- 2021-12-31 02:47:22
- ផលិតផលថ្មី
ចេញហើយរូបរាងទាំងក្នុងនិងក្រៅ ឡានពេជ្រឃាតចិន BYD តម្លៃជិត ២ម៉ឺនដុល្លារ
- 2021-12-31 02:47:22
- ចំនួនមតិ 0 | ចំនួនចែករំលែក 0
ចេញហើយរូបរាងទាំងក្នុងនិងក្រៅ ឡានពេជ្រឃាតចិន BYD តម្លៃជិត ២ម៉ឺនដុល្លារ
ចន្លោះមិនឃើញ
បន្ទាប់ពីបង្ហាញរូបរាងខាងក្រៅក្នុងពិព័រណ៌រថយន្តមួយកាលពីខែមុន ឥឡូវនេះក្រុមហ៊ុនចិន BYD បានទម្លាយនូវរូបរាងផ្នែកខាងក្នុងនៃរថយន្តពេជ្រឃាតរបស់ខ្លួនម៉ូដែល Destroyer 05 ដែលប្រព័ន្ធកម្សាន្ត Touchscreen របស់វា ស្រដៀងទៅនឹងរថយន្ត Tesla។
អេក្រង់ Touchscreen នេះ មានទំហំ ១៥,៦អ៊ីញ និងកុងទ័រឌីជីថល ៨,៨អ៊ីញ។ ដៃចង្កូតមានឡូហ្គូ BYD នៅចំកណ្តាល និងមានប៊ូតុងសម្រាប់ចុចបញ្ជា។ នៅម្តុំចង្កឹះលេខ មានរន្ធសម្រាប់កែវទឹក និងមាន Driving Mode ហើយផ្ទៃតាប្លូគឺមានភ្លើងឆ្នូតវែងទៀតផង។
រថយន្ត BDY Destroyer 05 មានប្រវែង ៤៧៨០មម ទទឹង ១៨៣៧មម កម្ពស់ ១៤៩៥មម និងមានគម្លាតពីកង់មុខទៅកង់ក្រោយ ២៧១៨មម។ នៅខាងក្រោមចង្កៀង LED គឺជាប៉ាណាដ៏ធំដែលស្ទើរតែគ្របដណ្តប់ កាងខាងមុខ។
រថយន្តនេះប្រើម៉ាស៊ីនសាំង Plug-in Hybrid ចំណុះ ១,៥លីត្រ ផលិតបានកម្លាំង ១០៩សេះ ក្នុងនោះមានជម្រើសម៉ូទ័រ១ ដែលផលិតកម្លាំងសរុបបាន ១៧៧សេះ និងជម្រើសម៉ូទ័រ២ ដែលផលិតកម្លាំងសរុបបាន ១៩៤សេះ។ ចំពោះអាគុយគឺមានតូច និងធំ ដោយអាគុយតូចពេលសាកពេញរត់បានចម្ងាយ ៥៥គីឡូម៉ែត្រ និងអាគុយធំរត់បានចម្ងាយ ១២០គីឡូម៉ែត្រ។
ក្រុមហ៊ុន BYD មិនទាន់បញ្ជាក់តម្លៃផ្លូវការរបស់រថយន្តនេះឡើយ ប៉ុន្តែបើតាមប្រព័ន្ធផ្សព្វផ្សាយក្នុងស្រុក បង្ហាញថា វាអាចមានតម្លៃចន្លោះពី ១៩ ០០០ ដល់ ២៤ ០០០ដុល្លារ៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕