មកស្គាល់កម្មវិធីថត Screen បួនប្រភេទសម្រាប់ Android អាចសាកល្បងបានឥតគិតថ្លៃ

2018-06-15 07:55:38
គន្លឹះ

2018-06-15 07:55:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Screen Recorder ជាមុខងារអនុញ្ញាតឲ្យម្ចាស់ Smartphone ធ្វើការថតទុកនូវរាល់សកម្មភាពទាំងឡាយដែលកំពុងដំណើរការលើអេក្រង់ទូរសព្ទ។ ខ្លះប្រើក្នុងគោលបំណងចែករំលែកចំណេះដឹងឬគន្លឹះខ្លីៗ និងខ្លះទៀតចង់ផ្សាយផ្ទាល់ការលេងហ្គេមទៅកាន់មិត្តភ័ក្ដិឬបណ្ដាញសង្គម។

Sabay ណែនាំឲ្យស្គាល់កម្មវិធី Screen Recorder បួនប្រភេទខុសពីគ្នា អាចសាកល្បងបានឥតគិតថ្លៃ និងងាយស្រួលប្រើប្រាស់បំផុត។

១.AZ Screen Recorder:

រាប់បញ្ចូលជាកម្មវិធីថត Screen ល្អបំផុតនៅលើប្រព័ន្ធ Android ដែលអាចទាញយកដោយឥតគិតថ្លៃ និងងាយស្រួលប្រើប្រាស់។ អនុញ្ញាតឲ្យផ្សាយផ្ទាល់ចេញពីឧបករណ៍ និងគាំទ្រការបើកកាមេរ៉ាមុខ បន្សំមុខងារ Edit វីដេអូមួយចំនួនមកពីនាយស្រាប់។ ក្នុងជំនាន់ Pro Version អ្នកត្រូវចំណាយ ២,៩៩ ដុល្លារ ដោយពុំចាំបាច់ Root ម៉ាស៊ីន ពុំជាប់ Watermark មិនកំណត់ពេលវេលាថត និងជាច្រើនទៀត។

២.DU Recorder:

អាចថត Screen នៃឧបករណ៍ឡើងដល់កម្រិត 1080p/60fps បន្សំផ្ទៃ Interface គាំទ្រដល់ ២០ ភាសា និងមានមុខងារ Edit វីដេអូនៅខាងក្នុងដូចគ្នា។ បន្សំពីនេះក៏អាចផ្សាយផ្ទាល់តាមរយៈកាមេរ៉ាមុខ មិនលោតផ្ទាំងផ្សព្វផ្សាយពាណិជ្ជកម្ម មិនតម្រូវឲ្យ Root ម៉ាស៊ីន និងមិនកំណត់ពេលវេលាថត។ ការផ្សាយផ្ទាល់អាចចែករំលែកបានទៅលើ YouTube, Facebook និង Twitch។

៣.Google Play Games:

មិនត្រឹមជាបណ្តុំនៃការលេងហ្គេម ក្រៅពីនេះ Google Play Games ក៏បើកឲ្យអ្នកប្រើអាចសាកល្បងមុខងារ Screen Recording បានដូចគ្នា។ ជាទូទៅត្រូវប៉ាន់សម្រាប់អ្នកចូលចិត្តលេងហ្គេម ប៉ុន្តែមិនអាចថតដល់កម្រិត 720p បានឡើយ ម្ល៉ោះជម្រើសការប្រើ AZ អាចថាល្អជាង។

៤.Twitch, YouTube Gaming:

ជាបណ្តុំនៃការផ្សាយផ្ទាល់ហ្គេម ប្រភេទ MMO RGP និង FPS ទាំងនៅលើកុំព្យូទ័រ, PSG4, Xbox One និង Nintendo Switch ក៏ដូចជាប្រព័ន្ធ Android ជាដើម។ ក្រោយផ្សាយផ្ទាល់ចប់ ក៏អនុញ្ញាតឲ្យអ្នកប្រើអាចធ្វើការ Download នូវវីដេអូនោះបាន ជារួមបើអ្នកនិយមលេងហ្គេមលើស្មាតហ្វូន ការសាកល្បងផ្សាយផ្ទាល់តាមកម្មវិធីនេះជាជម្រើសល្អបំផុត។