- 2014-12-01 16:48:08
- ព័ត៌មាន
ក្រុមម៉ូតូធំ MSB មិនព្រងើយកន្តើយលើកម្មវិធីសប្បុរសធម៌
- 2014-12-01 16:48:08
- ចំនួនមតិ 0 | ចំនួនចែករំលែក 0
ក្រុមម៉ូតូធំ MSB មិនព្រងើយកន្តើយលើកម្មវិធីសប្បុរសធម៌
ចន្លោះមិនឃើញ
ទោះបីមានការរវល់យ៉ាងណា ក្រុម MSB មិនចោលឡើយក្នុងការធ្វើកិច្ចការមនុស្សធម៌។ ថ្មីៗនេះ ក្រុមនេះបាននាំថវិកាយកទៅផ្តល់ដល់អង្គការអនាគតកុមារថ្មីនៃស្រុកកៀនស្វាយ ដែលបានមកពីការបរិច្ចាករបស់សមាជិករបស់ក្រុម និងការឧបត្ថម្ភពីក្រុមហ៊ុននានា។
លោក ណៃ ម៉ូរ៉ាន់ ប្រធានក្រុម ម៉ូតូស្ព័រកម្ពុជា (MSB) បានឲ្យដឹងថា លោកនៅតែបន្តផ្ដល់អំណោយដល់កុមារកំព្រា ឬ ជនទីទាល់ក្រ ពេលដែលក្រុមជួបជុំទំនេរពីការងារ ឬមុខជំនួញរៀងៗខ្លួន។
លោកបញ្ជាក់ថា ការធ្វើដំណើរលើកនេះគឺមានគ្នា ៤០ ម៉ូតូធំ ហើយមុនពេលចេញដំណើរក្រុមលោកទាំងអ្នកបានទៅនិងមិនបានទៅ បានចូលលុយបន្ថែមតាមទឹកចិត្តដោយសមាជិកក្រុមខ្លះ ៥ ទៅ ១០ ដុល្លារបូកពីលើថវិកាដែលក្រុមលោកបានសន្សំរាល់សប្ដាហ៍ជាក្រុម ម្នាក់ ២ ដុល្លារ។
ក្នុងដំណើរបេសកកម្មចែកអំណោយក្រុមម៉ូតូធំ MSB មានការចាប់អារម្មណ៍សម្រាប់ការទទួលស្វាគមន៍ដ៏រាក់ទាក់ របស់ក្រុមកុមារកំព្រាអង្គការអនាគតកុមារថ្មី ដោយមានការរាំរបាំបុរាណខ្មែរទទួលយ៉ាងអធិកអធម។ ឆ្លៀតក្នុងឱកាសនោះ ក្រុមម៉ូតូធំក៏បានចូលរួមលេងល្បែងកម្សាន្ត រួមទាំងការញុំបាយសាមគ្គីរួមគ្នា ដែលបង្កើតបរិយាកាសរីករាយ និងស្នាមញញឹមក្នុងនាមជាជាតិខ្មែរដូចគ្នា។
អានអត្ថបទ៖ សេដ្ឋីរុស្សីស្រុកខ្មែរ ឃើញឡានជិះក៏ញាក់សាច់ដែរ
អានអត្ថបទ៖ ស្រុកណាមិនដឹង តែស្រុកអាមេរិកគេយក Rolls Royce រត់តាក់ស៊ី
អានអត្ថបទ៖ Rolls-Royce, 2014 BMW X5 , Jaguar XJ, Audi Q7 អង្រួនទីផ្សារខ្មែរ
អានអត្ថបទ៖ Rolls-Royce Motor Car បំភ្លឺឈ្មោះក្រុមហ៊ុន Rolls-Royce plc
អត្ថបទ៖ ដារ៉ាឆានី
