វិស្វករផ្នែកអេក្រង់ ពន្យល់ហេតុផល Chins ស្តើងមិនសូវល្អ

2018-10-29 06:48:13
ចំណេះដឹង

2018-10-29 06:48:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បញ្ហាអេក្រង់ចេញឆ្នូតលើ Pixel 3 XL មានការពន្យល់ជាច្រើន ហេតុផលក្រុមហ៊ុនផលិតជ្រើសរើសការរចនាតួទូរសព្ទបែបនេះ។ ក្រោយ Pixel 3 XL ធ្លាក់បានបន្សល់នូវបន្ទាត់ពណ៌ផ្កាឈូកនៅចំណុចកណ្តាលពីលើចុះក្រោមតែម្តង។

I’m not about to make an entire video, but RIP this Pixel 3 XL. My screen just got this permanent pink line of dead pixels down the middle out of nowhere. Wtf pic.twitter.com/CcbyEmE2G8
— Marques Brownlee (@MKBHD) October 24, 2018

អេក្រង់បត់ឆ្ពោះទៅក្រោម ដើម្បីភ្ជាប់ជាមួយ Connector ដែលដំណើរការ Pixels ដោយលក្ខណៈបែបនេះ ងាយនឹងធ្វើឲ្យបន្ទាត់អេក្រង់ផ្តាច់ចេញពីផ្ទៃខាងក្រោម ជាពិសេសបើ Chin ស្តើង ហើយ ជាលទ្ធផល មានបន្ទាត់ឆ្នូតពណ៌ផ្កាឈូក។ Chin ជាគម្លាតមួយនៅផ្នែកខាងក្រោមអេក្រង់ទូរសព្ទ។

ផ្នែកខាងក្រោមបត់ ១៨០ ដឺក្រេបែបនេះមានលើផ្ទាំង OLED ភាគច្រើន ជាមួយប្លាស្ទិកនៅស្រទាប់ខាងក្រោម។ ស្មាតហ្វូនកំពូលៗបច្ចុប្បន្ន អេក្រង់ប្រភេទ OLED ងាយនឹងមានបញ្ហានេះណាស់ ជាពិសេសបើ Chin ស្តើង។

ចុះហេតុអ្វីបានជា ស្មាតហ្វូនប្រើអេក្រង់ OLED មិនផលិត Chin ក្រាស់?

វិស្វករផ្នែកអេក្រង់ Apple មានការពន្យល់បែបនេះ៖ "Chin ស្តើង កម្រិតបត់នៅកៀកនឹង Frame ដូចនេះបង្កើនលទ្ធភាពកើតមានបញ្ហាចេញបន្ទាត់ឆ្នូត។ Chin ក្រាស់ ដែលឃើញមានលើទូរសព្ទជាច្រើន មានចំណុចច្រើនត្រូវធ្វើទាក់ទងនឹងតម្លៃ និងគោលដៅ នៃការផលិតរបស់ក្រុមហ៊ុន។ ឧទាហរណ៍៖ Apple ផ្តល់តម្លៃលើសោភ័ណភាព ហើយពេញចិត្តនឹងកាត់បន្ថយភាពធន់មួយចំនួន។ ក្រុមហ៊ុនដទៃទៀត ប្រហែលចង់ប្រើកន្លែងធំនៅខាងក្រោមសម្រាប់ Speaker។ ឧទាហរណ៍មួយផ្សេងទៀត អ្វីបានឃើញលើទូរសព្ទ Samsung ដែលក្រុមហ៊ុនបង្កើត Chin ស្តើងដូចនឹង Apple មិនមានគោលបំណងលើសោភ័ណនោះទេ។ Samsung មិនចូលចិត្ត Notch ដោយរក្សាគម្លាតខាងក្រោមក្រាស់ ទាំងលើនិងក្រោម ឲ្យស៊ីគ្នា។"

Apple ស្រលាញ់សោភ័ណភាព និងពេញចិត្តគម្លាតស្តើងនេះ ខណៈ Samsung ជាក្រុមហ៊ុនផលិតទូរសព្ទមួយមិនចូលចិត្តក្បាលឆក ដោយរចនាមានគម្លាតស៊ីគ្នាទាំងផ្នែកលើ និងក្រោម លើម៉ូដែល Note និង Galaxy ដែលមិនសូវងាយនឹងមានបញ្ហាចេញបន្ទាត់ឆ្នូត។

គោលគំនិតរចនារបស់ Samsung អាចនឹងកាន់តែប្លែកគួរឲ្យចាប់អារម្មណ៍ ពេល Galaxy S10 មានវត្តមានផ្លូវការ ដោយពាក្យចចាមអារ៉ាមជាច្រើនថា នឹងមានគម្លាតផ្នែកលើ និងក្រោមកាន់តែស្តើងជាង S9 ដោយដាក់កាមេរ៉ាមុខនៅក្នុងរន្ធតូចមួយ ក្នុងអេក្រង់តែម្តង ជំនួសឲ្យគម្លាតខាងលើ៕

វីដេអូ៖