- 2019-12-20 03:05:41
- ព័ត៌មាន
ម៉ូតូ Honda PCX ជំនាន់ថ្មីរូបរាងថ្មី នឹងប្រើប្រាស់ម៉ាស៊ីនថ្មី ស្ទុះខ្លាំងលើសមុន
- 2019-12-20 03:05:41
- ចំនួនមតិ 0 | ចំនួនចែករំលែក 0
ម៉ូតូ Honda PCX ជំនាន់ថ្មីរូបរាងថ្មី នឹងប្រើប្រាស់ម៉ាស៊ីនថ្មី ស្ទុះខ្លាំងលើសមុន
ចន្លោះមិនឃើញ
ដំណឹងចុងក្រោយថ្មីទាក់ទងនឹងម៉ូតូដ៏ពេញនិយមរបស់ Honda គឺ PCX មានលើកឡើងអំពីចំណុចពិសេសមួយចំនួនរបស់ PCX ជំនាន់ថ្មី ដែលនឹងមកជាមួយនូវផ្លាស់ប្ដូរការឌីហ្សាញថ្មី។
PCX ជំនាន់ថ្មី អាចនឹងប្រើប្រាស់ម៉ាស៊ីន eSP+ ដែលម៉ាស៊ីននេះនឹងមានបន្ថែមនូវចំណុះដល់ ១៥៧ សេសេ និងទំហំស៊ីឡាំងពី ៥៨ ម.ម ទៅ ៦០ ម.ម។ ម៉ាស៊ីនថ្មីនឹងជួយឲ្យម៉ូតូមានសន្ទុះកាន់តែខ្លាំងបើប្រៀបនឹង PCX 150 នាពេលបច្ចុប្បន្ន។ ត្បិតថាម៉ាស៊ីនធំជាងមុនមែន ប៉ុន្តែម៉ាស៊ីននេះអាចបើបានចម្ងាយជាមធ្យម ៤២ គ.ម សម្រាប់ប្រេង ១លីត្រ ដោយមិនគិតនូវមុខងារ Idling Stop System។
ចំពោះរូបរាងរបស់ PCX 150 ថ្មី មិនទាន់បានបង្ហាញនៅឡើយទេ។ ប៉ុន្តែវាទំនងជានឹងមានមុខងារមួយឈ្មោះថា Honda Selectable Torque Control (HSTC) ដែលអាចស្គាល់ថាជា Traction Control ដែលប្រព័ន្ធនេះជួយទប់លំនឹងម៉ូតូ និងកាត់បន្ថយភាពរអិល។
Honda PCX 150 នឹងមិនបង្ហាញមុខក្នុងពេលឆាប់ៗនោះទេ។ វាអាចនឹងបង្ហាញមុខនៅដំណាច់ឆ្នាំ ២០២១ ហើយចេញលក់នៅឆ្នាំ ២០២២ ដែលវាទំនងជាបង្ហាញមុខក្នុងកម្មវិធី Tokyo Motor Show ឆ្នាំ ២០២១៕
ចុចអាន ៖ មើលតម្លៃម៉ូតូ Honda ADV 150 ទើបលក់នៅវៀតណាម ខុសពីនៅកម្ពុជាយ៉ាងណា?
