ដោះស្រាយខ្លួនឯងបាន បើម៉ាស៊ីនបោកសំលៀកបំពាក់ បោកជាប់សាប៊ូ ក្លិនមិនល្អ សំឡេងលឺខ្លាំង

2018-11-20 00:10:00
គន្លឹះ

2018-11-20 00:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លិនមិនល្អ សំឡេងលឺខ្លាំង និងសំលៀកបំពាក់នៅជាប់សាប៊ូ ជាបញ្ហាមានភាគច្រើនចំពោះម៉ាស៊ីនបោកសំលៀកបំពាក់។ប៉ុន្តែបញ្ហាទាំងនេះ អាចដោះស្រាយដោយខ្លួនឯងបាន ត្រឹមចំណាយពេលប៉ុន្មាននាទី។

បញ្ហាក្លិនមិនល្អ

បើសំលៀកបំពាក់នៅតែមានក្លិន មិនថាសម្អាតច្រើនដង នេះអាចប្រហែលមកពីម្សៅសាប៊ូ ឬសមាសធាតុមិនល្អនៅជាប់ក្នុងម៉ាស៊ីន។ ១) ប្រើក្រណាត់សើម ជូតសម្អាតផ្នែកខាងក្នុងកន្លែងក្រឡុកសំលៀកបំពាក់។

២) ធ្វើការសម្អាតតម្រង (Filter) នៅត្រង់ចំណុចនេះមានក្នុងសៀវភៅណែនាំ។

៣) បើកដំណើរការមុខងារសម្អាតខ្លួនឯង (Self-cleaning Mode) របស់ម៉ាស៊ីន ហើយអាចបន្ថែមសាប៊ូមុនពេលចុចឲ្យវិល។

រាល់ពេលប្រើប្រាស់រួច គួរបើកគម្របចំហ ដើម្បីឲ្យផ្នែកខាងក្នុងស្ងួត។

បញ្ហាសំឡេងលឺៗ

ម៉ាស៊ីនបោកសំលៀកបំពាក់ អាចបង្កើតជាសំឡេងលឺៗ ដោយសារការបាត់បង់តុល្យភាព។

១) ប្រាកដថាម៉ាស៊ីននៅនឹងល្អ មិនរង្គើ ផ្នែកក្រោមជើងកល់ស្មើល្អ។

២) បើម៉ាស៊ីនស្មើមិនរង្គើ ប៉ុន្តែនៅតែមានសំឡេង ផ្នែកក្នុងម៉ាស៊ីនកន្លែងក្រឡុកអាចមិនមានតុល្យភាព ដោយសារដាក់សំលៀកបំពាក់ច្រើនជ្រុលធ្ងន់ពេក។ ចុចបញ្ឈប់ម៉ាស៊ីន រួចអាចបន្ថយចំនួនសំលៀកបំពាក់ត្រូវសម្អាតបាន។

បញ្ហាសំលៀកបំពាក់នៅជាប់សាប៊ូ

បើសំលៀកបំពាក់ក្រោយសម្អាតនៅជាប់សាប៊ូអាចបណ្តាលមកពីម្សៅសាប៊ូដាក់ជ្រុលដៃ ឬលំហូរទឹកចូលម៉ាស៊ីនមានបញ្ហា។គួរពិនិត្យមើលការណែនាំពីចំណុះម្សៅសាប៊ូគួរប្រើ ក៏ដូចជាប្រាកដថាទឹកហូរចូលម៉ាស៊ីនមានគ្រប់គ្រាន់៕