AR Glass ទាល់ ៥០ ឆ្នាំទៀត ទើបក្លាយជាបច្ចេកវិទ្យាកំពូល

2018-09-14 03:43:42
ចំណេះដឹង

2018-09-14 03:43:42
ចំនួនមតិ 0 | ចំនួនចែករំលែក 0

ចន្លោះមិនឃើញ

AR Glass អាចជំរុញភាពពិត និងសិប្បនិម្មិត មកកៀកគ្នាផ្ដល់បទពិសោធន៍ថ្មី ធ្វើឲ្យជីវិតមានភាពទាន់សម័យ។ នេះបើតាមលោក Michael Abrash ជាអ្នកវិទ្យាសាស្ត្រនៅ Oculus។

លោកក៏បានបញ្ជាក់ដែរថា ត្បិតថា បែបនេះ ឧស្សាហកម្ម AR នៅមានឧបសគ្គជាច្រើន ត្រូវដើរឆ្លង មុនពេលក្លាយខ្លួនជាបច្ចេកវិទ្យាដ៏ល្អនា ៥០ ឆ្នាំបន្ទាប់។

ទម្រង់

Smart Glass ដូចជា Google Glass មានទម្ងន់ស្រាល អាចពាក់ប្រើបានយូរ ប៉ុន្តែសមត្ថភាពបំពេញការងារតាមតម្រូវការនៅមានកំណត់នៅឡើយ។ Smart Glass ល្អបំផុតសម្រាប់ប្រើក្នុង រោងចក្រ និងមន្ទីរពេទ្យ ដែលត្រូវការឲ្យដៃទំនេរ ក្នុងការប្រើប្រាស់ព័ត៌មាន។ តែនៅឆ្ងាយណាស់ ក្នុងការជំនួសស្មាតហ្វូន និងកម្មវិធីប្រើប្រចាំថ្ងៃ។

ឧបករណ៍ដទៃទៀតដូចជា Magic Leap One, HoloLens និង Meta មានមុខងារល្អៗ ប៉ុន្តែពិបាកពាក់ក្នុងរយៈពេលយូរ ដូចពាក្យកុំព្យូទ័រលើក្បាលអ៊ីចឹង។

ទិដ្ឋភាព

ឧបករណ៍ AR ជាច្រើន នៅមានកម្រិតក្នុងការបង្ហាញទិដ្ឋភាព ដូចជា Microsoft HoloLens បង្ហាញបានមុំ ៣៥ដឺក្រេ ខណៈ Magic Leap One និង ODG R9 បង្ហាញបានមុំ ៥០ ដឺក្រេ។

កម្រិតទិដ្ឋភាពបង្ហាញមានកំណត់ ផ្ដល់បទពិសោធន៍មិនទាន់គាប់ប្រសើរ ដោយអ្នកប្រើប្រាស់ត្រូវមើល Object ពីចម្ងាយ។

ការទំនាក់ទំនង

ឧស្សាហកម្ម AR នៅមានចំណុចអវិជ្ជមាននៅឡើយ ក្នុងការបង្កើត Tools ត្រឹមត្រូវ ជួយអ្នកប្រើប្រាស់ប្រតិកម្មទៅនឹងទិដ្ឋភាពសិប្បនិម្មិត។

Google Glass និង ODG Smart Glass ផ្ដល់ Touchpad នៅគែមដង អាចអូស ឬចុចផ្លាស់ប្ដូរជម្រើសនានាលើ Menu បាន។ ODG ក៏ផ្ដល់វិធីប្រតិកម្មជាមួយកម្មវិធី និងទិដ្ឋភាពសិប្បនិម្មិតតាមរយៈកាយវិការផងដែរ។ ប៉ុន្តែ Touchpad ផ្ដល់មុខងារនៅមានកម្រិត ខណៈការប្រើកាយវិការ អាចពិបាកសម្គាល់ពេលស្ថានភាពងងឹត។

បច្ចេកវិទ្យាបញ្ជាដោយសំឡេង និងការចាប់តាមភ្នែក អាចជួយសម្រួលការងារសាមញ្ញបានខ្លះ ប៉ុន្តែនៅមានកម្រិតនៅឡើយ។

តម្លៃ និងកម្មវិធី

Magic Leap One តម្លៃប្រហែល ២៣០០ដុល្លារ, Microsoft HoloLens តម្លៃប្រហែល ៣០០០ដុល្លារ រីឯ ODG R9 និង Google Glass Enterprise មានតម្លៃប្រហែល ១៨០០ដុល្លារ។ ទាំងនេះជាតម្លៃនៅក្រៅស្រុក។ ឧបករណ៍ AR ទាំងនេះ សាកសមប្រើត្រឹមក្នុងអាជីវកម្មប៉ុណ្ណោះ។

បច្ចុប្បន្ន ស្មាតហ្វូន iPhone X, Note 9 ឬ Pixel XL 2 មានតម្លៃទាបជាង ហើយអាចប្រើកម្មវិធី AR ផងដែរ៕