- 2018-09-19 01:56:19
- ចំណេះដឹង
Apple មិនចូលចិត្តសារភាពថាខ្លួនចម្លងគេ សូម្បីតែរឿងតិចតួចក៏ដោយ
- 2018-09-19 01:56:19
- ចំនួនមតិ 0 | ចំនួនចែករំលែក 0
Apple មិនចូលចិត្តសារភាពថាខ្លួនចម្លងគេ សូម្បីតែរឿងតិចតួចក៏ដោយ
ចន្លោះមិនឃើញ
វត្តមាន Apple Watch Series 4 (នាឡិកាឆ្លាតវៃជំនាន់ទី ៤) ថ្មីមានសមត្ថភាពអាចដំណើរការ Electrocardiogram (ECG) ដោយការដាក់ម្រាមដៃលើប៊ូតុងនៅគែមនាឡិកា។
ECG ជាស្តង់ដារមួយដែលវេជ្ជបណ្ឌិតជាច្រើន ប្រើប្រាស់ដើម្បីវិនិច្ឆ័យរោគសញ្ញាជំងឺបេះដូង។ Sensor នៅលើ Apple Watch និង Fitbit ជំនាន់មុន អាចត្រួតពិនិត្យចង្វាក់បេះដូងបាន ល្អសម្រាប់ប្រើពេលហាត់កីឡា។
ជំងឺបេះដូង ជាឃាតកទីមួយក្នុងសហរដ្ឋអាមេរិក ហើយមុខងារលើ Apple Watch មួយនេះ អាចជួយអ្នកប្រើប្រាស់សម្គាល់ដឹងបញ្ហាជាមុនបាន។
នាយកប្រតិបត្តិក្រុមហ៊ុន AliveCor លោក Vic Gundotra មានការភ្ញាក់ផ្អើល ចំពោះការប្រកាសចេញមុខងារនេះ ថាជាឧបករណ៍អាចសាកល្បង ECG ដំបូងគេបង្អស់សម្រាប់អតិថិជន។ AliveCor មានបុគ្គលិក ៤៩ នាក់ ដែលបង្កើតឧបករណ៍ និងកម្មវិធីសាកល្បង ECG រួមមាន KardiaBand និង Kardia។
លោក Gundotra លើកឡើងថា ខ្លួនមានការភ្ញាក់ផ្អើលចំពោះការប្រកាសរបស់ Apple នៅលើឆាក ជាមួយអ្វីដែលខ្លួនបានកំពុងធ្វើរយៈពេល ៧ឆ្នាំមកហើយ ពាក់ព័ន្ធនឹងឧបករណ៍ និងកម្មវិធីវេជ្ជសាស្ត្ររបស់ AliveCor សម្រាប់សម្គាល់ចង្វាក់បេះដូងលោតមិនទៀងទាត់។ លោកបន្តថា ត្បិតបែបនេះក្តី Apple មិនដែលសារភាពថាខ្លួនចម្លងពីអ្នកដទៃនោះឡើយ សូម្បីតែចំណុចតិចតួច។
ចំណុចខុសគ្នារវាង AliveCor និង Apple Watch គឺតម្លៃ Hardware របស់ AliveCor ចាប់ផ្ដើមពី ៩៩ដុល្លារ ខណៈ Apple Watch Series 4 មាន ECG Hardware ជាមួយនឹងកម្មវិធីថ្មីតម្លៃ ៣៩៩ ដុល្លារ (បូកផ្សំនឹងមុខងារដទៃទៀត)៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ