល។ ស្មាតហ្វូនដូចជារបស់ Oppo មានកញ្ចក់ទាំងផ្នែកមុខ និងក្រោយ បើអ្នកប្រើប្រាស់ចង់ប្រើសម្បកការពារប្រហែលពិបាកបន្តិច។ ធូលីដី ខ្សាច់ ញើស សុទ្ធតែជាកត្តាងាយនឹងជ្រាបចូលសមាសធាតុខាងក្នុង ចុះបើអ្នកភ្លេចខ្លួនធ្លាក់ទូរសព្ទ ពេលដែលកាមេរ៉ាទូរសព្ទហូតឡើង ពិបាកស្មានណាស់។

សម្រាប់អ្នកនិយមថតរូបប្រើកាមេរ៉ាទូរសព្ទ អាចពិបាកបន្តិច កាមេរ៉ា Find X ទាំងមុខ និងក្រោយ បង្កប់នៅខាងក្នុង មានកន្លែងតិចតួច រៀបចំប្រព័ន្ធកាមេរ៉ាគុណភាពខ្ពស់។

មានចំណុចពីរ ហាក់ខ្ទាស់នឹងប្រព័ន្ធម៉ាញេទិចនេះ មួយគឺតម្រូវថាមពលបន្ថែម ក្នុងការរុញច្រានសមាសធាតុខាងក្នុង ហូតឡើង ឬចុះ។ មួយទៀតគឺ ភាពយូរអង្វែង បើត្រលប់ទៅឆ្នាំ ២០០៩ លោក Philippe Starck ជាអ្នករចនា បានកត់ចំណាំ ពេលធ្វើបទសម្ភាសន៍ ពី Nokia N97 ថា ពេលណាបន្ថែមសមាសធាតុម៉ាញេទិចនេះ ទោះល្អប៉ុណ្ណាក៏ដោយ ផលិតផលមិនសូវប្រើបានយូរនោះទេ៕